ពិតអត់! អ្នកផឹកស្រារស់បានយូរជាងអ្នកមិនផឹក
តាមប្រភពព័ត៌មាន Metro បានឲ្យដឹងថា អត្ថបទសិក្សាស្រាវជ្រាវចេញផ្សាយនៅលើ Public Library of Science Medicine (PLOS…
តាមប្រភពព័ត៌មាន Metro បានឲ្យដឹងថា អត្ថបទសិក្សាស្រាវជ្រាវចេញផ្សាយនៅលើ Public Library of Science Medicine (PLOS Medicine) បានរកឃើញថា អ្នកពិសារសារធាតុអាល់កុលក្នុងកម្រិតតិចមានអត្រាស្លាប់ទាបជាងអ្នកដែលមិនពិសារសោះ។
វេជ្ជបណ្ឌិត Kunzman ធ្វើការនៅសាកលវិទ្យាល័យ Queen’s University Belfast បានធ្វើការសិក្សាទៅលើមនុស្សអាយុចន្លោះពី ៥៥ឆ្នាំ ទៅ៧៤ឆ្នាំ ចំនួន ១សែននាក់ នៅសហរដ្ឋអាមេរិក ដោយធ្វើការពិនិត្យរកមើលជំងឺមហារីក ប្រូស្តាត សួត ពោះវៀន និង អូវ៉ារី។ ពួកគេត្រូវបានសួរនាំពីប្រវតិ្តផឹកស្រានាពេលកន្លងមក។ ការសិក្សានេះធ្វើឡើងរយៈពេល៩ឆ្នាំ។
លទ្ធផលនៃការសិក្សាស្រាវជ្រាវរកឃើញថា អ្នកដែលពិសារអាល់កុលតិច (ស្រាបៀរចំណុះ២.៨លីត្រ/សប្តាហ៍ ឬស្រាចំណុះ៧កែវ/សប្តាហ៍) មានអត្រាស្លាប់តិចជាងអ្នកដែលមិនទទួលទាន់សោះ។ ចំពោះអ្នកដែលផឹកច្រើនវិញ មានអត្រាស្លាប់ច្រើនជាងអ្នកផឹកតិចដល់ទៅ២០%។
ទោះបីជាយ៉ាងណាក៏ដោយ ការសិក្សានេះមិនទាន់អាចយកជាការបាននៅឡើយ ព្រោះតែគេផ្តោតតែលើមនុស្សមានវ័យចំណាស់ និងមិនបានសិក្សាទៅលើកត្តាការសេដ្ឋកិច្ចគ្រួសារ និងសង្គមឡើយ៕
ចែករំលែកព័តមាននេះ