ឥណ្ឌូនេស៊ី ៖ តាមប្រភពព័ត៌មាន Metro បានឲ្យដឹងថា ស្ត្រីម្នាក់អាយុ៥៤ឆ្នាំ ត្រូវបានស្លាប់យ៉ាងវេទនាដោយសារតែពស់ថ្លាន់លេបទាំងរស់ ខណៈកំពុងធ្វើការងារក្នុងសួនច្បារ។ Wa Tiba…
ឥណ្ឌូនេស៊ី ៖ តាមប្រភពព័ត៌មាន Metro បានឲ្យដឹងថា ស្ត្រីម្នាក់អាយុ៥៤ឆ្នាំ ត្រូវបានស្លាប់យ៉ាងវេទនាដោយសារតែពស់ថ្លាន់លេបទាំងរស់ ខណៈកំពុងធ្វើការងារក្នុងសួនច្បារ។
Wa Tiba ដែលជាម្តាយរបស់ក្មេងពីរនាក់ត្រូវបានបាត់ខ្លួនតាំងពីពេលល្ងាចថ្ងៃព្រហស្បត្តិ៍ម៉ោង៦ជាង ពេលចេញទៅធ្វើការងារក្នុងសួនច្បារ។ កូនៗរបស់នាងមានការព្រួយបារម្ភយ៉ាងខ្លាំង ព្រោះរកនាងមិនឃើញសោះ។
ក្រោយមកនៅថ្ងៃអាទិត្យពេលព្រឹក ទើបគេរកឃើញពស់ថ្លាន់មួយក្បាលនៅដេកស្ងៀម លូនទៅណាមិនរួច ដោយសារតែពោះរបស់វាប៉ោងធំពេក។ អ្នកភូមិមានការសង្ស័យ ហើយក៏ធ្វើការវះបើកពោះរបស់វា។ អ្នកភូមិ Mabolu ក្នុងខេត្ត Muna ប្រទេសឥណ្ឌូនេស៊ី មានការភ្ញាក់ផ្អើលយ៉ាងខ្លាំង ព្រោះនៅក្នុងពស់មួយក្បាលនោះ គឺជាសាកសពរបស់ស្ត្រីអាយុ៥៤ឆ្នាំ។
អ្នកភូមិក៏បានជួយធ្វើបុណ្យសពតាមប្រពៃណីឲ្យសពស្ត្រីដែលស្លាប់ ខណៈដែលកូនៗមានការយំសោក ព្រោះបាត់ម្តាយជាទីស្រឡាញ់៕ វីដេអូដកស្រង់ចេញពី ៖ Vivi’s Creation
https://www.youtube.com/watch?v=0BstlGFZ8C4
ចែករំលែកព័តមាននេះ