រាជធានីភ្នំពេញ ៖ សិល្បករច្នៃម៉ូដ ប្លែកៗរងការប្រមាថ បន្ទាប់ពីលោកបង្ហាញការច្នៃម៉ូដពីគ្រឿងអលង្ការខ្មែរពីសម័យដើមតាមហ្វេសប៊ុក។ បន្ទាប់ពីបានបង្ហោះរូបភាពពីការតុបតែង និងច្នៃម៉ូដសម្រាប់តារាសម្តែងវ័យក្មេងនាងរៀម ច័ន្ទបរម៉ី មក ក៏មានហ្វេសប៊ុកមួយឈ្មោះ…
រាជធានីភ្នំពេញ ៖ សិល្បករច្នៃម៉ូដ ប្លែកៗរងការប្រមាថ បន្ទាប់ពីលោកបង្ហាញការច្នៃម៉ូដពីគ្រឿងអលង្ការខ្មែរពីសម័យដើមតាមហ្វេសប៊ុក។ បន្ទាប់ពីបានបង្ហោះរូបភាពពីការតុបតែង និងច្នៃម៉ូដសម្រាប់តារាសម្តែងវ័យក្មេងនាងរៀម ច័ន្ទបរម៉ី មក ក៏មានហ្វេសប៊ុកមួយឈ្មោះ Khun Ban បានរិះគន់ដោយពាក្យប្រមាថយ៉ាងធ្ងន់ លុបលើពាក្យសរសើរជាច្រើន។
ការប្រមាថនោះដោយពាក្យថា «បណ្ឌិតស្អីមិនដឹងចេញពីសាលាណាមកទេ បណ្ឌិតអ៊ីចឹង ក្បាលមួយស្បែកជើងមិនខុសទេ »។ បន្ទាប់ពីទទួលរងការប្រមាថបែបនោះលោកឯម រៀម បានបញ្ចេញសារឆ្លើយតបទៅកាន់បុគ្គលរូបនោះវិញ ជាមួយការរិះគន់តបដោយគ្មានលាក់លៀម។ តាមរយៈសារដែលបានបង្ហោះលោក ឯម រៀម បានអះអាងថា «ដើម្បីវប្បធម៌ខ្មែររស់ឡើង ទោះបីក្បាល១ស្បែកជើងក៏ដោយក៏ពេញចិត្ត»។ ជាមួយការឆ្លើយតបបែបនេះ ហើយទំនងជាលោកស្គាល់បុគ្គលនោះ លោក ឯម រៀម បានប្រើពាក្យបែបរិះគន់ទៅវិញថា «មិនដូចអ្នកខ្លះទិញក្បាច់ពុម្ភ ធ្វើមកុដមកពីប្រទេសថៃ មកធ្វើនៅស្រុកខ្មែរ ផលិតចេញមករចនាបថថៃ១០០% បើអាចឈប់បានឈប់ទៅ គេដឹងទាំងអស់តែគេមិននិយាយ រៀនធ្វើ អ្វីៗដែលខ្មែរមាន វាប្រសើរជាងទៅទិញរចនាបថពីប្រទេសថៃ ហើយអួត ក្តែងៗ live តាមFBថាចេះធ្វើមកុដ ហើយបើចង់ដឹងថា ឯម រៀម ចេញពីសាលាណាចាំជាតិក្រោយទៅ »។
នេះមិនមែនជាលើកទីមួយទេដែលអ្នកច្នៃប្លែកៗឯម រៀម ទទួលការស្តីបន្ទោស និងរិះគន់ពីមជ្ឃនដ្ឋាននានា គឺកន្លងមក ថ្មីៗនេះលោកក៏ទទួលការរិះគន់ផងដែរចំពោះការច្នៃម៉ូដអប្សរាឲ្យបុរសពាក់ ។ លោកឯម រៀម បានបកស្រាយឲ្យដឹងថា មកុដអប្សរាពាក់បានទាំងបុរសទាំងស្ត្រី ហើយអប្សរាក៏មាន២ប្រភេទដែរ ដោយការមើលឃើញនៅតាមសសរពេជ្រ នៃប្រាសាទបាយន័ គឺមិនមានដើមទ្រូង ធំៗដូចស្ត្រីទេ ថែមទាំងមានស្លៀកប៉ឹងដោយមិនមានស្លៀកសំពត់។ ដូចនេះហើយតាមការមើលឃើញគឺអប្សារាមានទាំងបុរសមានទាំងស្ត្រី ៕
ចែករំលែកព័តមាននេះ