រាជធានីភ្នំពេញ ៖ សមាជិកព្រឹទ្ធសភាចំនួន៥៩រូបបានលើកដៃអនុម័តសេចក្តីព្រាងច្បាប់ស្តីពីសញ្ជាតិសេចក្តីព្រាងច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀង ស្តីពីការបង្កើត អង្គការសហប្រតិបត្តិការព្រៃឈើអាស៊ី និងសេចក្តីព្រាងច្បាប់ស្តីពីវិសោធនកម្មមាត្រាមួយចំនួននៃច្បា ប់ស្តីពីការគ្រប់គ្រង និងការធ្វើអាជីវកម្មធនធានរ៉ែ…
រាជធានីភ្នំពេញ ៖ សមាជិកព្រឹទ្ធសភាចំនួន៥៩រូបបានលើកដៃអនុម័តសេចក្តីព្រាងច្បាប់ស្តីពីសញ្ជាតិសេចក្តីព្រាងច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀង ស្តីពីការបង្កើត អង្គការសហប្រតិបត្តិការព្រៃឈើអាស៊ី និងសេចក្តីព្រាងច្បាប់ស្តីពីវិសោធនកម្មមាត្រាមួយចំនួននៃច្បា ប់ស្តីពីការគ្រប់គ្រង និងការធ្វើអាជីវកម្មធនធានរ៉ែ ។
ការអនុម័តសេចក្តីព្រាងច្បាប់ទាំងនេះធ្វើឡើងក្នុងសម័យប្រជុំលើកទី១ ព្រឹទ្ធសភា នីតិកាលទី៤ នាព្រឹកថ្ងៃទី១១ ខែមិថុនា ឆ្នាំ២០១៨ ក្រោមវត្តមានរបស់សម្តេចវិបុលសេនាភក្តីសាយ ឈុំ ប្រធានព្រឹទ្ធសភា និងមានសមាជិកព្រឹទ្ធសភាចំនួន៥៩រូបចូលរួម ។ សម័យប្រជុំលើកទី១ នេះសមាជិកព្រឹទ្ធសភាពិនិត្យលើករបៀបចំនួនម្តងៗមុននឹងអនុម័តដោយបានទី១បានអនុម័តលើសេចក្តីព្រាងច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី ។ សេចក្តីព្រាងច្បាប់នេះបានតាក់តែងឡើង ដោយមានគោលបំណងបង្កើនប្រសិទ្ធភាពការងារគណនេយ្យភាពរបស់រាជរដ្ឋាភិបាលចំពោះរដ្ឋសភា និងប្រជាពលរដ្ឋ ការទទួលខុសត្រូវរបស់រាជរដ្ឋាភិបាល និងការកំណត់សមាសភាពរាជរដ្ឋាភិបាលដែលមានចែងក្នុងមាត្រា១១៨ថ្មីនៃរដ្ឋធម្មនុញ្ញឲ្យមានសង្គតិភាពជាមួយនឹងរដ្ឋធម្មនុញ្ញ ។ សេចក្តីព្រាងច្បាប់នេះក៏មានគុណប្រយោជន៍ដល់អង្គការនីតិប្រតិបត្តិ និងស្ថាប័នពាក់ព័ន្ធមានមូលដ្ឋានគ្រប់គ្រាន់យកទៅអនុវត្តតាមតួនាទី ភារកិច្ច និងសមត្ថកិច្ចរបស់ខ្លួនបានល្អ និងលើកកម្ពស់ការទទួលខុសត្រូវក្នុងការធានាការអនុវត្តច្បាប់ធានាការពារនីត្យានុកូលភាពធានាសណ្តាប់ធ្នាប់ និងសន្តិសុខសាធារណៈ ជាពិសេសធានាការពារឯករាជ្យ អធិប តេយ្យ និងបូរណភាពទឹកដីនៃព្រះរាជាណាចក្រកម្ពុជា ព្រមទាំងធានាបាននូវសុខសន្តិភាព ស្ថិរភាព និងការអភិវឌ្ឍប្រទេសជាតិលើគ្រប់វិស័យ និងរួមចំណែកកសាងបានគ្រឹះដ៏រឹងមាំក្នុងការពង្រឹងលទ្ធិប្រជាធិបតេយ្យសេរីពហុបក្ស និង នីតិរដ្ឋក្នុងសង្គមកម្ពុជា ។ សេចក្តីព្រាងច្បាប់នេះតាក់តែងឡើងមាន៩ជំពូកចែកចេញជា៥៩មាត្រា ត្រូវបានរដ្ឋសភានៃព្រះរាជាណាចក្រកម្ពុជា អនុម័តយល់ព្រមចំនួន១១១សំឡេង នៃចំនួនសមាជិករដ្ឋសភាទាំងមូលនៅថ្ងៃទី៣១ ខែឧសភា ឆ្នាំ២០១៨ នាសម័យប្រជុំរដ្ឋសភាលើកទី១០ នីតិកាលទី៥ ។
អង្គប្រជុំព្រឹទ្ធសភាបានពិនិត្យ និងឲ្យយោបល់ឯកភាពទាំងស្រុងលើសេចក្តីព្រាងច្បាប់ទាំងមូល ដោយឥតកែប្រែចំនួន ៥៩សំឡេងនៃចំនួនសមាជិកព្រឹទ្ធសភាទាំងមូល ។ ទី២បានអនុម័តសេចក្តីព្រាងច្បាប់ស្តីពីសញ្ជាតិសេចក្ដីព្រាងច្បាប់នេះមានគោលបំណងធានាការអនុវត្តដែនយុត្ថាធិការ របស់ព្រះរាជាណាចក្រកម្ពុជាទៅលើរូបវន្ដបុគ្គល ដើម្បីកំណត់នូវសិទ្ធិទទួលបាន និងសិទ្ធិលះបង់សញ្ជាតិខ្មែរចំពោះជនដែលរស់នៅលើទឹកដីនៃព្រះរាជាណាចក្រកម្ពុជា ឬនៅបរទេស និងដែលបានបំពេញតាមលក្ខខណ្ឌនៃច្បាប់នេះ ។ សេចក្តីព្រាងច្បាប់នេះ គឺជាឧបករណ៍គតិយុត្តដ៏មានសារសំខាន់ក្នុងការកំណត់អំពីការទទួលបានសញ្ជាតិខ្មែរពីកំណើត ការទទួលបានសញ្ជាតិខ្មែរដោយការស្មុំកូនពេញលេញការទទួលបានសញ្ជាតិខ្មែរដោយអាពាហ៍ពិពាហ៍ការទទួលបានសញ្ជាតិខ្មែរដោយសញ្ជាតូបនីយកម្ម ការបាត់បង់សញ្ជាតិ និងការផ្តន្ទាទោស ចំពោះជនណាដែលផលិតកាន់កាប់ និង ប្រើប្រាស់ដោយក្លែងបន្លំ អត្តសញ្ញាណបណ្ណសញ្ជាតិខ្មែរ ឬលិខិតឆ្លងដែននៃព្រះរាជាណាចក្រកម្ពុជា ហើយក៏ជាក្របខណ្ឌច្បាប់ដ៏មានសារសំខាន់ដែលមានលក្ខណៈសមស្របតាមស្ថានភាពបច្ចុប្បន្ននៃការអភិវឌ្ឍសេដ្ឋកិច្ច និងសង្គម និងក្នុងគោលដៅគ្រប់គ្រងកិច្ចការសញ្ជាតិឲ្យកាន់តែមានប្រសិទ្ធភាពធានានូវសិទ្ធិ សេរីភាពរបស់ប្រជាពលរដ្ឋប្រកបដោយភាពសមរម្យ ថ្លៃថ្នូរ ការពារសន្ដិភាព និងការពារផលប្រយោជន៍នៃព្រះរាជាណាចក្រកម្ពុជា ។
សេចក្តីព្រាងច្បាប់ស្តីពី សញ្ជាតិនេះតាក់តែងឡើងមាន១០ជំពូក ចែកជា៣៨មាត្រា ត្រូវបានរដ្ឋសភានៃព្រះរាជាណាចក្រកម្ពុជាអនុម័តយល់ព្រមចំនួន១១២សំឡេងនៃចំនួនសមាជិករដ្ឋសភាទាំងមូលនៅថ្ងៃទី៣១ ខែឧសភា ឆ្នាំ២០១៨ នាសម័យប្រជុំលើកទី១០នីតិ-កាលទី៥ ។ សេចក្តីព្រាងច្បាប់នេះតាក់តែងឡើងមាន៣មាត្រាត្រូវបានរដ្ឋសភានៃព្រះរាជាណា-ចក្រកម្ពុជាអនុម័តយល់ព្រមចំនួន១១២សំឡេងនៃចំនួនសមាជិករដ្ឋសភាទាំងមូលនៅថ្ងៃទី៣១ ខែឧសភា ឆ្នាំ២០១៨ នាសម័យប្រជុំរដ្ឋសភាលើកទី១០ នីតិកាលទី៥ ។
លោកវេង សាខុនរដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទអមដោយមន្ត្រីជាន់ខ្ពស់ និងមន្ត្រីជំនាញតំណាងរាជរដ្ឋាភិបាលបានអញ្ជើញមកការពារសេចក្តីព្រាងច្បាប់នេះ ។ អង្គប្រជុំព្រឹទ្ធសភាបានពិនិត្យ និងឲ្យយោបល់ឯកភាពទាំង ស្រុងលើសេចក្តីព្រាងច្បាប់ទាំងមូលដោយឥតកែប្រែចំនួន៥៩សំឡេងនៃចំនួនសមាជិ ព្រឹទ្ធសភាទាំងមូល ។ រដ្ឋមន្ត្រីក្រសួងរ៉ែ និងថាមពលអមដោយមន្ត្រីជាន់ខ្ពស់ និងមន្ត្រីជំនាញតំណាងរាជរដ្ឋាភិបាលបានអញ្ជើញមកការពារសេចក្តីព្រាងច្បាប់នេះ ។ អង្គប្រជុំព្រឹទ្ធសភាបានពិនិត្យ និងឲ្យយោបល់ឯកភាពទាំងស្រុងលើសេចក្តីព្រាងច្បាប់ ទាំងមូលដោយឥតកែប្រែចំនួន៥៩សំឡេងនៃចំនួនសមាជិកព្រឹទ្ធសភាទាំងមូល ៕
ចែករំលែកព័តមាននេះ