រាជធានីភ្នំពេញ ៖ រថយន្តសាំយ៉ុងដឹកបន្លែពីខេត្តកំពង់ចាមមកដល់ត្រឹមព្រែកលៀបសង្ស័យបែកកង់រេចង្កូតទៅបុកបង្គោលថ្មតឿដាក់តាមចិញ្ចើមផ្លូវជាតិលេខ៦បាក់អស់២បង្គោល ហើយបុរសជាសន្តិសុខម្នាក់ដើរឆ្លងផ្លូវបុកអូសចូលផ្ទះលក់ចាប់ហួយ និងដូរលុយ បណ្តាលអោយស្លាប់សន្តិសុខម្នាក់ រីឯអ្នកបើករថយន្តរងរបួសធ្ងន់ ចំណែកម្ចាស់ផ្ទះមិនមានរងរបួសនោះទេ គ្រាន់តែខូចខាតរបស់របរក្នុងផ្ទះទាំងស្រុង ។…
រាជធានីភ្នំពេញ ៖ រថយន្តសាំយ៉ុងដឹកបន្លែពីខេត្តកំពង់ចាមមកដល់ត្រឹមព្រែកលៀបសង្ស័យបែកកង់រេចង្កូតទៅបុកបង្គោលថ្មតឿដាក់តាមចិញ្ចើមផ្លូវជាតិលេខ៦បាក់អស់២បង្គោល ហើយបុរសជាសន្តិសុខម្នាក់ដើរឆ្លងផ្លូវបុកអូសចូលផ្ទះលក់ចាប់ហួយ និងដូរលុយ បណ្តាលអោយស្លាប់សន្តិសុខម្នាក់ រីឯអ្នកបើករថយន្តរងរបួសធ្ងន់ ចំណែកម្ចាស់ផ្ទះមិនមានរងរបួសនោះទេ គ្រាន់តែខូចខាតរបស់របរក្នុងផ្ទះទាំងស្រុង ។
ហេតុការណ៍គួរឲ្យរន្ធត់នេះបានកើតឡើងកាលពីវេលាម៉ោង៩នឹង៣០នាទីយប់ថ្ងៃទី៨ ខែមិថុនា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចផ្ទះលក់ចាបហួយគ្មានលេខ ស្ថិតនៅក្នុងភូមិបាក់ខែង សង្កាត់ព្រែកលៀប ខណ្ឌជ្រោយចង្វារ ។
ម្ចាស់ផ្ទះកើតហេតុឈ្មោះសំអុល ភេទប្រុស អាយុ៥៥ឆ្នាំ មុខរបរធ្វើការនៅអគ្គមេបញ្ជាការកងពលខេមរភូមិន្ទ ស្នាក់នៅភូមិបាក់ខែង សង្កាត់ព្រែកលៀប ខណ្ឌជ្រោយចង្វារ។ ចំណែកឯអ្នកស្លាប់ឈ្មោះហួន ហែល ភេទប្រុស អាយុ៤៥ឆ្នាំ មុខរបរជាសន្តិសុខឯកជន ស្នាក់នៅផ្ទះជួលទល់មុខរោងចក្រ មានស្រុកកំណើតនៅឃុំអន្លុងស្លែង ស្រុកកំពូល ខេត្តកណ្តាល ។ រីឯអ្នកបើកបររថយន្តបង្កមិនត្រូវបានស្គាល់អត្តសញ្ញាណនោះទេ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរសម្នាក់មិនស្គាល់អត្តសញ្ញាណបើកបររថយន្តមួយគ្រឿង ម៉ាកសាំយ៉ុង ពណ៌ស ពាក់ស្លាកលេខ ភ្នំពេញ ២Q-២៦៨៥ ដឹកបន្លែពីខេត្តកំពង់ចាមយកមកអោយម៉ូយនៅផ្សារនាគមាស បើកបរតាមបណ្តោយផ្លូវជាតិលេខ៦ ក្នុងទិសដៅពីជើងទៅត្បូង បើកបរក្នុងល្បឿនយ៉ាងលឿន ខណៈពេលបើកមកដល់ចំណុចកើតហេតុខាងលើនេះ ស្រាប់តែរថយន្តនោះបែកកង់រួចរេចង្កូតជ្រុលទៅស្តាំដៃទៅបុកបង្គោលថ្មតឿដាក់តាមចិញ្ចើមផ្លូវជាតិលេខ៦ បណ្តាលអោយបាក់អស់២កង់ ភ្លាមៗនោះដែររថយន្តនៅមិនទាន់អស់ល្បឿននោះទេ បានបន្ថែមល្បឿនបើកទៅបុកសន្តិសុខម្នាក់ដែលយាមនៅរោងចក្រមួយកន្លែង ពេលដែលសន្តិសុខម្នាក់នោះបំរុងនឹងដើរឆ្លងផ្លូវទៅផ្ទះហូបបាយ តែមិនទាន់នឹងឆ្លងផងនោះក៏ត្រូវរថយន្តខាងលើបើកបុកប៉ើងចូលផ្ទះខាងលើបណ្តាលអោយស្លាប់ និងរងការខូចខាតរបស់របរនៅក្នុងផ្ទះលក់ចាបហួយទាំងស្រុង ព្រមទាំងរងការខូចខាតម៉ូតូស្គូពី ពណ៌សមួយគ្រឿង រីឯម្ចាស់ផ្ទះដែលសំរាកនៅក្នុងផ្ទះមិនមានរងរបួស ។ ចំណែកអ្នកបើករថយន្តខាងលើរងរបួសធ្ងន់ ភ្លាមៗនោះដែរ រថយន្តសង្គ្រោះក៏បានមកដល់និងដឹកអ្នកបើករថយន្តដែលរងរបួសធ្ងន់យកទៅព្យាបាលនៅមន្ទីរពេទ្យកាល់ម៉ែត ។
ប្រភពព័ត៌មាននៅកន្លែងកើតហេតុបានឲ្យដឹងទៀតថា មុនពេលកើតហេតុ រថយន្តដែលបុកចូលផ្ទះខាងលើនេះបានបើកជែងគ្នាជាមួយរថយន្តមួយគ្រឿងទៀត ទើបរេចង្កូតទៅបុកបង្គោលថ្មតឿនៅតាមចិញ្ចើមផ្លូវ ហើយបុកបុរសជាសន្តិសុខម្នាក់ដែលបម្រុងដើរឆ្លងផ្លូវ ដោយបុកអូសចូលទៅបុកទម្លុះទ្វារផ្ទះលក់ចាប់ហួយ បណ្តាលឲ្យបាក់ទ្វារផ្ទះរុលចូលទៅផ្ទប់នឹងជញ្ជាំងផ្ទះខាងក្រោយបណ្តាលឲ្យបុរសជាសន្តិសុខស្លាប់គួរឲ្យអាណោអាធ័ម រីឯអ្នកបើករថយន្តរងរបួសធ្ងន់ ចំណែកម្ចាស់ផ្ទះដែលសម្រាកក្នុងផ្ទះមិនមានរងរបួសទេ គ្រាន់តែខូចខាតទ្រព្យសម្បត្តិនៅក្នុងផ្ទះទាំងស្រុង ។
ក្រោយពេលកើតហេតុ រថយន្តខាងលើត្រូវបានសមត្ថកិច្ចធ្វើការស្ទួចយកទៅរក្សាទុកនៅការិយាល័យចរាចរណ៍ផ្លូវគោក ចំណែកឯសពរបស់ជនរងគ្រោះវិញត្រូវបានសាច់ញាតិដឹកយកទៅធ្វើបុណ្យនៅឯស្រុកកំណើតដើម្បីធ្វើបុណ្យតាមប្រពៃណី ៕
ចែករំលែកព័តមាននេះ