រាជធានីភ្នំពេញ ៖ បុរសជាជាងផ្សារដែកម្នាក់បានឡើងផ្សារដំបូលសំយ៉ាបផ្ទះមួយកន្លែងទាំងមេឃ កំពុងភ្លៀង ហើយត្រូវចរន្តអគ្គិសនីដែលឆ្លងតាមដែកដំបូលនោះឆក់ បណ្ដាលឲ្យធ្លាក់ពីកម្ពស់៤ម៉ែត្រ រងរបួសយ៉ាងធ្ងន់ធ្ងរ។ បន្ទាប់មកត្រូបានរថយន្តសង្គ្រោះអង្គភាព៧១១ ដឹកយកទៅបន្ទាន់នៅមន្ទីរពេទ្យ ព្រះកុសៈមៈភ្លាមៗ ហើយមិនទាន់ដឹងថា គាត់អាចឆ្លងផុតពីសេចក្ដីស្លាប់ ឬអត់នៅឡើយទេ។ ហេតុការណ៍នោះបានកើតឡើងកាលពីវេលាម៉ោង៤ និង១៥នាទីល្ងាច ថ្ងៃទី៨ ខែមិថុនា ឆ្នាំ២០១៨ នៅក្នុងភូមិព្រៃរងៀង សង្កាត់ភ្លើងឆេះរទេះ ខណ្ឌពោធិ៍សែនជ័យ រាជធានីភ្នំពេញ។
បុរសរងគ្រោះខាងលើ នោះមិនទាន់ត្រូវបានស្គាល់ឈ្មោះ សុ ផាន្នី អាយុប្រហែល៣០ឆ្នាំ និងគ្រាន់តែដឹងថាគាត់មានស្រុក កំណើតនៅក្នុងខេត្តក្រចេះ និងស្នាក់នៅភូមិកើតហេតុខាងលើ។ ប្រជាពលរដ្ឋបានឲ្យដឹងថា នៅមុនពេលកើតហេតុបុរសខាងលើរួមជាមួយក្រុមការងាររបស់គាត់ត្រូវបានអ្នកភូមិជួលឲ្យធ្វើសំយ៉ាបផ្ទះឲ្យដោយសំយ៉ាបនេះបានសង់ពីដែកប្រក់ស័ង្កសីដែលមានកម្ពស់ប្រមាណ៤ម៉ែត្រ។ ខណៈដែលគាត់កំពុងផ្សារសុខៗស្រាប់តែមេឃបានធ្លាក់ភ្លៀង ប៉ុន្តែទោះបែបណាគាត់មិនព្រមឈប់ សម្រាកសិនរង់ចាំមេឃរាំងភ្លៀងទើបឡើងផ្សារបន្តនោះទេ គឺបានផ្សារទាំងភ្លៀងតែម្ដង។
ប្រភពដដែលនោះបានបន្តទៀតថា ពេលនោះចរន្តអគ្គីសនីបានឆ្លងតាមដែក ហើយក៏បានឆក់បណ្ដាលឲ្យធ្លាក់ពីលើដំបូលដែលមានកម្ពស់ប្រហែល៤ម៉ែត្ររងរបួសធ្ងន់ធ្ងរ។ ភ្លាមៗនោះអ្នកភូមិបាននាំគ្នាជួយសង្គ្រោះបឋម ដោយបានយកជនរងគ្រោះទៅកប់ នៅក្នុងដីខ្សាច់រួចទើបហៅរថយន្តសង្គ្រោះអង្គភាព៧១១ ដឹកទៅកាន់មន្ទីរពេទ្យព្រះកុសៈមៈដើម្បីសង្គ្រោះបន្ទាន់៕
https://youtu.be/jwAplu-k1kw
ចែករំលែកព័តមាននេះ