ខេត្តកំពត ៖ ស្វាយកែវរមៀតកំពង់ជោជន់នៅចម្ការនីមួយៗនៅជាប់ភ្នំក្នុងខេត្តកំពត ទោះជាបែបណាគេឃើញពួកឈ្មួញប្រមូលទិញផ្លែស្វាយពីប្រជាពលរដ្ឋ ផ្លែស្វាយខ្លះត្រូវបានចាក់ចោលនៅតាមដងផ្លូវ ខ្លះទៀតត្រូវបានចោលស្អុយពេញព្រៃ ។ តាមប្រភពពីលោក សុទ្ធ ឈិន…
ខេត្តកំពត ៖ ស្វាយកែវរមៀតកំពង់ជោជន់នៅចម្ការនីមួយៗនៅជាប់ភ្នំក្នុងខេត្តកំពត ទោះជាបែបណាគេឃើញពួកឈ្មួញប្រមូលទិញផ្លែស្វាយពីប្រជាពលរដ្ឋ ផ្លែស្វាយខ្លះត្រូវបានចាក់ចោលនៅតាមដងផ្លូវ ខ្លះទៀតត្រូវបានចោលស្អុយពេញព្រៃ ។
តាមប្រភពពីលោក សុទ្ធ ឈិន ភេទប្រុស អាយុ៥៤ឆ្នាំ នៅភូមិល្អាង ឃុំល្អាង ស្រុកដងទង់ ខេត្តកំពត បាននិយាយរៀបរាប់អោយដឹងថា ស្វាយកែវរមៀតកំពង់ជន់ជោមានតម្លៃថោកបំផុត ដោយកាលពីឆ្នាំទៅកន្លងមកផ្លែស្វាយកែវរមៀត១គឺឡូ ១២០០រៀល តែឆ្នាំនេះផ្លែស្វាយបានធ្លាក់ចុះ១គីឡូ៥០០រៀលសម្រាប់ផ្លែល្អ តែបើផ្លែប្រភេទអន់ជាងនេះទៅទៀត ១គីឡូបានតែ២០០ទៅ៣០០រៀលទេ បើមិនលក់ខាតបង់លុយច្រើនណាស់នេះមិនទាន់គិតចំណាយការទិញជីផង ។
លោក ស៊ី គៀត ប្រធានឃុំស្អាងបានប្រាប់អោយដឹងកាលពីព្រឹកថ្ងៃទី៧ មិថុនា ថាផ្វែស្វាយពិតជាសំបូរណាស់ តែបើរបស់ណាសំបូរគឺវាមានតម្លៃថោកហើយ ។ គេបានដឹងថា ផ្លែស្វាយកែវរមៀតនេះត្រូវបានឈ្មួញទិញពីកសិកនៅតំបន់ភ្នំ ហើយដឹកទៅប្រទេសវៀតណាម និងដឹកចូលទៅស្រុកថៃ ៕
ចែករំលែកព័តមាននេះ