រាជធានីភ្នំពេញ ៖ យុវជនម្នាក់ជាកម្មករសំណង់ បានត្រូវចរន្តអគ្គិសនីឆក់បណ្ដាលធ្លាក់ពីលើជាន់ទី៤នៃសំណង់ផ្ទះល្វែងមួយកន្លែង ដែលកំពុងសាងសង់ បណ្តាលឲ្យស្លាប់ភ្លាមនៅនឹងកន្លែង ប៉ុន្តែខណៈនោះម្ចាស់ការដ្ឋាននិងមេការសំណង់បានព្យាយាមលាក់បាំងមិនឲ្យសមត្ថកិច្ចនិងអាជ្ញាធរមូលដ្ឋានដឹងឡើយ ។មិនតែប៉ុណ្ណោះ ក្រោយកើតហេតុភ្លាម រថយន្តសង្គ្រោះ៧១១បានទៅដល់…
រាជធានីភ្នំពេញ ៖ យុវជនម្នាក់ជាកម្មករសំណង់ បានត្រូវចរន្តអគ្គិសនីឆក់បណ្ដាលធ្លាក់ពីលើជាន់ទី៤នៃសំណង់ផ្ទះល្វែងមួយកន្លែង ដែលកំពុងសាងសង់ បណ្តាលឲ្យស្លាប់ភ្លាមនៅនឹងកន្លែង ប៉ុន្តែខណៈនោះម្ចាស់ការដ្ឋាននិងមេការសំណង់បានព្យាយាមលាក់បាំងមិនឲ្យសមត្ថកិច្ចនិងអាជ្ញាធរមូលដ្ឋានដឹងឡើយ ។មិនតែប៉ុណ្ណោះ ក្រោយកើតហេតុភ្លាម រថយន្តសង្គ្រោះ៧១១បានទៅដល់ ហើយក្រុមសង្គ្រោះបានពិនិត្យមើលដឹងថាស្លាប់តាំងពីពេលធ្លាក់មកភ្លាមម្ល៉េះ ស្រាប់តែម្ចាស់ការដ្ឋានសំណង់និងមេការបានដឹកសពជនរងគ្រោះចេញពីកន្លែងកើតហេតុទៅបាត់ មិនដឹងថាយកទៅដល់ណា ទេ ដោយបានលាក់បាំងនូវការស្លាប់របស់កម្មករខាងលើនោះ ។ ប៉ុន្តែដោយទំនងលាក់មិនជិតទើបដឹកសពយកទៅដាក់ចោលនៅក្នុងមន្ទីរពេទ្យមិត្តភាពខ្មែរ-សូវៀតវិញ ។
ហេតុការណ៍នេះគ្រោះថ្នាក់នេះ បានកើតឡើងនិងបង្កឲ្យមានការភ្ញាក់ផ្អើលកាលពីវេលាម៉ោង៤ល្ងាចថ្ងៃទី៥ ខែមិថុនា នៅការដ្ឋានសំណង់ផ្ទះល្វែង ស្ថិតតាមផ្លូវបេតុង៣០ម៉ែត្រ ខាងកើតផ្សារបុរីសន្តិភាព២ កែងផ្លូវចូលភូមិព្រៃល្ង ក្នុងភូមិដំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ ។យុវជនរងគ្រោះឈ្មោះ រិទ្ធ វិចិត្រ អាយុ២៧ឆ្នាំ ស្នាក់នៅក្នុងការដ្ឋានសំណង់ផ្ទះល្វែងខាងលើ និងមានស្រុកកំណើតនៅភូមិប៉ាក់ព្រី ឃុំបឹងដោល ស្រុកព្រះស្ដេច ខេត្តព្រៃវែង។ ប្រភពព័ត៌មានបានឲ្យដឹងថា យុវជនរូបនេះត្រូវបានមេការប្រើឲ្យទៅធ្វើការនៅជាន់ទី៤ ហើយជិតដល់ម៉ោងសម្រាកទៅហើយ ស្រាប់តែត្រូវចរន្តអគ្គិសនីឆក់បណ្ដាលឲ្យធ្លាក់ពីជាន់ទី៤មកចំគំនរឈើនៅខាងក្រោម បណ្ដាលឲ្យស្លាប់ភ្លាមតែម្ដង ។ សំណង់មួយនេះ គ្មានស្លាកយីហោទេ សាងសង់កៀកបំផុតទៅនឹងខ្សែកាប្លិ៍ភ្លើងដែលមានតង់ស្យុងខ្ពស់ ដូច្នេះហើយទើបបង្កគ្រោះ
ថ្នាក់ដល់កម្មករបែបនេះ ។ចំណែកអាជ្ញាធរភូមិដំណាក់ត្រយឹងនិយាយថា ម្ចាស់ការដ្ឋានសំណង់មួយនេះអាងខ្នងធំធ្វើអ្វីៗមិនដែលប្រាប់ឲ្យដឹងឡើយ ។សូម្បីតែមានកម្មករត្រូវចរន្តអគ្គិសនីឆក់ធ្លាក់ស្លាប់ ក៏ដឹកសពចេញដោយមិនប្រាប់ឲ្យដឹងដែរ ។
ទាក់ទិនទៅនឹងហេតុការណ៍ខាងលើ កោះសន្តិភាពមិនអាចសុំការបំភ្លឺពីមេការឬម្ចាស់ការដ្ឋានសំណង់មួយនេះបានឡើយ ព្រោះក្រោយពេលកើតហេតុភ្លាមៗ ខណៈចុះទៅសាកសួរព័ត៌មានគឺកម្មករនៅទីនោះហាក់ដូចជាមិនចង់និយាយរកទេ ហើយសុទ្ធតែឆ្លើយថាមិនដឹងទាំងអស់ ៕
ចែករំលែកព័តមាននេះ