ប្រទេសឥណ្ឌា ៖ បណ្ដាអ្នកទទួលខុសត្រូវមូលដ្ឋានគូសបញ្ជាក់កាលពីថ្ងៃទី២ មិថុនាថា ព្យុះយ៉ាងខ្លាំងនៅភាគខាងជើងឥណ្ឌា បណ្ដាលឲ្យមនុស្សស្លាប់យ៉ាងតិច១៨នាក់ ហើយបង្កការខូចខាតយ៉ាងច្រើន។ ខ្យល់ដែលបោកបក់ក្នុងល្បឿន១០០គីឡូម៉ែត្រក្នុង១ម៉ោង កាលពីថ្ងៃទី១ មិថុនា…
ប្រទេសឥណ្ឌា ៖ បណ្ដាអ្នកទទួលខុសត្រូវមូលដ្ឋានគូសបញ្ជាក់កាលពីថ្ងៃទី២ មិថុនាថា ព្យុះយ៉ាងខ្លាំងនៅភាគខាងជើងឥណ្ឌា បណ្ដាលឲ្យមនុស្សស្លាប់យ៉ាងតិច១៨នាក់ ហើយបង្កការខូចខាតយ៉ាងច្រើន។
ខ្យល់ដែលបោកបក់ក្នុងល្បឿន១០០គីឡូម៉ែត្រក្នុង១ម៉ោង កាលពីថ្ងៃទី១ មិថុនា ក្នុងរដ្ឋ UTTAR PRADESH បណ្ដាលឲ្យបាក់បង្គោលភ្លើង និងជញ្ជាំងទាំងឡាយ ហើយដើមឈើជាច្រើនពាន់ដើមរលំបាក់។ មនុស្ស១៦នាក់ស្លាប់ក្នុងរដ្ឋនោះ ភាគច្រើនដោយសារការបាក់ដើមឈើ និងជញ្ជាំងសង្កត់។ ចំណែកមនុស្សម្នាក់ទៀត ស្លាប់ដោយសារព្យុះមួយនៅក្រុងញូវដែល្លី រួចមនុស្សម្នាក់ស្លាប់នៅរដ្ឋ CHANDIGARH ។
ចាប់តាំងពីខែមេសាមក មនុស្សជិត២០០នាក់ស្លាប់នៅរដ្ឋ UTTAR PRADESH ជារដ្ឋមានប្រជាជនច្រើនជាងគេរបស់ឥណ្ឌា មកពីភ្លៀងខ្យល់ខ្លាំង ចំណែកមនុស្សប្រមាណ១០០នាក់ទៀតស្លាប់ ដោយសារបាតុភូតបរិយាកាសនានាក្នុងប្រទេស។
ភ្នាក់ងារឧតុនិយមឥណ្ឌាព្រមានថា ព្យុះថ្មីៗនឹងមកដល់ប៉ុន្មានថ្ងៃទៀត ខណៈសីតុណ្ហភាពឡើងដល់49,7អង្សា នៅស្រុក CHURU រដ្ឋRAJASTHAN៕
ចែករំលែកព័តមាននេះ