រាជធានីភ្នំពេញ ៖ កាលពីរសៀលថ្ងៃទី២៨ ខែឧសភានេះ លោកសុខ ទូចបានលើកឡើងថា ឡាវបានដាក់ពាក្យប្តឹងជុំវិញចំណុចអូតាង៉ាវ ។ លោកថា ឡាវបានដឹកដៃកម្ពុជាទៅប្តឹងតុលាការអន្តរជាតិហើយ។…
រាជធានីភ្នំពេញ ៖ កាលពីរសៀលថ្ងៃទី២៨ ខែឧសភានេះ លោកសុខ ទូចបានលើកឡើងថា ឡាវបានដាក់ពាក្យប្តឹងជុំវិញចំណុចអូតាង៉ាវ ។ លោកថា ឡាវបានដឹកដៃកម្ពុជាទៅប្តឹងតុលាការអន្តរជាតិហើយ។
លោកសុខ ទូចបានបញ្ជាក់ថា លោកបានត្រៀមឯកសារនឹងផ្អែកលើកផែនទីចំនួន១៣ផ្ទាំង និងការស្រាវជ្រាវរបស់លោកផ្ទាល់ ។
ការលើកឡើងរបស់លោកបណ្ឌិតសភាចារ្យសុខ ទូចប្រធានរាជបណ្ឌិតសភាកម្ពុជាបានថ្លែងក្នុងវេទិកាតុមូល ស្តីពីគោលនយោបាយរបស់គណបក្សទាំងអស់ដែលបានចុះឈ្មោះចូលរួមការបោះឆ្នោតនាថ្ងៃទី២៨ ឧសភា ឆ្នាំ២០១៨ នៅរាជបណ្ឌិតសភាកម្ពុជា។
លោកបណ្ឌិតប្រធានរាជបណ្ឌិតសភាកម្ពុជាបានបញ្ជាក់ថា«ពេលនេះឡាវគេបានបញ្ជូនលិខិតមកខ្ញុំពីការប្តឹងទាក់ទងនឹងសៀវភៅស ។ ឡាវគេបានសម្រេចបញ្ជូនពាក្យបណ្តឹងទៅកាន់តុលាការ ។ ឯកសារនោះខ្ញុំបានទទួលហើយ» លោកថា ឯកសារនោះមានការបកប្រែជាបីភាសា គឺភាសាឡាវ ខ្មែរ និងអង់គ្លេស ។
លោកប្រធានរាជបណ្ឌិតសភាកម្ពុជាមិនបានបញ្ជាក់ទេថា ពេលណាដែលប្រទេសឡាវបានដាក់លិខិតមកកាន់រូបលោកនោះទេ ។ លោកក៏មិនបានបញ្ជាក់ថា ពេលណាដែលត្រូវដាក់ទៅកាន់តុលាការអន្តរជាតិក្រុងឡាអេនោះទេ ។
លោកថា នៅពេលលោកបានបានចុះសិក្សាចំណុចអូតាង៉ាវនោះវាស្ថិតនៅក្នុងទឹកដីកម្ពុជាទេ ។ តែទាហានឡាវគេបានលើកាំភ្លើងតម្រង់មករកលោក ហើយបានអះអាងប្រាប់ទាហានទាំងនោះថា លោកស្ថិតក្នុងទឹកដីកម្ពុជាដែលមិនបានបាញ់រូបលោកទេ ៕
ចែករំលែកព័តមាននេះ