រាជធានីភ្នំពេញ ៖ លោក យ៉េង វីរៈប្រធានគណបក្សប្រជាធិបតេយ្យមូលដ្ឋាននៅរសៀលថ្ងៃទី២៧ខែឧសភា ឆ្នាំ២០១៨បានថ្លែងថាមុនទទួលបានកិច្ចព្រមព្រៀងទីក្រុងបារីសយើងបានបាត់បង់មនុស្សជាច្រើនណាស់ បង្កើតនូវរដ្ឋធម្មនុញ្ញមួយ ល្អណាស់ និងមានលទ្ធិប្រជាធិបតេយ្យសេរីពហុបក្ស ដោយមានការបោះឆ្នោតនៅកម្ពុជារហូតដល់ពេលនេះ ។ ពិធីនេះធ្វើនៅស្នាក់ការគណបក្សស្ថិតសង្កាត់ភ្នំពេញថ្មី ខណ្ដសែលសុខ។
លោកប្រធានបានលើកលើកឡើងថាពលរដ្ឋ ជាពិសេសយុវជនជាកូនចៅជំនាន់ក្រោយត្រូវបន្តនូវលទ្ធិប្រជាធិបតេយ្យនេះនៅកម្ពុជាឲ្យបានល្អតទៅទៀត។លោកថា៖”ទំរាំបានបែបនេះយើងបានចំណាយមនុស្សជាច្រើនណាស់”។រដ្ឋាភិបាលសង្គមបែបប្រជាធិបតេយ្យកើតឡើងពីការបោះឆ្នោតដោយត្រឹមត្រូវសេរិ យុត្តិធម៌។
លោកប្រធានបានលើកឡើងថាសិទ្ធិបោះឆ្នោតនេះសំខាន់ណាស់និងមានសិទ្ធិភាពខាងផ្លូវចិត្តមិនមានអ្នកណាម្នាក់មកបង្ខំទេ។រដ្ឋធម្មនុញ្ញាបានកំណត់ពីសិទ្ធិសេរីរបស់យើង ហើយអ្នកអនុវត្តសិទ្ធិគឺរដ្ឋាភិបាល។តែបើរដ្ឋាភិបាលដែលយើងបានជ្រើសរើសបោះឆ្នោតមិនបំរើពលរដ្ឋទេមិនប្រជាធិបតេយ្យ។សម្រាប់ប្រទេសលទ្ធិប្រជាធិបតេយ្យពិតគេមិនបានសុំការអនុញ្ញាតធ្វើអ្វីមួយទេ។មានតែប្រទេសមិនប្រជាធិបតេយ្យទេនៅពេលដែលចង់ធ្វើអី្វមួយសុំច្បាប់ពីរដ្ឋអំណាច។
លោកប្រធានបានលើកឡើងថានៅពេលរដ្ឋាភិបាលមួយមិនអនុវត្តសិទ្ធិមនុស្សនិងប្រជាធិបតេយ្យនៅពេលដែលនរណាម្នាក់ត្រូវបានគេរំលោភបំពានហើយអាជ្ញាធរមូលដ្ឋាន តុលាការ និងរដ្ឋាភិបាលមិនចាត់ការឬចាប់ជនប្រព្រឹត្តមកផ្តន្ទាទោស។តែនៅពេលណាតុលាការចាត់ការលើកបុគ្គលនោះមកផ្តន្ទាទោសតាមច្បាប់នោះវាល្អនិងផ្តល់យុត្តតិធម៌ដល់ជនរងគ្រោះ។
លោកប្រធានគណបក្សគបមបានលើកឡើងតបនឹងសំណួរថាគេថានៅកម្ពុជាបច្ចុប្បន្នមិនទាន់មានការគោរពសិទ្ធិមនុស្សល្អទេ ហើយមានម្ខាងទៀតថាលទ្ធិប្រជាធិបតេយ្យនិងគោរពសិទ្ធិមនុស្សថាលោកបានឭដូចនេះដែរ។លោកថាយើងត្រូវមើលលើតុលាការនិងការអនុវត្តច្បាប់របស់តុលាការនិងការបោះឆ្នោត។លោកថា ៖«លទ្ធិប្រជាធិបតេយ្យនៅកម្ពុជាមានការឡើងចុះ ហើយការបោះឆ្នោតទៀងទាត់សំខាន់ណាស់»។
លោកប្រធានបន្តថា៖«យើងមិនត្រូវឲ្យមានការធ្លាក់ចុះនូវលទ្ធិប្រជាធិបតេយ្យដែលយើងមាននៅពេលនេះ។យើងនឹងចូលរួមការបោះឆ្នោតសម្រាប់អាណត្តិនេះ»។
ចែករំលែកព័តមាននេះ