ខេត្តក្រចេះ ៖ សិស្សានុសិស្សចំនួនជាង៥០០នាក់រៀននៅសាលាវិទ្យាល័យ ក្នុងឃុំកន្ទួត ស្រុកចិត្របុរី ទួលបានការអប់រំពីមន្ត្រីជំនាញសាខាកាំកុតត្រូលខេត្តនិងមន្ត្រីនៃមន្ទីពាណិជ្ជកម្មខេត្តអំពីសុវត្ថិភាពម្ហូបអាហារនំចំណីដើម្បីលើកកំពស់ដល់សុខភាពក៏ដូចជាសុវត្ថិភាពរបស់អ្នកទទួលទានបន្ទាប់ពីឃុំមួយនេះធ្លាប់បានជួបបាតុភាពពុលចំណី និងស្រា រហូតសម្លាប់អស់ជាង១០នាក់ កាលពីដើមខែឧសភា ឆ្នាំ២០១៨ កន្លងទៅ ។
មន្ត្រីសាខាកាំកុងត្រូលនិយាយថា ការអប់រំផ្សព្វផ្សាយពីសុវត្ថិភាពចំណីអារហារ និង វិធានការពាក់ព័ន្ធផ្សេងទៀតក្នុងការពិនិត្យ និងជ្រើសរើសចំណីគុណភាពចំណីអារហារមុននឹង ទទួលទានត្រូវបានក្រុមមន្ត្រីជំនាញបានធ្វើការពន្យល់យ៉ាងល្អិតល្អន់ដល់សិស្សានុសិស្សាមានរយៈពេលពេញមួយថ្ងៃទី២១ ខែឧសភា ឆ្នាំ២០១៨ ។
ប្រធានសាខាកាំកុងត្រូលខេត្តលោក លាង ប៉ូរ៉ា បានថ្លែងឲ្យដឹងថា វគ្គផ្សព្វផ្សាយស្ដីពី ចំណេះដឹងមូលដ្ឋានលើសុវត្តិភាពម្ហូបអាហារ និងវិធានការពាក់ព័ន្ធពីមន្ត្រីជំនាញនេះគឺធ្វើ ឡើងក្នុងគោលបំណងអប់រំដល់សិស្សានុសិស្សឲ្យពួកគេចេះជ្រើសរើសម្ហូប ចំណីអាហារឲ្យ បានត្រឹមត្រូវត្រូវ ក៏ដូចជាការពិនិត្យលើកការបរិច្ឆេទ និងការវិចខ្ចប់ និងប្រភពផលិតផល ផ្សេងៗជៀសវាងគ្រោះថ្នាក់ដល់សុខភាព ។ លោកថា ក្រុមការងារមន្តីជំនាញនឹងបន្ដដឹកនាំកម្លាំងចុះអប់រំស្តីពីសុវត្ថិភាពម្ហូបអាហារនំចំណីនៅតាមសាលារៀននានា និងទីសាធារណៈផ្សេងទៀតស្របតាមគោលការណ៍អគ្គនាយកដ្ឋានកាំកុងត្រូល ។
សូមបញ្ជាក់ថា សិស្សានុសិស្សដែលទទួលបានការអប់រំពន្យល់ណែនាំពីសុវត្ថិភាពចំណី អារហារក្រោមការបង្ហាត់បង្ហាញពីក្រុមមន្ត្រីមកពីតាមមន្ទីរជំនាញនេះ គឺសុទ្ធសឹងតែរស់នៅក្នុងឃុំកន្ទួត ស្រុកចិត្របុរី ដែលជាឃុំមួយបានរងគ្រោះដោយការពុលកាលពីដើមខែឧសភា កន្លងទៅរហូតបង្កឲ្យមានមនុស្សយ៉ាងតិច១៣នាក់ ក្នុងនោះ៨នាក់ត្រូវបានស្លាប់ និងជាង២០០នាក់ទៀត ត្រូវបានចាត់បញ្ជូនទៅសង្គ្រោះ ៕
ចែករំលែកព័តមាននេះ