រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការភ្ញាក់ផ្អើលខ្លាំង ដោយសារស្ត្រីម្នាក់ត្រូវរថភ្លើងកិនដាច់ក្បាលចេញពីខ្លួនយ៉ាងរន្ធត់ កើតឡើងនារសៀលថ្ងៃទី១៨ ឧសភា នេះ ស្ថិតត្រង់ចំណុចភូមិC7 សង្កាត់គោកឃ្លៀង…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការភ្ញាក់ផ្អើលខ្លាំង ដោយសារស្ត្រីម្នាក់ត្រូវរថភ្លើងកិនដាច់ក្បាលចេញពីខ្លួនយ៉ាងរន្ធត់ កើតឡើងនារសៀលថ្ងៃទី១៨ ឧសភា នេះ ស្ថិតត្រង់ចំណុចភូមិC7 សង្កាត់គោកឃ្លៀង ខណ្ឌសែនសុខ ដោយសង្ស័យគាត់ធ្វើអត្តឃាតដេកឱ្យរថភ្លើងកិន ។
សេចក្តីរាយការណ៍បន្តថា ស្ត្រីរងគ្រោះខាងលើត្រូវបានគេស្គាល់ឈ្មោះហ៊ុន ដាវី (ហៅឡាំយ៉ង) អាយុជាង៤០ឆ្នាំ មានទីលំនៅភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ ។ ដោយឡែក រថភ្លើងគឺធ្វើដំណើរពីកើត ទៅលិច ។
ទាក់ទិនករណីនេះ ត្រូវបានសមត្ថកិច្ចសន្និដ្ឋានថា ស្ត្រីរងគ្រោះគឺបានមកដេករង់ចាំឱ្យរថភ្លើងកិនតែម្តង ព្រោះតែគាត់មានវិបត្តិផ្លូវចិត្ត ដោយសារកូនគាត់ម្នាក់ ទើបតែស្លាប់ដោយសារលង់ទឹក ។ ទោះបីជាយ៉ាងណា សមត្ថកិច្ចកំពុងចុះអន្តរាគមន៍នៅកន្លែងកើតហេតុ ដើម្បីធ្វើការពិនិត្យបន្ត ។
ព័ត៌មានលម្អឹតនឹងមានផ្សាយជូនលើបន្ត ។
ចែករំលែកព័តមាននេះ