ប្រទេសស៊ីរី ៖ ដោយដកស្រង់ប្រភពព័ត៌មានស៊ីរីនានា ទីភ្នាក់ងារព័ត៌មានតួរគី ANADOLU រាយការណ៍ថា ទាហានបារាំងប្រមាណជា៧០នាក់ អាចត្រូវចាប់ខ្លួនដោយកងទ័ពស៊ីរីនៅប៉ុស្តិ៍ត្រួតពិនិត្យមួយក្នុងខេត្ត HASSAKE ស៊ីរី។
ទីភ្នាក់ងារព័ត៌មាននោះគូសបញ្ជាក់ថា កងទ័ពរដ្ឋាភិបាលស៊ីរីអាចចាប់ខ្លួនទាហានបារាំង៧០នាក់ ដែលស្ថិតក្នុងក្បួនរថយន្តមួយមានរថយន្ត២០គ្រឿង។ ទាហានទាំងនេះធ្វើដំណើរទៅកាន់ក្រុង QAMICHLI ក្នុងខេត្ត HASSAKE បន្ទាប់មកបន្តដំណើរទៅកាន់ DEIR EZZOR ។ ពួកគេប្រទះឃើញត្រង់ប៉ុស្តិ៍ត្រួតពិនិត្យស៊ីរីមួយ ហើយចាប់ខ្លួន និងសួរចម្លើយ។
ក្រោយមកពួកយុទ្ធជនឃើតស៊ីរីមកដល់ប៉ុស្តិ៍នេះហើយអះអាងថា ពួកគេជាអ្នកមកជួយពួកឃើត។ បន្ទាប់មកក្បួនរថយន្តអាចបន្តដំណើរទៅកាន់ QAMICHLI។
មុននេះប្រធានាធិបតីបារាំងលោក EMMANUEL MACRON បានជួបពិភាក្សាជាមួយ គណៈប្រតិភូមួយ នៃកងកម្លាំងប្រជាធិបតេយ្យស៊ីរី់ FDS ហើយសម្ដែងការគាំទ្ររបស់ក្រុងប៉ារីស ចំពោះកងកម្លាំងឃើតនោះ៕
ចែករំលែកព័តមាននេះ