ខេត្តបាត់ដំបង ៖ សេចក្តីរាយការណ៍បានបន្តឱ្យដឹងទៀត នាព្រឹកថ្ងៃទី១២ ឧសភា ពាក់ព័ន្ធករណីគ្រោះថ្នាក់ចរាចរណ៍ដែលបុរសម្នាក់ត្រូវបានរថយន្តមិនស្គាល់ម៉ាកមួយគ្រឿងបើកបុកបណ្តាលឱ្យស្លាប់ភ្លាមៗនៅនឹងកន្លែងនោះ គឺកំពុងធ្វើឱ្យមិត្តភក្តិជាច្រើននាក់របស់គាត់មានការភ្ញាក់ផ្អើល និងអារម្មណ៍ក្ឌុកក្ឌួលអាណិតស្រណោះ ព្រោះតែគាត់ (ជនរងគ្រោះ) នឹងជិតដល់ចូលរោងការទៅហើយ ខណៈធៀបការក៏បានបោះត្រៀមរួចរាល់ផងដែរ ។
គួររំលឹកថា ជនរងគ្រោះត្រូវបានរថយន្តមិនស្គាល់ម៉ាកបុកស្លាប់ កាលពីវេលាម៉ោង០៩ និង៣០នាទីយប់ថ្ងៃទី១១ ឧសភា ស្ថិតនៅលើផ្លូវជាតិលេខ៥ ត្រង់ចំណុចភូមិស្ទឹងចក ឃំុព្រៃតូច ស្រុកមោងប្ញស្សី ហើយរថយន្តនោះបានបើករត់បាត់ស្រមោល ។ ជនរងគ្រោះឈ្មោះគន រើន អាយុ៣០ឆ្នាំ រស់នៅភូមិក្រឡោម
ភ្លុក ឃុំព្រៃស្វាយ ស្រុកមោងប្ញស្សី ជិះម៉ូតូម៉ាកហុងដាទ្រីមC125 ពណ៌ក្រហម ពាក់ស្លាកលេខបាត់ដំបង 1AA-9436 ។
ជាងនេះទៅទៀត ក្រុមមិត្តភក្តិទាំងអស់ បានសរសេរសារជាច្រើនបង្ហោះតាមបណ្តាញសង្គម ចំពោះការបាត់បង់ជីវិតភ្លាមៗរបស់មិត្តភក្តិរូបនេះ ដោយអ្នកខ្លះសរសេរថា «សូមជាតិក្រោយ កុំឱ្យពួកម៉ាក់កើតមកដូចជាតិនេះ» ។
ជាថ្មីម្តងទៀត សូមក្រើនរំលឹកទៅដល់អ្នកបើកបរបង្កដែលកំពុងគេចខ្លួននោះ ជួយក្រឡេកមើលក្រោយឡើងវិញផង តើការបាត់បង់ជីវិតរបស់គេនេះ អ្នកណាខ្លះឈឺចាប់? សូមអ្នកបង្កនោះ មេត្តាប្រុងប្រយ័ត្នឱ្យបានខ្ពស់ក្នុងការបើកបររបស់ខ្លួន ត្រូវតែមានការទទួលខុសត្រូវ កុំបុកគេហើយ អាងតែរត់បាត់ប្រះអាយុបែបនេះ ។
គួររំលឹកថា ៖
https://kohsantepheapdaily.com.kh/article/636040.html
ចែករំលែកព័តមាននេះ