រាជធានីភ្នំពេញ ៖ ស្ថិតនៅតំបន់មានសក្តានុពលសេដ្ឋកិច្ចខ្ពស់ និងជាតំបន់ប្រជុំជនដ៏សំខាន់នៅក្រុងភ្នំពេញ គម្រោង វិមានអាហារ ឬហៅថា «The Food Palace» ដែលជាគម្រោងផ្តោតទៅលើការលក់អាហារ និងភេសជ្ជ:គ្រប់ប្រភេទដែលមានរចនាបទគ្រប់ជាតិសាសន៍ គឺជាទីតាំងដែលអតិថិជននឹងទទួលបាននូវរសជាតិអាហារប្លែកៗ និងតំបន់កំសាន្តដ៏ទាក់ទាញ ។
គម្រោង វិមានអាហារ មិនត្រឹមជាទីតាំងផ្តល់នូវឱកាសនៃការចាប់ផ្តើមអាជីវកម្មថ្មីស្រឡាង ឬការពង្រីកអាជីវកម្មរបស់លោកអ្នកនោះ តែសម្រាប់អតិថិជនវិញពេលអញ្ជើញទៅទីតាំង វិមានអាហារ ឬហៅថា «The Food Palace» អតិថិជននឹងទទួលបាននូវអ្វីលើសពីរំពឹងទុក ដូចជាការទទួលទានអាហារឆ្ងាញ់ៗគ្រប់រសជាតិ ហើយក៏ជាទីកន្លែងមានសួនកំសាន្តដ៏ធំជាងគេនៅរាជធានីភ្នំពេញ ជាពិសេសអតិថិជននឹងបានចូលលេងសួន Jurassic Cambodia Dinos Alive ដែលមានតែមួយនៅកម្ពុជា និងជាទីតាំងដែលនឹងមានវត្តមានអាហារដ្ឋានធំៗទំនើបៗ ផងដែរ។
ទល់មុខនិងគម្រោង វិមានអាហារ ឬហៅថា «The Food Palace» គឺមានអគារការិយាល័យកម្ពស់ដល់ទៅ ១៩ ជាន់ ដែលមានទាំងការបើកហាងកាហ្វេប្រ៊ែនដែលសុទ្ធតែជាកន្លែងមានសក្តានុពលខ្ពស់សម្រាប់អាជីវករធ្វើអាជីវកម្ម ។
សូមបញ្ជាក់ថា គម្រោង វិមានអាហារ គឺស្ថិតនៅលើមហាវិថី OCIC លាតសន្ធឹងលើផ្ទៃដីប្រមាណជាង ៣ ហិកតា ក្នុងទីក្រុងរណប ជ្រោយចង្វាររបស់ក្រុមហ៊ុន OCIC ស្ថិតនៅភាគខាងកើតជាប់ច្រាំងទន្លេនៃរាជធានីភ្នំពេញ និងខាងឆ្វេងដៃនៃរង្វង់មូលថ្មីជ្រោយចង្វារត្រើយម្ខាងនៃស្ពានជ្រោយចង្វារ ដែលបច្ចុប្បន្នមានមហាវិថី, គម្រោងផ្ទះល្វែងអាជីវកម្ម, សួន Jurassic Cambodia Dinos Alive, ដីជួលអាជីវកម្មចម្រុះ និងសំណង់សំខាន់ជាច្រើនបានលេចចេញជារូបរាងរួចហើយនៅក្នុងទីក្រុងរណបដ៏ធំមួយនេះ ។
ចំណុចគន្លឹះមួយទៀតដែលម្ចាស់អាជីវកម្មមិនអាចមើលរំលងបានពីគម្រោង វិមានអាហារ នោះគឺថា ទីតាំងនេះគឺជាចំណុចទាក់ទាញអតិថិជនយ៉ាងច្រើនទៅកំសាន្ត ទទួលទានអាហារ និងភេសជ្ជ:គ្រប់ប្រភេទ និងគ្រប់រសជាតិ ព្រោះនៅពេលអតិថិជនអញ្ជើញទៅទីតាំងនេះ គឺមាននូវអ្វីគ្រប់យ៉ាងលើសពីការំពឹងនោះ ទាំងរសជាតិអាហារ សួនកំសាន្តដ៏ស្រស់ស្អាត និងភោជនីយដ្ឋានទំនើបៗ។
គម្រោង The Food Palace លាតសន្ធឹងលើផ្ទៃដីប្រមាណជាង ៣ ហិកតាដែលមានហាង និងរទេះសរុបប្រមាណជា ២២៥ ទីតាំងសម្រាប់ម្ចាស់អាជីវកម្ម, ភោជនីយដ្ឋាន ដែលមានបំណងពង្រីកនូវមុខរបររបស់ខ្លួននៅទីក្រុងរណបជ្រោយចង្វារ។ ជាមួយនឹងគ្រោងរបស់គម្រោងមានរចនាបទខ្មែរសុទ្ធសាធ, ទីតាំងធំទូលាយដែលអំណោយផលដល់ភ្ញៀវដោយមានចំណតឡានដល់ទៅ ៣២៤ចំណត និងចំណតម៉ូតូ ៦០៤ចំណត និងអាចទទួលភ្ញៀវបានដល់ទៅ ៨០០នាក់នោះ តម្លៃនៃការជួលទីតាំងក៏មានលក្ខណៈធូរថ្លៃទៀតផង។
ម្ចាស់គម្រោង The Food Palace បានឱ្យដឹងថា សម្រាប់តម្លៃឈ្នួលទីតាំងរទេះដែលមានទំហំទីតាំង ១.៨ ម៉ែត្រ x ១.៨ ម៉ែត្រ គឺមានតម្លៃចាប់ពី ១៥៥ ដុល្លារឡើងទៅក្នុងមួយខែ និងតម្លៃឈ្នួលទីតាំងហាង ចាប់ពីតម្លៃ ២៥០ ដុល្លារឡើងទៅក្នុងមួយខែ ដែលទីតាំងហាងនីមួយៗមានទំហំ ២.៥ ម៉ែត្រ x ៣ ម៉ែត្រ ។ ម្ចាស់គម្រោងបានផ្តល់ទឹកសម្រាប់ប្រើប្រាស់ដោយឥតគិតថ្លៃ ហើយលោកអ្នកគ្រាន់តែកក់ប្រាក់សម្រាប់ការជួលប្រភេទរទេះ ៥០០ដុល្លារ និងប្រភេទហាង ១.០០០ដុល្លារ។ អ្វីដែលម្ចាស់គម្រោងផ្តល់ជូនយ៉ាងអស្ចារ្យដល់លោកអ្នកផងដែរនោះ គឺការរៀបចំតុកៅអីសាធារណៈ ក្នុងនោះផងដែរដើម្បីបង្កលក្ខណៈងាយស្រួលដល់លោក លោកស្រីដែលជាអ្នកជួលទីតាំងហាង និងទីតាំងរទេះ គឺម្ចាស់គម្រោងនឹងផ្តល់ជូននូវម៉ូតរទេះ និងហាងជាទំហំដល់លោក លោកស្រីតែម្តង ។
កុំឲ្យឱកាសនៃការចាប់ផ្តើមជំនួញ និងមុខរបរនៅតំបន់ដែលមានសក្តានុពលសេដ្ឋកិច្ចខ្ពស់មួយនេះរំលងទៅផុតពីដៃរបស់លោក លោកស្រី អ្នកនាង កញ្ញានោះ សូមរួសរាន់ធ្វើការទំនាក់ទំនងមកកាន់ម្ចាស់គម្រោងសម្រាប់ធ្វើការកក់ហាង ឬក៏ទីតាំងរទេះតាមរយៈ ៖ ទូរស័ព្ទលេខ 012 555-208/ 017 229-925/ 070 707-558 ឬក៏លោកអ្នកអញ្ជើញចូលទៅកាន់ការិយាល័យវិមានអាហារដែលមានទីតាំងផ្ទះអាជីវកម្មនៃខុនដូរុងរឿង ផ្ទះលេខ #E12 ភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ ទីក្រុងភ្នំពេញ ៕
ចែករំលែកព័តមាននេះ