ខេត្តបន្ទាយមានជ័យ ៖ រថយន្តកាមរីដឹកទំនិញសំពីងសំពោងពេលយប់បានបុកគោយន្តកន្ត្រៃគ្មានភ្លើងពីក្រោយពេញទំហឹងបណ្តាលឆេះរថយន្ត និងរងរបួសធ្ងន់២នាក់ បានកើតឡើងកាលពីវេលាម៉ោង៩និង៥នាទីយប់ថ្ងៃទី១០ ខែឧសភា ឆ្នាំ២០១៨ តាមបណ្តោយផ្លូវជាតិលេខ៥ នៅចំណុចស្រះអ៊ិនតាំ ក្នុងភូមិ-សង្កាត់ទឹកថ្លា…
ខេត្តបន្ទាយមានជ័យ ៖ រថយន្តកាមរីដឹកទំនិញសំពីងសំពោងពេលយប់បានបុកគោយន្តកន្ត្រៃគ្មានភ្លើងពីក្រោយពេញទំហឹងបណ្តាលឆេះរថយន្ត និងរងរបួសធ្ងន់២នាក់ បានកើតឡើងកាលពីវេលាម៉ោង៩និង៥នាទីយប់ថ្ងៃទី១០ ខែឧសភា ឆ្នាំ២០១៨ តាមបណ្តោយផ្លូវជាតិលេខ៥ នៅចំណុចស្រះអ៊ិនតាំ ក្នុងភូមិ-សង្កាត់ទឹកថ្លា ក្រុងសីរិសោភ័ណ។
តាមអ្នកឃើញហេតុការណ៍បានឱ្យដឹងថា មុនពេលកើតហេតុ គេឃើញគោយន្តកន្ត្រៃ១គ្រឿងបើកបរតាមបណ្តោយផ្លូវជាតិលេខ៥ពេលយប់គ្មានភ្លើងខាងក្រោយ ពេលនោះមានរថយន្តកាមរី ស៊េរីឆ្នាំ១៩៩៥ ពាក់ស្លាក់លេខ បន្ទាយមានជ័យ ២A-២៨១៣ ដឹកទំនិញសំពីងសំពោង បើកបរក្នុងទិសដៅស្របគ្នាពីលិចមកកើតក្នុងល្បឿនលឿនបានបុកពីក្រោយគោយន្ត បណ្តាលឱ្យឆេះរថយន្ត ហើយត្រូវបានអ្នកធ្វើដំណើរជួយពន្លត់ តែឆេះអស់ផ្នែកខាងមុខរថយន្តទៅហើយ ចំណែកអ្នករបួសធ្ងន់២នាក់ ត្រូវបានបញ្ជូនទៅសង្គ្រោះបន្ទាន់។
ក្រោយពេលកើតហេតុ មន្ត្រីនគរបាលចរាចរណ៍ជើងគោកខេត្តបន្ទាយមានជ័យបានចុះទៅពិនិត្យ និងវាស់វែងបានឱ្យដឹងថា មូលហេតុដែលគ្រោះថ្នាក់នេះកើតឡើងគឺបង្កឡើងដោយគោយន្តកន្ត្រៃបើកបរលើផ្លូវជាតិពេលយប់ គ្មានដាក់ភ្លើងពីក្រោយ ចំណែកឯរថយន្តកាមរីដឹកអីវ៉ាន់សំពីងសំពោងពីក្រោយនិងពេញរថយន្ត ហើយពន្លឺភ្លើងខ្សោយមើលមិនឃើញបានជាបុកពីក្រោយបណ្តាលឱ្យឆាបឆេះរថយន្តអស់ផ្នែងខាងមុខ និងរបួសធ្ងន់២នាក់ ។
ក្រោយពេលវាស់វែង និងពិនិត្យរួច កម្លាំងនគរបាលចរាចរណ៍ជើងគោកខេត្តបាននាំយកទាំងរថយន្តនិងគោយន្តមករក្សាទុកនៅស្នងការដ្ឋាននគរបាលខេត្តបន្ទាយមានជ័យដើម្បីអនុវត្តតាមច្បាប់ចរាចរណ៍៕
ចែករំលែកព័តមាននេះ