ខេត្តបាត់ដំបង ៖ សមត្ថកិច្ចបានឱ្យដឹងថា បុរសម្នាក់បានបើករថយន្តបុកដើមឈើ បណ្ដាលឱ្យសុគត់ព្រះសង្ឃមួយអង្គ ដែលនិមន្តរួមដំណើរ តែខ្លួនឯងរងរបួសស្រាល(តៃកុង) កើតឡើងកាលពីវេលា
ម៉ោង០៣ និង៣០នាទីទៀបភ្លឺថ្ងៃទី១១ ឧសភា នៅលើផ្លូវជាតិលេខ៥ ត្រង់ចំណុចភូមិកកោះ ឃុំជ្រៃ ស្រុកថ្មគោល ។
រថយន្តដែកជួបគ្រោះថ្នាក់នោះ ម៉ាកកាមរី ពណ៌ស្លែ ពាក់ស្លាកលេខភ្នំពេញ2O-8855 បើកបរដោយឈ្មោះផុន សារ៉ាវុឌ្ឍ ភេទប្រុស អាយុ២០ឆ្នាំ រស់នៅភូមិកម្មករ សង្កាត់ស្វាយប៉ោ ក្រុងបាត់ដំបងរងរបួសស្រាល ។ ដោយឡែក ព្រះសង្ឃនាម ចាន់ ពេជ្រ ព្រះជន្ម៨០ឆ្នាំ បានសុគត់នៅកន្លែងកើតហេតុ ។
បើតាមសេចក្ដីរាយការណ៍ដដែលពីសមត្ថកិច្ច ដែលបានស្រង់សម្តីអ្នកបើកបរបានប្រាប់ថា ខ្លួនបានបើកគេចពីរថយន្តមួយគ្រឿងផ្សេងទៀត ហេីយក៏រេចង្កូតធ្លាក់ចេញពីថ្នល់ជាតិទៅបុកជាមួយដេីមឈេីពេញទំហឹងតែម្ដង ។
បច្ចុប្បន្ន ជនរងគ្រោះដែលស្លាប់ត្រូវបានប្រគល់ឱ្យក្រុមគ្រួសារធ្វេីបុណ្យតាមប្រពៃណី ហើយមន្ត្រីចរា
ចរណ៍ កំពុងពិនិត្យកន្លែងកើតហេតុ ៕
ចែករំលែកព័តមាននេះ