ប្រទេសរុស្ស៊ី ៖ ក្រសួងការពារប្រទេសរុស្ស៊ីរាយការណ៍នាថ្ងៃទី២៥ មេសា ថា មីស៊ីល២គ្រាប់ដែលមិនផ្ទុះពេលវាយប្រហារលើស៊ីរីពីសំណាក់សហរដ្ឋអាមេរិក បារាំង និងអង់គ្លេសបានបញ្ជូនមកកាន់ក្រុងមូស្គូ រួចត្រូវវិភាគដោយបណ្តាអ្នកឯកទេសរុស្ស៊ី ។ ម្យ៉ាងទៀតក្រសួងនេះបង្ហាញបណ្តាអម្បែង ឬបំណែករបស់មីស៊ីលដែលផ្ទុះ ។
ទូរទស្សនរុស្ស៊ី ROSSIYA-24 រាយការណ៍នាថ្ងៃទី២៥ មេសា ថា មីស៊ីល TOMAHAWK មួយ និងមីស៊ីលអាកាស-អាកាសមួយ ដែលពុំផ្ទុះនៅស៊ីរីត្រូវបានបញ្ជូនមកកាន់ក្រុងមូស្គូ ហើយប្រគល់ឱ្យដល់ពួកអ្នកឯកទេស ។ លទ្ធផលនៃការវិភាគនឹងត្រូវយកទៅប្រើសម្រាប់ធ្វើឱ្យកាន់តែសុក្រិត្យដល់អាវុធរបស់រុស្ស៊ី ។ បណ្តាបំណែក ឬអម្បែងមីស៊ីលដែលផ្ទុះ ឬត្រូវស្ទាក់កម្ទេចនឹងប្រមូលយកទៅតាំងឱ្យគេមើល ។
កាលពីយប់ថ្ងៃទី១៣ទៅ១៤ មេសា សហរដ្ឋអាមេរិក បារាំង និងអង់គ្លេស បានបាញ់មីស៊ីលប្រឆាំងស៊ីរី ។ ក្នុងចំណោមមីស៊ីលទាំង១០៣គ្រាប់ ដែលបាញ់ចេញ៧១គ្រាប់ត្រូវស្ទាក់កម្ទេចដោយកងការពារអាកាសស៊ីរី ៕
ចែករំលែកព័តមាននេះ