រាជធានីភ្នំពេញ ៖ យុវជន៤នាក់រងរបួសស្រាល បន្ទាប់ពីជួបគ្រោះថ្នាក់ចរាចរណ៍បើករថយន្តដឹកស្វាយធ្ងន់ពេក បណ្ដាលឱ្យបែកកង់ ហើយក្រឡាប់ផ្ងារជើងឡើងលើ កាលពីវេលាម៉ោង៣និង៣០នាទីទៀបភ្លឺ ថ្ងៃទី ២៤ ខែមេសា ឆ្នាំ២០១៨ នៅតាមបណ្ដោយផ្លូវជាតិលេខ៣ ទល់មុខរោងចក្រ កាត់ដេរសំលៀកបំពាក់ស៊ីកូ ស្ថិតនៅភូមិព្រៃកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។
តាមប្រភពព័ត៌មានពីតៃកុងរថយន្តរងគ្រោះបាននិយាយថា ផ្លែស្វាយខាងលើ ដឹកពីភ្នំពេញយកទៅដាក់នៅខេត្តកំពតដោយមានទម្ងន់ប្រមាណ៣តោន ហើយនៅមុនពេលកើតហេតុ រថយន្តរបស់គាត់ដំបូងឡើយរថយន្តបានបែកកង់ខាងមុខផ្នែកខាងស្ដាំ បន្ទាប់មកបានរេចង្កូតបែកកង់ម្ខាងទៀត ផ្នែកខាងស្តាំដូចគ្នា ។ ដែលរថយន្តរងគ្រោះ ពណ៌ស ពាក់ស្លាកលេខភ្នំពេញ 2AH-1047 បើកបរក្នុងទិសដៅពីជើងទៅត្បូងក្រឡាប់ផ្ងារជើងឡើងលើ តែមិនមានប៉ះពាល់ដល់ពួកគាត់ធ្ងន់ធ្ងរឡើយ និងមិនមានប៉ះពាល់ដល់អ្នកដទៃ ដែលធ្វើដំណើរតាមដងផ្លូវជាមួយគ្នានោះឡើយ ។
បើតាមប្រភពព័ត៌មានពីរអ្នកធ្វើដំណើរតាមដងផ្លូវដែលឃើញហេតុការណ៍បាននិយាយថា រថយន្តខាងលើ បើកក្នុងល្បឿនយ៉ាងលឿន ហើយបើកមកដល់ចំណុចកើតហេតុដោយដឹកធ្ងន់ធ្ងរពេកបានធ្លាក់ជង្ហុក បណ្ដាលឱ្យបែកកង់ ហើយក្រឡាប់ជើងឡើងលើលាន់សូរយ៉ាងសន្ធឹក តែមិនមានប៉ះពាល់ដល់អ្នករួមដំណើរឡើយ គ្រាន់តែបណ្ដាលឲ្យក្រពឹតរថយន្ត បែកកញ្ចក់រថយន្ត និងផ្លែស្វាយរាយពេញផ្លូវ ។
ក្រោយពេលកើតហេតុដោយមានរថយន្តស្ទូចនៅកន្លែងកើតហេតុនោះដែរ បានឲ្យរថយន្តស្ទួចទាញចេញមកអែបខាង និងស្ទូចត្រឡប់ជើងមកផ្នែកខាងក្រោមវិញ ដើម្បីសម្រួលចរាចរណ៍ផងដែរ ៕
ចែករំលែកព័តមាននេះ