សហរដ្ឋអាមេរិក ៖ ដោយយោងតាមប្រភពនានាកាសែតអាមេរិក DEFENSE NEWS សរសេរកាលពីថ្ងៃទី២២ មេសា ថា ដោយមានការព្រួយបារម្ភចំពោះសកម្មភាពរុស្ស៊ីនៅភាគខាងកើតសមុទ្រមេឌីទែរ៉ាណេ អាជ្ញាធរអាមeរិកអាចសម្រេចរក្សាទុកនាវាផ្ទុកយន្តហោះ…
សហរដ្ឋអាមេរិក ៖ ដោយយោងតាមប្រភពនានាកាសែតអាមេរិក DEFENSE NEWS សរសេរកាលពីថ្ងៃទី២២ មេសា ថា ដោយមានការព្រួយបារម្ភចំពោះសកម្មភាពរុស្ស៊ីនៅភាគខាងកើតសមុទ្រមេឌីទែរ៉ាណេ អាជ្ញាធរអាមeរិកអាចសម្រេចរក្សាទុកនាវាផ្ទុកយន្តហោះ USS HARRY TRUMAN ព្រមទាំងនាវាចម្បាំងឯទៀតៗស្ថិតក្នុងក្រុមនាវានោះក្នុងសមុទ្រមេឌីទែរ៉ាណេ ។
កាសែត DEFENSE NEWS គូសបញ្ជាក់ថា ក្រុមវាយប្រហារមួយរបស់កងម៉ារីនអាមេរិកដឹកនាំដោយនាវាផ្ទុកយន្តហោះ USS HARRY TRUMAN ដែលបច្ចុប្បន្នស្ថិតក្នុងសមុទ្រមេឌីទែរ៉ាណេ ប្រហែលជានាពេលខាងមុខមិនចាកចេញវិញតាមព្រែកជីកស៊ុយអេឡើយ ។
កាសែតនេះបន្តថា អាជ្ញាធរអាមេរិកនៅពុំទាន់ធ្វើការសម្រេចចុងក្រោយលើបញ្ហានេះ ប៉ុន្តែការបន្តបេសកកម្មរបស់នាវាផ្ទុកយន្តហោះនេះនឹងជាចម្លើយតបមួយចំពោះបណ្តាសកម្មភាពរបស់រុស្ស៊ីក្នុងតំបន់ ហើយវាស្របទៅនឹងយុទ្ធសាស្ត្រសន្តិសុខជាតិថ្មីរបស់សហរដ្ឋអាមeរិក ។
កាសែតនេះក៏គូសបញ្ជាក់ដែរថា វត្តមានរបស់នាវាផ្ទុកយន្តហោះ USS HARRY អាចជាការព្រមានថែមទៀត ដល់ប្រធានាធិបតីស៊ីរីលោកបាចាអាល់អាសាដ របស់សមភាគីអាមេរិក លោកដូណាល់ ត្រាំ ចំពោះការបន្តប្រើប្រាស់អាវុធគីមីប្រឆាំងជនស៊ីវិលនៅស៊ីរីដែលនឹងនាំទៅរកការវាយប្រហារតបតថ្មីៗ ៕
ចែករំលែកព័តមាននេះ