សហរដ្ឋអាមេរិក-ចិន ៖ សហរដ្ឋអាមេរិកកាលពីថ្ងៃទី២១ មេសា បានស្វែងរកច្រកទ្វារនៃការចរចាមួយស្តីពីការផ្លាស់ប្តូរសេរីជាមួយចិន បន្ទាប់ពីកិច្ចប្រជុំនានានៃរដូវផ្ការីករបស់ IMF និងធនាគារពិភពលោក ដែលផ្តោតខ្លាំងលើភាពតានតឹងខាងពាណិជ្ជកម្ម ដែលគំរាមកំហែងដល់កំណើនសេដ្ឋកិច្ចពិភពលោក…
សហរដ្ឋអាមេរិក-ចិន ៖ សហរដ្ឋអាមេរិកកាលពីថ្ងៃទី២១ មេសា បានស្វែងរកច្រកទ្វារនៃការចរចាមួយស្តីពីការផ្លាស់ប្តូរសេរីជាមួយចិន បន្ទាប់ពីកិច្ចប្រជុំនានានៃរដូវផ្ការីករបស់ IMF និងធនាគារពិភពលោក ដែលផ្តោតខ្លាំងលើភាពតានតឹងខាងពាណិជ្ជកម្ម ដែលគំរាមកំហែងដល់កំណើនសេដ្ឋកិច្ចពិភពលោក ។
លោកស្រី CHRISTINE LAGARDE អគ្គនាយិកាមូលនិធិរូបិយវត្ថុអន្តរជាតិ IMF ក្នុងសន្និសីទសារព័ត៌មានមួយគូសបញ្ជាក់ថា មានការរីកចម្រើនមួយចំនួនឆ្ពោះទៅរកការចរចា ។ លោកស្រីទទូចថា គេត្រូវចៀសវាងឱ្យបានសង្គ្រាមពាណិជ្ជកម្មមួយ ។
ទន្ទឹមនឹងនេះដែរ រដ្ឋមន្ត្រីរតនាគារអាមេរិកប្រកាសថា លោកគ្រោងទៅកាន់ប្រទេសចិន ដើម្បីបន្តការពិភាក្សាគ្នាលើជម្លោះពាណិជ្ជកម្មរវាងក្រុងវ៉ាស៊ីនតោន និងក្រុងប៉េកាំង ក្រោយភាពតានតឹងខ្ពស់តាំងពីដើមខែមីនាមក ។ រដ្ឋមន្ត្រីរូបនេះ លោក STEVEN MNUCHIN និយាយថា លោកពុំសូវមានសុទិដ្ឋនិយមឡើយ ។
ប្រឈមមុខនឹងការគាបសង្កត់របស់ IMF និងប្រទេសជាច្រើនដែលលើកឡើងថា លទ្ធិគាំពារនិយមពុំមែនជាវិធីសាស្ត្រ ល្អ សម្រាប់វាយប្រហារអតុល្យភាពពាណិជ្ជកម្មរដ្ឋមន្ត្រីហិរញ្ញវត្ថុអាមេរិកហាក់ពុំបង្ហាញពីការដកថយឡើយ។ លោកថា លោកជឿជាក់ដែលការអនុវត្តខាងពាណិជ្ជកម្មពុំស្មើភាពលើពិភពលោកធ្វើឱ្យស្ទះដល់កំណើនសេដ្ឋកិច្ចពិភពលោក និងសេដ្ឋកិច្ចសហរដ្ឋអាមេរិក ហើយលោកជំរុញឱ្យ IMF និយាយកាន់តែច្បាស់ និងកាន់តែខ្លាំងបញ្ហាអតុល្យភាពខាងក្រៅ ។
លោក GAO FENG អ្នកនាំពាក្យក្រសួងពាណិជ្ជកម្មចិនពោលថា យើងសង្ឃឹមដែលសហរដ្ឋអាមេរិក មិនមើលស្រាលការប្តេជ្ញាចិត្តរបស់យើងក្នុងការវាយបកលើសហរដ្ឋអាមេរិកវិញ ។
រដ្ឋការលោកត្រាំ បានបង្កើនវិធានការរឹតត្បិតពាណិជ្ជកម្មប្រឆាំងក្រុងប៉េកាំង ដែលខ្លួនចោទប្រកាន់ថា ផ្ទេរយ៉ាងគំហុកនូវបច្ចេកវិទ្យា ហើយលួចកម្មសិទ្ធិបញ្ញា ។ ក្រៅពីបង្កើនពន្ធនាំចូលដែកថែប និងអាលុយមីនីញ៉ូម រដ្ឋការនេះ បានធ្វើបញ្ជីបណ្តោះអាសន្នបណ្តាផលិតផលចិន ដែលអាចយកពន្ធថ្មីៗ ។ ចិនបានតបតវិញ ដោយធ្វើការរឹតត្បិតនានាប្រហាក់ប្រហែលគ្នាដែលនាំឱ្យមានការសង្ស័យពីសង្គ្រាមពាណិជ្ជកម្មមួយ ៕
ចែករំលែកព័តមាននេះ