រាជធានីភ្នំពេញ ៖ បុរសជនជាតិចិនម្នាក់បានបង្ហោះដ្រូននៅក្បែវិមានឯករាជ្យហើយក៏បានហោះនៅតំបន់ហាមឃាត់ក៏ត្រូវបានសម្ថកិច្ចតាមរកឃើញអ្នកបង្ហោះក៏ឃាត់ខ្លួនយកមកប៉ុស្តិ៍ដើម្បីសាកសួរ ។ ហេតុការណ៏ខាងលើនេះបានកើតឡើងការពីវេលាម៉ោង០៩និង៣០នាទីយប់ ថ្ងៃទី២១ ខែមេសា ឆ្នាំ២០១៨ ស្ថិតនៅតាមបណ្តោយផ្លូវសុរាម្រិត សង្កាត់ចតុមុខ ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញជនជាតិចិនម្នាក់បានមកអង្គុយលើសួនក្បែររូបសំណាក់ព្រះបរមរតនកោដ្ឋហើយបានបង្ហោះដ្រូនទៅលើវិមានឯករាជ្យហើយបន្តហោះទៅលើផ្ទះនាយករដ្ឋមន្ត្រីទៀត និងតំបន់ហាមឃាត់មួយចំនួនទៀតក៏កងអង្គរក្សយាមនៅក្បែនោះឃើញក៏រាយការណ៏មកសមត្ថកិច្ចឲ្យតាមរកមើលអ្នកបង្ហោះក៏ឃើញអ្នកបង្ហោះឲ្យទម្លាក់ដ្រូនចុះវិញក៏នាំខ្លួនហើយ និងដ្រូនយកមកប៉ុស្តិ៍នគរបាលចតុមុខដើម្បីមកសាកសួរ ។
ក្រោយពីធ្វើការសាកសួរនាំហើយជនជាតិចិនវ័យប្រហែលជា២០ឆ្នាំជាងនោះក៏បាននិយាយថា ខ្លួនមិនបានដឹងថា កន្លែងនឹងគេហាមឃាត់ខ្លួនគ្រាន់តែបង្ហោះមើលទិដ្ឋភាពនៅជុំវិញវិមានឯករាជ្យកម្សាន្តលេងតែប៉ុណ្ណោះ សមត្ថកិច្ចមូលដ្ឋានក៏បានទាក់ទងទៅខាងសមត្ថកិច្ចជំនាញខាងនាយកដ្ឋានប្រឆាំងបទល្មើសបច្ចេកវិជ្ជាក្រសួងមហាផ្ទៃឲ្យមកនាំខ្លួនជនជាតិចិនយកទៅសាកសួរនាំបន្តទៀត ៕
ចែករំលែកព័តមាននេះ