រាជធានីភ្នំពេញ ៖ កញ្ញាបេប៊ី កាន់តែលូតលាស់ឡើងក្នុងវិថីសិល្បៈរហូតលៃពេលស្ទើរលែងចង់បាន ។ បេប៊ីរៀបរាប់កាលពីពេល ថ្មីៗកន្លងមកថា «មួយរយៈនេះខ្ញុំត្រូវតស៊ូជាមួយការងារជាក់ស្តែងខ្លាំងណាស់រត់ពីមួយទៅមួយស្ទើរតែសោះខ្យល់ ស្លេកមុខមាត់អស់ហើយ ។…
រាជធានីភ្នំពេញ ៖ កញ្ញាបេប៊ី កាន់តែលូតលាស់ឡើងក្នុងវិថីសិល្បៈរហូតលៃពេលស្ទើរលែងចង់បាន ។
បេប៊ីរៀបរាប់កាលពីពេល ថ្មីៗកន្លងមកថា «មួយរយៈនេះខ្ញុំត្រូវតស៊ូជាមួយការងារជាក់ស្តែងខ្លាំងណាស់រត់ពីមួយទៅមួយស្ទើរតែសោះខ្យល់ ស្លេកមុខមាត់អស់ហើយ ។ ពេលខ្លះទន់ខ្លួនស្រាលខ្លួនធេងធោងអត់ងងុយក៏មាន ។ បើទោះជានាងខ្ញុំសប្បាយលើឆាក តែចុះពីលើឆាកចង់ដួល បងប្អូនវិញភ័យតែម្តងឱ្យតែឡើងលើឆាកសម្តែងពេលដឹងថាមិនស្រួលខ្លួន ។ ១អាទិត្យទៅមួយអាទិត្យរកពេលសម្រាកគ្មាន ដើរពីប៉ុស្តិ៍មួយទៅប៉ុស្តិ៍មួយ ឆ្លងទាំងខេត្តជិតឆ្ងាយដេកយកកម្លាំងលើឡានក៏មាន ។ ប៉ុន្តែហត់បែបណានឹងស៊ូទ្រាំទាន់ហុចផលឱ្យចាប់ឱកាសឱ្យបាន ។ បើទោះបីជាពេលខ្លះនាងខ្ញុំស្ទើរតែលែងហ៊ានប្រឈម តែស្តាយការងារទាន់យើងគេត្រូវការ» ។
បេប៊ីជាពិធីការិនីនៅទូរទស្សន៍ម៉ាយធីវី ,ស៊ីធីអិន ហើយឆ្លៀតចេញច្រៀងរាំតាមបណ្តាប៉ុស្តិ៍ទូរទស្សន៍ស្ទើរទាំងអស់ ។ ដោយសារតែការងារច្រើននាងបានផ្អាកការសម្តែងភាពយន្តមួយរយៈ បើទោះជានាងនៅតែពេញចិត្ត ព្រោះទម្ងន់ការងារច្រើនពេក ។ នាឱកាសបុណ្យចូលឆ្នាំថ្មីកន្លងមក បេប៊ីក៏ទទួលការងារច្រើន ដូចជាទទួលការងារផ្នែកពិធីការិនីប្រចាំទូរទស្សន៍មួយដែលជាតន្ត្រីផ្សាយបន្តផ្ទាល់នៅខេត្តសៀមរាប៕
ចែករំលែកព័តមាននេះ