ស្ថានីយអវកាសធ្លាក់មកកាន់ផែនដីយឺតជាងការគ្រោងទុក
ប្រទេសចិន ៖ ទីភ្នាក់ងារអវកាសអឺរ៉ុប ESA គូសបញ្ជាក់នាថ្ងៃទី៣១ មីនា ថា ស្ថានីយអវកាសចិន TIANGONG-1 ដែលបច្ចុប្បន្នកំពុងធ្លាក់មកកាន់ផែនដីគឺធ្លាក់យឺតបំផុតជាងការគ្រោងទុក…
ប្រទេសចិន ៖ ទីភ្នាក់ងារអវកាសអឺរ៉ុប ESA គូសបញ្ជាក់នាថ្ងៃទី៣១ មីនា ថា ស្ថានីយអវកាសចិន TIANGONG-1 ដែលបច្ចុប្បន្នកំពុងធ្លាក់មកកាន់ផែនដីគឺធ្លាក់យឺតបំផុតជាងការគ្រោងទុក…
ប្រទេសចិន ៖ ទីភ្នាក់ងារអវកាសអឺរ៉ុប ESA គូសបញ្ជាក់នាថ្ងៃទី៣១ មីនា ថា ស្ថានីយអវកាសចិន TIANGONG-1 ដែលបច្ចុប្បន្នកំពុងធ្លាក់មកកាន់ផែនដីគឺធ្លាក់យឺតបំផុតជាងការគ្រោងទុក ហើយអាចចូលដល់ក្នុងបរិយាកាសដែនដីនាព្រឹកថ្ងៃទី២ មេសា គិតតាមម៉ោងសាកល ។
ESA ដែលតាមដានការធ្លាក់ស្ថានីយ TIANGONG-1 មុននេះលើកឡើងពីការធ្លាក់របស់ស្ថានីយនេះមកកាន់ដែនដីរវាងថ្ងៃទី៣១ មីនា ម៉ោង១២ម៉ោងសាកល និងរសៀលថ្ងៃទី១មេសា ។
អាជ្ញាធរអវកាសចិនអះអាងថា ស្ថានីយអវកាសនេះនឹងពុំបង្កការខូចខាតលើផែនដីឡើយពេលធ្លាក់ ព្រោះវាត្រូវបំផ្លាញអស់ ឬឆេះអស់ក្នុងបរិយាកាសរួចធ្លាក់មកផែនដីប្រៀបដូចជាភ្លៀងមួយ ។
ក្នុងសេចក្តីប្រកាសមួយចេញផ្សាយនាថ្ងៃទី៣១ មីនា ESA ព្យាករណ៍ពីការធ្លាក់ដល់ដីនៃស្ថានីយនេះរវាងរសៀលថ្ងៃទី១ មេសា និងព្រឹកថ្ងៃទី២ មេសា ។ ESA ពន្យល់ថា ភាពយឺតនៃការធ្លាក់ស្ថានីយអវកាស TIANGONG-1 មកពីឧតុនិយមអវកាសដែលពេលនេះមានភាពស្ងប់ស្ងាត់បំផុត ។
គេនៅតែពុំទាន់ច្បាស់ពីកន្លែងដែលកម្ទេចយាននេះធ្លាក់ ។ ខាងផ្នែកអវកាសចិន CMSEO និយាយថា មនុស្សម្នាគ្មានហេតុផលអ្វីត្រូវព្រួយបារម្ភឡើយ ។ ស្ថានីយអវកាសប្រភេទនេះពុំធ្លាក់លើផែនដីសាហាវដូចក្នុងខ្សែភាពយន្តឡើយ ។
ស្ថានីយអវកាស TIANGONG-1 បញ្ជូនទៅកាន់តារាវិថីកាលពីខែកញ្ញា ឆ្នាំ២០១១ ។ វាត្រូវទម្លាក់ខ្លួនចុះដោយមានការត្រួតពិនិត្យក្នុងបរិយាកាសផែនដី ក៏ប៉ុន្តែវាឈប់ដំណើរការចាប់តាំងពីខែមីនា ឆ្នាំ២០១៦មក ដែលនាំឱ្យមានការព្រួយបារម្ភពេលវាធ្លាក់ ៕
ចែករំលែកព័តមាននេះ