រាជធានីភ្នំពេញ ៖ បន្ទាប់ពីឃើញជប៉ុនចង់ឲ្យមានការចរចារវាងគណបក្សប្រជាជនកម្ពុជា និងអតីតគណបក្សសង្គ្រោះជាតិ នោះលោកសមរង្ស៊ីបានទទូចឲ្យមានការចរចាឆាប់ប៉ុន្តែការទទូចនេះត្រូវបានលោកសុខ ឥសានអះអាងថា ស្លុតឈាមរបស់លោកសម រង្ស៊ី ហើយជាការខកចិត្តជាថ្មីបន្តទៀត ។
ទោះបីជាមានការបញ្ជាក់យ៉ាងណាមន្ត្រីជាន់ខ្ពស់គណប្សកាន់អំណាចក្តីលោកព្រាប កុល ប្រធានអង្ការតម្លាភាពកម្ពុជា ចង់ឃើញថ្នាក់ដឹកនាំគណបក្សនយោបាយធំៗចំនួនពីរចូលតុចរចាផ្នែកនយោបាយឲ្យបានមុនបុណ្យចូលឆ្នាំប្រពៃណីជាតិខ្មែរ ។
ការចង់ឃើញការសន្ទនាផ្នែកនយោបាយនេះបន្ទាប់ពីលោកឃើញថា ប្រទេសជប៉ុនដែលជាម្ចាស់ជំនួយជួយមកកម្ពុជាបានស្នើឲ្យមានការចរចាគ្នា រវាងគណបក្សប្រជាជនកម្ពុជា និងអតីតគណបក្សសង្គ្រោះជាតិ ។ លោកថា គឺជាឱកាសមួយបានកន្លងផុតទី សម្រាប់ថ្នាក់ដឹកនាំគណបក្សនយោបាយ គឺគណបក្សប្រជាជនកម្ពុជា និងអតីតគ ណបក្សសង្គ្រោះជាតិ ដោយជប៉ុនធ្វើជាអាជ្ញាកណ្តាល ។
លោកព្រាបកុលបានឲ្យសរសេរលើបណ្តាញសង្គមហ្វេសប៊ុកលោក នៅថ្ងៃទី២៦ មីនាថា ឱកាសល្អនៃការសន្ទនានយោបាយមួយបានកន្លងផុតទៅដោយសារ តែអ្នកនយោបាយវាយកម្ទេចផ្ទះឈើ៣ខ្នង ដើម្បីធ្វើអុសដុតស្ងោរពងទា១គ្រាប់ ។ ឥឡូវនេះ ពេលវេលាសម្រាប់ការសន្ទនា ដើម្បីអាចឈានទៅរកដំណោះស្រាយនយោបាយប្រកបដោយការសម្បទានទៅវិញទៅមក រវាងភាគីទាំងពីរគឺ នៅសល់តែ៣ សប្តាហ៍ទៀតប៉ុណ្ណោះ បើពន្យាដល់៥ សប្តាហ៍ទៀត គឺយឺតពេល ។
លោកបញ្ជាក់ថា «ក្នុងពេលនេះមិត្តជប៉ុនបានចេញមុខជួយធ្វើមេអណ្តើក ដើម្បីសម្រួ បសម្រួលឱ្យមានការសន្ទនានយោបាយនេះ បានកើតឡើងទាន់ពេលវេលា ។ ខ្ញុំសង្ឃឹមថា អ្នកនយោបាយមិនដុតភ្លើង ដើម្បីស្ងោរពងទាទៀតទេ ក្នុងខណៈពេលនេះ ។ ផ្ទុយទៅវិញខ្ញុំសង្ឃឹមថា នឹងបានស្តាប់ឮនូវភាសាសម្រុះសម្រួលដោយថ្មមពាក្យសម្តី ដើម្បីឈានទៅរកការសន្ទនាមួយដែលអាចឈានទៅរកការដោះស្រាយទំនាស់នយោបាយខ្មែរឱ្យបានមុនពេលចូលឆ្នាំថ្មីប្រពៃណីខ្មែរខាងមុខនេះ» ។
សូមជម្រាបថា បើតាមមន្ត្រីជាន់ខ្ពស់គណបក្សប្រជាជនកម្ពុជាលោកសុខ ឥសាន ធ្លាប់បានអះអាងថា មិនមានការចរចាជាមួយអតីតគណបក្សសង្គ្រោះជាតិជាដាច់ខាត ព្រោះ ថាគណបក្សនេះត្រូវបានតុលាការរំលាយបាត់ទៅហើយ ។
លោកសុខ ឥសានបានឲ្យដឹងនៅថ្ងៃទី២៦ មីនាថា លោកសម រង្សី កំពុងស្លឈាមចង់ចរចា ។ លោកបានបន្តថា គ្រាន់តែទីប្រឹក្សាជាន់ខ្ពស់នាយករដ្ឋមន្ត្រីជប៉ុន ចូលជួប សម្តែងការគួរសមជាមួយសម្តេចតេជោ ហ៊ុន សែន ហើយសាកសួរពីស្ថានការណ៍នយោបាយនៃកម្ពុជា ពាក់ព័ន្ធនឹងវប្បធម៌សន្ទនានោះ ស្រាប់តែលោកសម រង្សី បង្ហា ញពីអាកប្បកិរិយាជ្រួលជ្រើមចង់ចរចា ហើយនិយាយហាក់ដូច ជាមានក្តីសង្ឃឹមដ៏តិច តួចថា ជប៉ុន គឺជាអាជ្ញាកណ្តាលមួយក្នុងការសម្របសម្រួលឲ្យមានការចរចា ។ ប៉ុន្តែ ទន្ទឹមនឹងនេះលោក សម រង្សី បែរជាខកចិត្តយ៉ាងខ្លាំងដែលជប៉ុននៅតែបន្តផ្តល់ជំនួយមកឲ្យ (គជប) ដើម្បីការបោះឆ្នោតនាពេលខាងមុខអាចដំណើរការដោយរលូន ។
លោកបញ្ជាក់ថា «ជប៉ុនបានបញ្ជាក់ជំហររបស់ខ្លួនរួចហើយថា មិនលូកដៃចូលកិច្ចការផ្ទៃក្នុងកម្ពុជាឡើយ ហើយនៅតែបន្តជួយជ្រោមជ្រែងកម្ពុជាតទៅទៀតយ៉ាងពេញទំហឹងទោះបីប្រទេសលោកខាងលិចមួយចំនួនផ្តាច់ជំនួយមកឲ្យកម្ពុជាក្តី៕
ចែករំលែកព័តមាននេះ