រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសឲ្យដឹងនៅព្រឹកថ្ងៃទី២៣ ខែមីនា ឆ្នាំ២០១៨នេះថា កាលពីម្សិលមិញ (ត្រូវនឹងថ្ងៃទី២២…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសឲ្យដឹងនៅព្រឹកថ្ងៃទី២៣ ខែមីនា ឆ្នាំ២០១៨នេះថា កាលពីម្សិលមិញ (ត្រូវនឹងថ្ងៃទី២២ មីនា) វេលាម៉ោង១និង៥៥នាទីល្ងាចម៉ោងនៅកម្ពុជា មានការវាយប្រហារដោយឧទ្ទាម គឺបាញ់ផ្លោងចូលបន្ទាយកងទ័ពមួកខៀវកម្ពុជា ចំនួន៣គ្រាប់ ត្រូវចំស្នាក់ការរបស់កងកម្លាំងរក្សាសន្តិភាពរបស់កម្ពុជា នៅតំបន់ Kidal ប្រទេសម៉ាលី ។
យ៉ាងណាមិញ សម្តេចតេជោបានបញ្ជាក់ថា សូមបងប្អូនកម្ពុជា «សូមកុំព្រួយបារម្មណ៍» ទោះបីមានការវាយប្រហារដោយពួកឧទ្ទាម តាមរយៈការបាញ់ផ្លោងឆេះបន្ទាយកម្ពុជា «តែគ្មានស្លាប់ និងរបួសកងទ័ពកម្ពុជាទេ» តែមានបារាំងរបួស៥នាក់ ដោយការវាយប្រហារនេះ ។ សម្តេចតេជោ ហ៊ុន សែនបានថ្កោលទោសពួកក្រុមឧទ្ទាម ដែលបានវាយប្រហារកងទ័ពមួកខៀវ ។
សម្តេចបានបញ្ជាក់អំពីការវាយប្រហារនេះ នៅខេត្តព្រៃវែង ក្នុងពិធីបើកការដ្ឋានសាងសង់កំណាត់ផ្លូវជាតិលេខ ១១ ពីអ្នកលឿងខេត្តព្រៃវែង ទៅកាន់ខេត្ត ត្បូងឃ្មុំ នៅថ្ងៃទី២៣ ខែមីនា ២០១៨ ។
សូមរម្លឹកថា កងកម្លាំងមួកខៀវកម្ពុជា៤រូប បានស្លាប់ ក្រោយរងការវាយប្រហារពីក្រុមឧទ្ទាមនៅប្រទេសអាហ្វ្រិកកណ្តាល កាលពីថ្ងៃយប់ថ្ងៃទី២១ ខែឧសភា ឆ្នាំមុន ៕
ចែករំលែកព័តមាននេះ