រាជធានីភ្នំពេញ ៖ ស្ត្រីម្នាក់បានប្ដឹងនគរបាលប៉ុស្តិ៍ចោមចៅ៣ ឱ្យចុះជួយអន្តរាគមន៍ឃាត់ខ្លួនបុរសប្ដីកំណាចល្មោភកាម ដែលបានវាយបង្ខំនាងរួមភេទរាល់ថ្ងៃ បើទោះបីជានាងមានផ្ទៃពោះរហូតដល់ទៅ៨ខែទៅហើយនោះ ។ ហើយបើពេលមិនព្រមឱ្យរួមរ័ក លោកប្ដីរូបនោះនឹងវាយ ឬច្របាច់.កធ្វើបាបដោយឥតត្រាប្រណីឡើយ។
ហេតុការណ៍ចុះឃាត់ខ្លួនប្ដី កើតឡើងកាលពីវេលាម៉ោង០៨ព្រឹកថ្ងៃទី២២ មីនា ស្ថិតក្នុងភូមិព្រៃទា១ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ក្រោយនាងបានប៉ុស្តិ៍នគរបាលចោមចៅ៣ ដើម្បីដាក់ពាក្យបណ្ដឹង ។ ស្ត្រីរងគ្រោះជាប្រពន្ធ ឈ្មោះ មឿន សុភ័ណ្ឌ អាយុ៣៣ឆ្នាំ មុខរបរដើរបេះបន្លែលក់ មានស្រុកកំណើត នៅក្នុងភូមិ២ ឃុំចំការអណ្តូង ស្រុកចំការលើ ខេត្តកំពង់ចាម ។ ដោយឡែក បុរសប្ដី ឈ្មោះ កង សំអាត អាយុ៣៥ឆ្នាំ ជាកម្មករសំណង់ ។
ស្ត្រីរងគ្រោះរៀបរាប់បន្តថា នាងនិងប្ដីមិនមែនយកគ្នាជាប្ដីប្រពន្ធដោយចិត្តឯងនោះទេ គឺបានរៀបការជាមួយគ្នាតាមគន្លងប្រពៃណីតាមច្បាប់ត្រឹមត្រូវ រយៈពេល១០ឆ្នាំមកហើយ ។ មិនតែប៉ុណ្ណោះ ចំណងដៃអាពាហ៍ពិពាហ៍ គឺបានកូនប្រុសម្នាក់ និងកូនស្រីម្នាក់ ហើយក៏បន្តមានមានផ្ទៃពោះកូនទីបី (ក្នុងពោះ៨ខែ)ទៀត។ ហើយអ្វីដែលធ្វើឱ្យនាងអត់ទ្រាំលែងបានតទៅទៀតនោះ គឺប្ដីនាងល្មោភកាមខ្លាំងណាស់ ។ បើទោះបីជាដឹងថា នាងមានផ្ទៃ៨ខែជិតគ្រប់ខែ សម្រាលកូនទៅហើយក្ដី ក៏ប្តីមិនបានលើកទឹកចិត្តនាងឡើយហើយបែរជាបង្ខំរួមភេទរាល់ថ្ងៃ បើនាងមិនព្រមលោកប្ដីតែងប្រើហឹង្សា វាយដំឬច្របាច់កនាងធ្វើឲ្យនាងភ័យខ្លាចយ៉ាងខ្លាំង។
នគរបាលឱ្យដឹងដែរថា ក្រោយទទួលបានបណ្ដឹងពីស្ត្រីជាប្រពន្ធរួច កម្លាំងបានចុះទៅឃាត់ខ្លួនបុរសជាប្ដីភ្លាមៗ ។ លុះពេលទៅដល់បានរកឃើញឧបករណ៍ សម្រាប់សេពគ្រឿងញៀនមួយចំនួន ដែលបញ្ជាក់ថាជនសង្ស័យ ពិតជាបានប្រើប្រាស់គ្រឿងញៀនពិតប្រាកដមែន ។
ចែករំលែកព័តមាននេះ