អ្នកនាំពាក្យបក្សកាន់អំណាចចោទលោកសម រង្ស៊ីធ្វើនយោបាយមានចរិតដូច ប៉ុលពត
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសាន បានអះអាងថា លោកសម រង្ស៊ី ធ្វើនយោបាយមានចរិតដូច ប៉ុល ពត…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសាន បានអះអាងថា លោកសម រង្ស៊ី ធ្វើនយោបាយមានចរិតដូច ប៉ុល ពត…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសាន បានអះអាងថា លោកសម រង្ស៊ី ធ្វើនយោបាយមានចរិតដូច ប៉ុល ពត ។ ការអះអាងនេះ បន្ទាប់ពីលោកសម រង្ស៊ីបានចោទប្រកាន់មកលើរដ្ឋាភិបាលថា កំពុងដឹកនាំប្រទេសដូចប៉ុល ពត ។
លោកសុខឥសានបានឲ្យដឹងនៅថ្ងៃទី១៨ ខែមីនា ឆ្នាំ២០១៨ថា ចរិកនយោបាយប៉ុលពតរបស់លោក សម រង្សី ធ្វើនយោបាយតាំងពីដើមមក គឺយកតាមវប្បធម៌នយោបាយរបស់ខ្មែរក្រហម ប៉ុលពត ដោយយកការចងកំហឹងវណ្ណៈក្នុងសង្គម រួមមាន យកអ្នកមាន លោកឧកញ៉ា ថៅកែ ជាខ្មាំងសត្រូវរបស់អ្នកក្រ ហៅសុទ្ធតែជាថៅកែ ឧកញ៉ាចិត្តខ្មៅ ។ ញុះញង់ឲ្យអ្នកក្រចងកំហឹង និងអ្នកមានមើលមុខគ្នាមិនត្រង់ ដោយកំណត់អ្នកមានជា អ្នកជិះជាន់ជាអ្នកកេងប្រវ័ញ្ចលើអ្នកក្រ ។
បើគេបានកាន់អំណាចនឹងរឹបអូសយកទ្រព្យសម្បត្តិអ្នកមានចែកអ្នកក្រ ដើម្បីបោកបញ្ឆោតអ្នកក្រយកសន្លឹកឆ្នោត និងរឹបអូសដីធ្លីពីអ្នកមានចែកឲ្យអ្នកក្រជាដើម ។
លោកបន្តថា លោកសមរង្ស៊ីក៏បានកំណត់ថា អ្នកមានសុទ្ធតែជាអ្នកប្រព្រឹត្តពុករលួយ ដោយមិនពិចារណាពីប្រភពរកបានពីកន្លែងណា តាមវិធីណានោះឡើយ ។ ចោទ និងលាបពណ៌ថ្នាក់ដឹកនាំ និងសមាជិកគណបក្សប្រជាជនកម្ពុជា សុទ្ធតែក្បាលយួន ខ្លួនខ្មែរ ធ្វើការបម្រើនយោបាយយួន ។
លោកបញ្ជាក់ថា «ដើរនយោបាយតាមប៉ុលពត អ្នកធ្វើត្រូវចិត្តខ្លួនជាអ្នកស្នេហាជាតិ តែបើគេមិនដើរតាមខ្លួន គឺជាជនក្បត់ជាតិ ក្បត់បក្សភ្លាម ។ ទណ្ឌិតលោកសម រង្ស៊ី ដឹកនាំអត្តនោម័តផ្តាច់ការ តែមកចោទសម្តេចតេជោ ហ៊ុន សែន ថា ផ្តាច់ការទៅវិញ ។ ទណ្ឌិតលោកសម រង្ស៊ី ដោយសារ ចង់បានអំណាច គិតតែដើរទៅឱបដៃឱបជើងបរទេសឲ្យគាបសង្កត់រាជរដ្ឋាភិបាល និងប្រជាជនកម្ពុជាមិនឲ្យរស់នៅបានសុខ ។
លោកបន្ថែមថា លោកសម រង្សី ដើរតែចោទថា រាជរដ្ឋាភិបាលកម្ពុជា និងគណបក្សប្រជាជនកម្ពុជាចែកដីខ្មែរឲ្យយួនប្រើប្រាស់ផែនទីក្លែងក្លាយធ្វើឲ្យបាត់បង់ទឹកដី ធ្វើបាត់កោះត្រល់ និងដែនដីកម្ពុជាក្រោម ដោយមិនដឹងខ្យល់អីសោះ ។ ទង្វើ និងសកម្មភាពរបស់គាត់ គឺដើរតាមនយោបាយរបស់ខ្មែរក្រហម ប៉ុលពត សុទ្ធតែម្តង ដែលធ្វើឲ្យសង្គមជាតិខ្មែរមិនបានសុខ ។
គួរបញ្ជាក់ថា លោកសម រង្ស៊ីបានសរសេរលើបណ្តាញសង្គមហ្វេសប៊ុកកាលពីថ្ងៃទី១៦ មិនានេះចោទប្រកាន់ថា សម្តេចតេជោ ហ៊ុន សែន ដើរតាមគន្លង ប៉ុល ពត ។
ដែលលោកសម រង្ស៊ីបានសរសេរថា កាលពី៤០ឆ្នាំមុន ជំងឺសសៃប្រសាទរបស់ ប៉ុល ពត បានធ្វើឲ្យគាត់ឃើញតែសត្រូវជុំវិញខ្លួន ហើយដើរចោទគេចោទឯងថា ជា «ជនក្បត់» ដែលធ្វើការឲ្យ CIA (របស់សហរដ្ឋអាមេរិក) KGB (របស់សហភាពសូវៀត) ឬក៏ធ្វើការឲ្យយួនតែម្តង ។
លោកសម រង្ស៊ី សរសេរចោទប្រកាន់ថា ៖ «ឥឡូវនេះ ហ៊ុន សែន ដែលធ្លាប់ធ្វើជាមេកងពលក្រោមបញ្ជារបស់ ប៉ុល ពត កំពុងតែដើរតាមគន្លងរបស់ ប៉ុល ពត ។ គាត់កំពុងរកលេសគ្រប់បែបយ៉ាង ចោទប្រកាន់លោក កឹម សុខា និងរូបខ្ញុំ ដើម្បីកម្ចាត់អ្នកទិតៀនទាំងអស់ ដែលហ៊ានប្រឆាំងអំណាច កាន់តែឃោរឃៅរបស់គាត់ ។ មិនយូរទេ គាត់នឹងចោទប្រកាន់ថែមទៀតថាលោក កឹម សុខា និងខ្ញុំជា «ជនក្បត់» ដែលធ្វើការឲ្យប្រទេសអាល្លឺម៉ង់ (Germany) ពេលណាគាត់ដឹងថា កម្មវិធីនយោបាយរបស់គណបក្សសង្គ្រោះជាតិ បានរៀបចំឡើងដោយមានការផ្គត់ផ្គង់ពីអង្គការអាល្លឺម៉ង់ពីរ គឺមូលនិធិ Konrad Adenauer និងមូលនិធិ Friedrich Naumann» ៕
ចែករំលែកព័តមាននេះ