ប្រទេសរុស្ស៊ី-សហរដ្ឋអាមេរិក ៖ រុស្ស៊ីនិយាយកាលពីថ្ងៃទី១៣ មីនា ថា ខ្លួនទទួលព័ត៌មានដែលថា សហរដ្ឋអាមេរិករៀបចំវាយប្រហារតាមអាកាសលើសង្កាត់ដែលមានក្រសួងនានានៅក្រុងដាម៉ាស់ដោយលើកពីលេសក្លែងក្លាយទាំងឡាយ រួចសន្យាតបតវិញក្នុងករណីមានការគំរាមកំហែងដល់កងទាហានរបស់ខ្លួនមានវត្តមាននៅស៊ីរី ។ នាយអគ្គសេនាធិការកងទ័ពរុស្ស៊ី…
ប្រទេសរុស្ស៊ី-សហរដ្ឋអាមេរិក ៖ រុស្ស៊ីនិយាយកាលពីថ្ងៃទី១៣ មីនា ថា ខ្លួនទទួលព័ត៌មានដែលថា សហរដ្ឋអាមេរិករៀបចំវាយប្រហារតាមអាកាសលើសង្កាត់ដែលមានក្រសួងនានានៅក្រុងដាម៉ាស់ដោយលើកពីលេសក្លែងក្លាយទាំងឡាយ រួចសន្យាតបតវិញក្នុងករណីមានការគំរាមកំហែងដល់កងទាហានរបស់ខ្លួនមានវត្តមាននៅស៊ីរី ។
នាយអគ្គសេនាធិការកងទ័ពរុស្ស៊ី ឧត្តមសេនីយ៍វ៉ាឡេរី ហ្គេរ៉ាសស៊ីម៉ូវ ថ្លែងថា ពួកឧទ្ទាមនៅតំបន់ GHOUTA ខាងកើតខិតខំប្រឌិតរឿងពីការវាយប្រហារដោយអាវុធគីមីប្រឆាំងបណ្តាជនស៊ីវិលដើម្បីទម្លាក់ការទទួលខុសត្រូវលើកងទ័ពស៊ីរី ។ លោកបន្តថា សហរដ្ឋអាមេរិកប៉ុនប៉ងប្រើលេសក្លែងក្លាយទាំងនេះ ដើម្បីវាយប្រហារសង្កាត់មានក្រសួងច្រើននៃក្រុងដាម៉ាស់ ដែលនៅទីនោះមានជនជាតិរុស្ស៊ីទាំងឡាយជាទីប្រឹក្សាយោធា ជាសមាជិកប៉ូលិសយោធា ជាអ្នកសង្កេតការណ៍លើបទឈប់បាញ់គ្នា។ល។
ឧត្តមសេនីយ៍វ៉ាឡេរី ហ្គេរ៉ាសស៊ីម៉ូវ បានព្រមានថា បើមានការគំរាមកំហែងជាយថាហេតុលើអាយុជីវិតរបស់កងទាហានរបស់យើងនោះកងទ័ពរុស្ស៊ីនឹងចាត់វិធានការសងសឹកវិញទាំងលើបណ្តាមីស៊ីល ទាំងលើបណ្តាទីតាំងបាញ់មីស៊ីល ។
សហរដ្ឋអាមេរិកដែលចេញគម្រោងដំណោះស្រាយថ្មីស្តីពីស៊ីរីនៅ អ.ស.ប នោះកាលពីថ្ងៃទី១២ មីនា បានបន្តឹងសំឡេងដោយនិយាយថា ត្រៀមធ្វើសកម្មភាពប្រសិនបើក្រុមប្រឹក្សាសន្តិសុខ អ.ស.ប ពុំអាចអនុម័តលើគម្រោងដំណោះស្រាយនេះ ។ ឯកអគ្គរដ្ឋទូតអាមេរិកប្រចាំ អ.ស.ប បណ្តាស្រីនិកគី ហាឡី បានព្រមានថា នេះពុំមែនជាផ្លូវដែលយើងចង់ដើរឡើយ ក៏ប៉ុន្តែជាផ្លូវដែលយើងចៀសមិនរួច ដូចដែលយើងធ្លាប់បានបង្ហាញរួចមកហើយ រួចយើងត្រៀមធ្វើបែបនេះជាថ្មីទៀត ។ លោកស្រីចង់និយាយសំដៅលើការវាយប្រហារដោយមីស៊ីលតាមបញ្ជារបស់លោកត្រាំ លើមូលដ្ឋានកងទ័ពស៊ីរីមួយក្រោយការវាយប្រហារដោយអាវុធគីមីប្រឆាំងមូលដ្ឋាន KHAN CHEIKHOUNE កាលពីខែមេសា ឆ្នាំ២០១៧ ៕
ចែករំលែកព័តមាននេះ