លោកពូទីន អះអាងថា លោកនឹងចាកចេញពីអំណាចក្នុងឆ្នាំ2024
ប្រទេសរុស្ស៊ី ៖ កាន់អំណាចចាប់តាំងពីឆ្នាំ២០០០មក ប្រធានាធិបតីរុស្ស៊ី លោកវ្ល៉ាឌីមៀរ ពូទីន អះអាងកាលពីថ្ងៃទី១០ មីនា ថា លោកនឹងមិននៅកាន់អំណាចរហូតនោះឡើយ…
ប្រទេសរុស្ស៊ី ៖ កាន់អំណាចចាប់តាំងពីឆ្នាំ២០០០មក ប្រធានាធិបតីរុស្ស៊ី លោកវ្ល៉ាឌីមៀរ ពូទីន អះអាងកាលពីថ្ងៃទី១០ មីនា ថា លោកនឹងមិននៅកាន់អំណាចរហូតនោះឡើយ ។
លោកពូទីន ដែលគេជឿជាក់ថា ពិតជាជាប់ឆ្នោតទៀតក្នុងការបោះឆ្នោតប្រធានាធិបតីរុស្ស៊ីនាថ្ងៃទី១៨ មីនា ខាងមុខនេះមានប្រសាសន៍ថា លោកពុំមានបំណងនៅកាន់អំណាចហួសពីឆ្នាំ២០២៤ឡើយ ។
គេពុំចាំបាច់ធ្វើការផ្លាស់ប្តូររដ្ឋធម្មនុញ្ញដែលកម្រិតអាណត្តិប្រធានាធិបតីត្រឹម២អាណត្តិជាប់គ្នាឡើយ ។ ដោយសារការកម្រិតបែបនេះទើបលោកកាលពីឆ្នាំ២០០៨ឱ្យលោកឌីមីឌ្រី ម៉េដវេដេវ កាន់តំណែងលោក ហើយលោកក្លាយជានាយករដ្ឋមន្ត្រី ។
ក្នុងបទសម្ភាសន៍មួយជាមួយទូរទស្សន៍អាេមរិក NBC លោកពូទីន នៅតែបដិសេធពុំនិយាយពីឈ្មោះអ្នកប្រឆាំងខាងនយោបាយសំខាន់របស់លោកដែលចង់សំដៅលើលោកអាឡិចសី ណាវ៉ាល់នី ។
ម្យ៉ាងទៀត លោកពូទីន បានចំអកចំពោះការចោទប្រកាន់របស់អាមេរិកពីការជ្រៀតជ្រែករបស់រុស្ស៊ីចូលក្នុងការបោះឆ្នោតប្រធានាធិបតីអាមេរិកកាលពីឆ្នាំ២០១៦ ដោយលោកអះអាងថា ពុំមានទំនាក់ទំនងណាមួយជាមួយវិមានក្រឹមឡាំងឡើយ ៕
ចែករំលែកព័តមាននេះ