គង់ កែវមរកត ច្រៀងពីរោះរហូតមានអ្នកហ៊ានទាញ ក្នុងកម្មវិធី Cambodian idol
- ភ្នំពេញ
រាជធានីភ្នំពេញ ៖ ការប្រលងចម្រៀង Cambodian Idol កាលពីសប្ដាហ៍ទី៥ ថ្ងៃទី៩ មីនា បេក្ខនារី គង់…
រាជធានីភ្នំពេញ ៖ ការប្រលងចម្រៀង Cambodian Idol កាលពីសប្ដាហ៍ទី៥ ថ្ងៃទី៩ មីនា បេក្ខនារី គង់…
រាជធានីភ្នំពេញ ៖ ការប្រលងចម្រៀង Cambodian Idol កាលពីសប្ដាហ៍ទី៥ ថ្ងៃទី៩ មីនា បេក្ខនារី គង់ កែវមរកត ត្រូវគេកត់សម្គាល់ថា លេចធ្លោ២យ៉ាងតែម្ដង ទើបធ្វើឱ្យនាងទទួលបានសំលេងឆ្នោតនាំមុខគេក្នុងពេលប្រកាសលទ្ធផល។ នោះគឺទឹកដមសំលេងជាមួយនឹងការបកស្រាយបទ «ពីរមុន» និងការតែងខ្លួនយ៉ាងលេចធ្លោក្នុងឈុតរាត្រីសមោសរ ត្រូវនឹងរូបសម្រស់របស់នាងតែម្ដង។
ការប្រលងដែលបានធ្វើឡើង ហើយបញ្ចប់ដោយលទ្ធផល បេក្ខនារី គង់ កែវមរកត ឡើងទៅកាន់វគ្គបន្ត ដោយមិនភ័យបារម្ភ ក្នុងពេលប្រកាសហៅឈ្មោះនេះ ធ្វើឱ្យទទួលបានការកោតសរសើរច្រើន បន្ទាប់ពីការបកស្រាយបទចម្រៀងប្រពៃណី ក៏ធ្វើឱ្យនាងលេចធ្លោរផងដែរ។ នេះជាសមត្ថភាពពិសេសដែលនាងនៅតែរក្សាបាននូវការសរសើរ ស្របគ្នាដែលសំលេងរបស់នាងក៏ច្រៀងបានល្អក្នុងសប្ដាហ៍ទី៥នេះ។ មួយបទ «បងពីមុន» ដែលនាងបកស្រាយ ថ្វីដ្បិតថា មិនដូចម្ចាស់ដើមទាំងស្រុង ប៉ុន្តែគ្មានអ្នកណាមិនលាន់មាត់ទេថា នាងលើកយកបទនោះច្រៀងត្រូវនឹងទឹកដមសំលេងរបស់នាងពេញទំហឹង។
ក្នុងនោះសូម្បីតែគណៈកម្មការទាំង៤ និងលោកជា វិបុល ជាពិធីករ ក៏ចាប់អារម្មណ៍នឹងការតែងខ្លួនយ៉ាងស្អាតរបស់នាងផងដែរ។ នេះជាសប្ដាហ៍ ដែលធ្វើឱ្យនាងលេចធ្លោទាំងការប្រើសំលេង និងរូបសម្រស់ បើទោះមិនទាន់ដឹងថា នាងអាចជោគជ័យ បានទៅបន្តនៅសប្ដាហ៍បន្ទាប់ទៀតបាន ឬមិនបាន។
សូមទស្សនាវីដេអូឃ្លីបដកស្រង់ពីប្រភព BR HDTV ការប្រលងរបស់ គង់ កែវមករត ៖
https://www.youtube.com/watch?v=sVUHcomwB3A
ចែករំលែកព័តមាននេះ