រាជធានីភ្នំពេញ ៖ តារាចម្រៀងលោកវង្ស ថាណាន់ កាលពីយប់ថ្ងៃទី៦ មីនា ២០១៨ បានរៀបចំពិធីខួបកំណើតក្រោមវត្តមានអ្នកសិល្បៈនិងភ្ញៀវកិត្តិយសជាច្រើន ធ្វើឲ្យម្ចាស់ខួបមានក្តីរីករាយ ។…
រាជធានីភ្នំពេញ ៖ តារាចម្រៀងលោកវង្ស ថាណាន់ កាលពីយប់ថ្ងៃទី៦ មីនា ២០១៨ បានរៀបចំពិធីខួបកំណើតក្រោមវត្តមានអ្នកសិល្បៈនិងភ្ញៀវកិត្តិយសជាច្រើន ធ្វើឲ្យម្ចាស់ខួបមានក្តីរីករាយ ។ មានការកត់សម្គាល់ថាចាប់តាំងពីអុកឡុកពិភពសិល្បៈមួយរយៈចុងក្រោយវង្ស មក ថាណាន់ ហាក់លេចធ្លោនឹងអាជីពគួរឲ្យកត់សម្គាល់ ។
វង្ស ថាណាន់ បានលើកឡើងថាខួបកំណើតឆ្នាំនេះចាត់ទុកថាមានភាពធំដុំសម្រាប់រូបលោកដោយបានចំណាយធនធានផ្ទាល់ខ្លួនបង្កើតឡើង។លោកថាណាន់ និយាយថា«ចង់រៀបចំឲ្យឃើញជីវិតមានភាពរីករាយបន្តិច កុំឲ្យស្មុគស្មាញគិតតែរឿងការងារ ឲ្យអារម្មណ៍ល្អស្របពេលចង់បង្កើតបរិយាកាសឲ្យបានសប្បាយរីករាយជាមួយមិត្តសិល្បករបានចូលរួម ។ ឆ្នាំនេះខ្ញុំមានវ័យ២៩ឆ្នាំដោយមិនទាន់គិតគូរកប្រពន្ឋកូនបាននៅឡើយគ្រាដែលខ្ញុំចង់រកប្រាក់សន្សំទុកឲ្យបានច្រើនសិនមុននឹងសម្រេចផែនការនេះពោលចង់ទុកឲ្យយូរជាងនេះទាន់សិល្បៈលូតទៅមុខ »។
លោកវង្ស ថាណាន់ បានធ្វើឱ្យមហាជនកាន់តែស្គាល់ច្រើនបន្ទាប់ពីលោកចូលរួមប្រឡងកម្មវិធី Cambodia Idol រដូវកាលទី៣ ប៉ុន្តែបានចាកចេញកាលពីវគ្គប្រឡងនៅខេត្តមណ្ឌលគិរី ។ លោកត្រូវបានគេលើកសរសើរថាមានសំឡេងខ្ពស់ល្អ កុំតែភ្លាត់បន្តិចអាចមានឱកាសទៅវគ្គបន្តទៀតមិនខាន ។ ក្រៅពីនេះថាណាន់បានបង្កើតស្នាដៃចម្រៀងថ្មីដោយខ្លួនឯងជាច្រើនបង្ហាញនៅក្នុងយូធូប ។ លោកថាណាន់តស៊ូក្នុងការរស់នៅ ធ្លាប់រស់នៅមណ្ឌលកុមារកំព្រា ។ លោកទើបតែស្គាល់ភាពសុខស្រួលពេលពេញវ័យនេះទេ ។
លោកវង្ស ថាណាន់ និយាយថា «មិនបានបោះបង់ក្ដីស្រមៃរបស់ខ្ញុំចោលទេ ហើយឥឡូវនេះខ្ញុំបានត្រៀមបទចម្រៀង Original song មួយចំនួនត្រៀមចេញក្នុងពេល ឆាប់ៗខាងមុខនេះហើយ ព្រោះមុនចូលប្រឡងក្នុងកម្មវិធី Cambodian Idol ខ្ញុំបានចេញបទ Original Song មួយចំនួនរួចហើយដូចជាបទ «សុំចិត្ត» និងបទ«អារម្មណ៍ខ្លាចបាត់អូន» ជាដើម ៕
ចែករំលែកព័តមាននេះ