រាជធានីភ្នំពេញ ៖ ក្នុងពេលរោងភាពយន្តទំនើបកើតឡើងជាបន្តបន្ទាប់ធ្វើឱ្យរោងភាពយន្ត ចាស់ៗសល់ពីមុនបិទទ្វារជាបន្តបន្ទាប់ ។ ជាក់ស្តែងរោងកុនលុច្សដែលឈរជើងប្រកួតប្រជែងយូរមកហើយនោះ បានបិទទ្វារក្លាយជាកន្លែងស្ងប់ស្ងាត់ ។ អ្នកដំណើរតែងតែក្រឡេកមើលរោងកុនលុច្សនៅពេលបាត់សកម្មភាពបម្រើអារម្មណ៍ទស្សនិកជនដូចពេលមុន ។…
រាជធានីភ្នំពេញ ៖ ក្នុងពេលរោងភាពយន្តទំនើបកើតឡើងជាបន្តបន្ទាប់ធ្វើឱ្យរោងភាពយន្ត ចាស់ៗសល់ពីមុនបិទទ្វារជាបន្តបន្ទាប់ ។ ជាក់ស្តែងរោងកុនលុច្សដែលឈរជើងប្រកួតប្រជែងយូរមកហើយនោះ បានបិទទ្វារក្លាយជាកន្លែងស្ងប់ស្ងាត់ ។ អ្នកដំណើរតែងតែក្រឡេកមើលរោងកុនលុច្សនៅពេលបាត់សកម្មភាពបម្រើអារម្មណ៍ទស្សនិកជនដូចពេលមុន ។ រោងកុនចាស់មួយនេះបិទទ្វារដោយសារមិនអាចតតាំងបានជាមួយភាពទំនើបរបស់រោងភាពយន្តសម័យថ្មី ។
បច្ចុប្បន្ននេះរោងកុន ទំនើបៗដែលគេស្គាល់2D 3D 4D និងរោងកុនបែបVIPមនុស្សអាចចូលទស្សនា ហើយគេងស្រួលដូចទស្សនានៅផ្ទះបាន ។ តំណាងរោងភាពយន្តលេជេនកាលពីពេល ថ្មីៗកន្លងមកឱ្យដឹងថា ដោយសារតែសម័យកាលចេះតែវិវឌ្ឍទៅមុខ រោងភាពយន្តទំនើបបាន និងកំពុងតែពន្លូតខ្លួនទៅមុខជាលំដាប់។ យុវវ័យចូលចិត្តទស្សនាក្រោយពេលដឹងថានៅរោងកុនមានសុទ្ធតែបំពាក់ម៉ាសុីនត្រជាក់ កន្លែងអង្គុយស្រួល ហើយបច្ចេកទេសបញ្ចាំងពន្លឺត្រជាក់ភ្នែកមិនចេះណាយពេលមកទស្សនា។
រោងកុនតែងតែផ្តល់សិទ្ធិឱ្យកុនខ្មែរបញ្ចាំង ហើយមកទល់ពេលនេះមានតែប៉ុន្មានផលិតកម្មប៉ុណ្ណោះមានស្នាដៃបញ្ចាំង ។ ដូច្នេះរោងកុនជំនួសដោយរឿងបរទេស ព្រោះយុវវ័យដឹងថា រឿងបរទេសខ្លះល្អមើល តួ លំដាប់ៗសម្តែងសម ទាំងពន្លឺ ទាំងបច្ចេកទេសថតល្អ។ «ដូចនេះខ្ញុំទទូចឱ្យរឿងរបស់ខ្មែរយើងគួរតែផលិតករធ្វើយ៉ាងណាបានទាក់ចិត្តអ្នកទស្សនាព្រោះអ្នកមើលឥឡូវគេរើសរឿងទស្សនាណាស់»។
យុវជនឆាយ ពិសិទ្ឋ ជាសិស្សនៅវិទ្យាល័យមួយនៃរាជធានីភ្នំពេញបានសម្តែងការសោកស្តាយដែលរោងកុន ចាស់ៗបិទអស់មិនអាចទប់ទល់នឹងរោងកុនទំនើបបាន ។ នេះមកពីការរីកចម្រើនវិស័យបច្ចេកវិទ្យា និងសង្គម ។ ទោះជាយ៉ាងណាក្តីគេក៏គាំទ្រការបង្កើតរោងកុនទំនើបដែរ ។ «សូម្បីតែខ្ញុំក៏ពេញចិត្តការនាំមិត្តភក្តិមកទស្សនារោងកុនទំនើប ទោះសំបុត្រថ្លៃក៏ដោយក៏អាចទទួលយកបាន ។ កន្លែងមើលស្អាត ត្រជាក់ស្រួល»។
កញ្ញាចាន់ លក្ខិណា និស្សិតសាលាច្បាប់និយាយថា «ខ្ញុំគាំទ្រកុនខ្មែរដែរ តែថាដល់ពេលចូលទស្សនាទៅដូចជាមិនសម សម្តែង ឆ្គងៗ ។ ដូច្នេះហើយនាងចូលចិត្តទស្សនាភាពយន្តហូលីវូដព្រោះទាក់ទាញ ហើយល្អមើល ស្តែងៗ ។
ចំពោះរោងកុនទំនើបនាងចូលចិត្ត ព្រោះកន្លែងអង្គុយស្រួល ម៉ាស៊ីនត្រជាក់ស្រួលខ្លួន និងមានភាពទំនើបទាន់ស័យជាច្រើនទៀត » ។
តារាសម្តែងថ្មីកញ្ញាស៊ី ធឿន ថ្លែងថា «ប្រការដែលមានការរីកលូតនៃការវិវឌ្ឍវិស័យរោងកុនជឿនលឿន និងទំនើប អាចថាជាការរីកចម្រើនវិស័យភាពយន្តដែរ ព្រោះស្រុកទេសយើងមានការរីកចម្រើនទៅមុខ សន្តិសុខល្អ ។យ៉ាងណានាងខ្ញុំក៏ចង់បានរឿងខ្មែរយើងលូតលាស់ដាក់តាមរោងកុនឱ្យច្រើន ហើយបើចង់បានភាពស្ថិតស្ថិរទាល់តែរឿងមានគុណភាពនិងចូលរួមពីផលិតករ និងតួសម្តែងធ្វើយ៉ាងណាឱ្យទាក់អារម្មណ៍ប្រិយមិត្ត» ៕
ចែករំលែកព័តមាននេះ