នាយ ចយ លាភាពកំលោះនៅថ្ងៃនេះ
- ភ្នំពេញ
រាជធានីភ្នំពេញ ៖ នៅទីបំផុតតារាកំប្លែក នាយ ចយ បានចូលរោងការជាផ្លូវការហើយនៅថ្ងៃនេះ គឺថ្ងៃទី២៧ ខែកុម្ភៈ ឆ្នាំ២០១៨ ជាមួយកូនក្រមុំដ៏ស្រស់ស្អាត…
រាជធានីភ្នំពេញ ៖ នៅទីបំផុតតារាកំប្លែក នាយ ចយ បានចូលរោងការជាផ្លូវការហើយនៅថ្ងៃនេះ គឺថ្ងៃទី២៧ ខែកុម្ភៈ ឆ្នាំ២០១៨ ជាមួយកូនក្រមុំដ៏ស្រស់ស្អាត គឺនាង ក្វាន់ ឌី បន្ទាប់ពីអ្នកទាំង២បានសាងសម្ព័ន្ធស្នេហាយ៉ាងស្អិតរមួតនាពេលកន្លងមកនេះ។
សម្លេងភ្លេងការបានបន្លឺឡើងជាមួយកម្មវិធីជាបន្តបន្ទាប់តាមគន្លងប្រពៃណីដែលបានធ្វើឡើងនៅបុរីវិមានពិភពថ្មី ខណៈការពិសារអាហារអបអរមង្គលការរបស់តារារូបនេះនឹងធ្វើនៅទីតាំងខាងលើដូចគ្នា។
បើទោះជាពិធីមង្គលការរបស់នាយ ចយ នាព្រឹកនេះ គេសង្កេតឃើញមិនសូវមានអ្នកសិល្បៈចូលរួមមែន ប៉ុន្តែទាំងនាយ ចយ និងអនាគតភរិយាបានញញឹមបិទមាត់មិនជិតឡើយ ជាមួយនឹងវត្តមានចូលរួមអបអរពីមិត្តភក្តិ បងប្អូនទាំងសងខាង៕
ចែករំលែកព័តមាននេះ