ខេត្តកណ្តាល ៖ ផ្លូវមួយខ្សែដែលមានប្រវែងជាង១០គីឡូម៉ែត្រ ស្របតាមផ្លូវជាតិលេខ២១ ត្រូវបានឈូសឆាយ ដោយមិនបានកិនបង្ហាប់នោះបានតែមួយកំណាត់ ហើយទុកចោលមួយកំណាត់ បណ្តាលឲ្យហុយ និងមានជង្ហុកពិបាកធ្វើដំណើរដដែល ទោះបីជាផ្លូវនេះត្រូវលោកម៉ៅ…
ខេត្តកណ្តាល ៖ ផ្លូវមួយខ្សែដែលមានប្រវែងជាង១០គីឡូម៉ែត្រ ស្របតាមផ្លូវជាតិលេខ២១ ត្រូវបានឈូសឆាយ ដោយមិនបានកិនបង្ហាប់នោះបានតែមួយកំណាត់ ហើយទុកចោលមួយកំណាត់ បណ្តាលឲ្យហុយ និងមានជង្ហុកពិបាកធ្វើដំណើរដដែល ទោះបីជាផ្លូវនេះត្រូវលោកម៉ៅ ភិ រុន គណៈអភិបាលខេត្តកណ្តាលធ្លាប់សន្យានឹងជួសជុលជូនពលរដ្ឋក្តី ។
ពលរដ្ឋរស់នៅក្នុងឃុំព្រែកអំបិលសុំមិនបញ្ញេញឈ្មោះ ក្នុងចំណោមពលរដ្ឋផ្សេងទៀត បានស្នើសម្តេចតេជោ ហ៊ុនសែន នាយករដ្ឋមន្ត្រីជួយស្នើដល់លោកអភិបាលខេត្តធ្វើផ្លូវមួយខ្សែនេះផង ព្រោះកន្លងមកថ្នាក់ដឹកនាំមូលដ្ឋាន ពិសេសគណពង្រឹងបក្សប្រជាជនកម្ពុជា ចេះតែសន្យាថា ធ្វើរហូត តែមិនឃើញលទ្ធផលនោះទេ ។
ប្រជាពលរដ្ឋដែលរស់នៅក្នុងឃុំ ខាងលើក៏បានស្នើដល់សម្តេចតេជោ ហ៊ុនសែន ជាប្រមុខដឹកនាំប្រទេសមានភាពវៃឆ្លាត និងតែងតែគិតពីសុខទុក្ខពលរដ្ឋជួយសាងសង់ផ្លូវមួយខ្សែនេះ ដើ ម្បីងាយស្រួលដល់និស្សានុសិស្សទៅសាលារៀន និងពលរដ្ឋធ្វើដំណើរប្រកបរបចិញ្ចឹមជីវិតប្រចាំថ្ងៃផង ។
សម្តេចតេជោ កាលពេលថ្មីៗនេះបានប្រាប់ដល់អភិបាលខេត្តនីមួយៗគួរតែចុះធ្វើការ ដោយកុំ តែមានការបញ្ហាពីនាយករដ្ឋមន្ត្រីបានធ្វើ ។ សម្តេចបានស្តីបន្ទោសដល់មន្ត្រីថ្នាក់ក្រោមជាតិមួយចំនួនមិនបានធ្វើការអនុវត្តច្បាប់នេះទេ ចាំតែសម្តេចបញ្ជាបានធ្វើ ។
ពលរដ្ឋបានសម្តែងក្តីសង្ឃឹមថា មានតែសម្តេចប្រមុខដឹកនាំប្រទេសទេ អាចជួយអន្តរាគមន៍ធ្វើផ្លូវមួយខ្សែដែលមមាញឹក សម្រាប់ពលរដ្ឋប្រកបរបរកស៊ីចិញ្ចឹមក្រពះរៀងរាល់ថ្ងៃ ។
សូមជម្រាបថា ផ្លូវមួយខ្សែនេះមានប្រជាពលរដ្ឋរស់នៅអមសងខាងយ៉ាងច្រើនកុះកក ហើយផ្លូវនេះ ក៏ជាផ្លូវមួយដែលមានភាពមមាញឹកសម្រាប់ពលរដ្ឋដឹកជញ្ជូនដំណាំដើម្បីយកទៅលក់នៅទីផ្សារក្រុងភ្នំពេញផងដែរ ៕
ចែករំលែកព័តមាននេះ