រាជធានីភ្នំពេញ ៖ តារាសម្តែងវ័យក្មេងនាងម៉ាកសែន សូនីតា ហៅតូតា បានធ្វើឲ្យមហាជន ជាពិសេសអ្នកប្រើប្រាស់ហ្វេសប៊ុកភ្ញាក់ផ្អើលជាថ្មីម្តងទៀត តាមរយៈការបង្ហាញឈុតប៊ីគីនីសិចស៊ីនៅលើកោះទេសចរណ៍មួយ ក្នុងប្រទេសហ្វ៊ីលីពីន ។
អ្នកលេងហ្វេសប៊ុកគាប់ភ្នែកពេលឃើញតូតា គ្រងឈុតប៊ីគីនីយ៉ាងសិចស៊ី បង្ហាញសាច់សខ្ចីបង្ហោះតាមហ្វេសប៊ុក និងអ៊ីនស្តេក្រាមរបស់នាងកាលពីពេល ថ្មីៗកន្លងមក ។
តារាសម្តែងតូតា បានធ្វើដំណើរលំហែកាយជាលក្ខណៈគ្រួសារមួយទៅកាន់ប្រទេសហ្វ៊ីលីពីន នាឱកាសបុណ្យចូលឆ្នាំប្រពៃណីចិន ។ នាងបានចំណាយពេលក្នុងឱកាសបុណ្យចូលឆ្នាំចិន ដើរលែងកម្សាន្តតាមទីតំបន់មួយចំនួននៅប្រទេសក្នុងតំបន់អាស៊ីអាគ្នេយ៍មួយនេះយ៉ាងសប្បាយរីករាយ ។
ជាតារាមួយរូបដែលចូលចិត្តសម្ញែងភាពសិចចស៊ីក្រៅរង្វង់សិល្បៈ តូតា មិនស្ទើរស្ទាក់ពីការបង្ហាញចំណង់ចំណូលចិត្តក្នុងជីវិតឯកជនរបស់នាងទេ ដោយមិនចាប់អារម្មណ៍ពីការរិះគន់ពីទស្សនិកជននោះឡើយ ។ នៅលើកោះទេសចរណ៍ដ៏ល្អមួយក្នុងប្រទេសហ៊្វីលីពីន តូតា បានសម្ញែងឈុតប៊ីគីនីយ៉ាងសិចស៊ី បង្អួតសម្រស់របស់ខ្លួនជាមួយនឹងទឹកសមុទ្រពណ៌ខៀវស្រងាត់។
លើទូកទេសចរណ៍នៅលើសាគរដ៏ស្រស់ត្រកាល តូតា គ្រងឈុត ប៊ីគីនី ពណ៌ខៀវស្របជាមួយផ្ទៃទឹក ដោយគ្របដណ្តប់តែអាវស្តើងមួយពីខាងក្រៅ បង្ហាញសាច់យ៉ាងសិចស៊ី។
រូបភាពទាំងអស់នោះត្រូវតូតា បង្ហោះតាមហ្វេសប៊ុក និងអ៊ីនស្តេក្រាមរបស់នាង ធ្វើឲ្យប្រិយមិត្តគាំទ្ររបស់នាងជាច្រើនសរសើរនូវសម្រស់ដ៏ស្រស់ផូរផង់របស់នាង ។
ជាការកត់សម្គាល់ការបង្ហាញភាពសិចស៊ីរបស់តូតា នាពេលនេះមិនមែនជាលើកទីមួយទេ ពោលគឺតារារូបនេះតែងតែបញ្ចេញភាពសិចស៊ីបែបនេះ ក្នុងពេលដែលនាងមានពេលលំហែកម្សាន្តនៅមាត់សមុទ្រ ម្តងៗ។
តូតា ធ្លាប់អះអាងថា នាងមិនខ្លាចនូវការរិះគន់ពីមហាជនចំពោះការបង្ហាញភាពសិចស៊ីរបស់នាងជាបន្តបន្ទាប់នោះឡើយ ដោយសារតែវានៅក្រៅរង្វង់សិល្បៈ៕
ចែករំលែកព័តមាននេះ