ប្រទេសស៊ីរី ៖ របបស៊ីរីហាក់ដូចជាពុំបន្ធូរដៃឡើយចំពោះការវាយលុករបស់ខ្លួនលើតំបន់មួយកាន់កាប់ដោយពួកឧទ្ទាមស្ថិតនៅជិតក្រុងដាម៉ាស់ ។ សភាពការណ៍នៅទីនោះធ្លាក់ដុនដាបយ៉ាងខ្លាំង ។
កងទ័ពស៊ីរី និងសម្ព័ន្ធមិត្តរុស្ស៊ីបានបើកធ្វើចាប់តាំងពីថ្ងៃទី៥ កុម្ភៈ មក ការវាយលុកយ៉ាងខ្លាំងបំផុតមួយប្រឆាំងតំបន់ GHOUTA ខាងកើតជាទីតាំងចុងក្រោយត្រួតត្រាដោយពួកឧទ្ទាមនាជាយក្រុងដាម៉ាស់ ។ មានការវាយប្រហារឥតឈប់ឈររបស់កងយន្តហោះ និងកងកាំភ្លើងធំដោយសម្លាប់ជនស៊ីវិលយ៉ាងតិច១០៦នាក់នាថ្ងៃទី២០ កុម្ភៈ ។
យោងតាមអង្គការសិទ្ធិមនុស្សស៊ីរី OSDH មានប្រភពព័ត៌មានច្រើនក្នុងប្រទេសថា មនុស្ស១០៦នាក់ស្លាប់នាថ្ងៃទី២០ កុម្ភៈ ធ្វើឱ្យចំនួនជនស៊ីវិលស្លាប់ឡើងដល់២៥០នាក់ ហើយចាប់ពីថ្ងៃទី១៨ កុម្ភៈ មកទៅ GHOUTA ខាងកើត ។ តុល្យការនៃការទម្លាក់គ្រាប់បែក និងបាញ់ផ្លោងគ្រាប់កាំភ្លើងធំមានអ្នកស្លាប់១៧នាក់នាថ្ងៃទី១៨ កុម្ភៈ និង១២៧នាក់ ថ្ងៃទី១៩ កុម្ភៈ ដែលជាតុល្យការធ្ងន់ធ្ងរបំផុតប្រចាំថ្ងៃចាប់តាំងពី៤ឆ្នាំកន្លងមកនេះនៅតំបន់ឧទ្ទាមនេះ ។
កងទ័ពស៊ីរីយ៉ាងច្រើនត្រូវប្រមូលដែលតាមមើលទៅនេះហាក់ដូចជាការចាប់ផ្តើមការវាយលុកខាងជើងគោកដោយទ្រង់ទ្រាយធំដណ្តើមយកតំបន់នេះហើយ ។
លើរណសិរ្សមួយទៀតនៅស៊ីរី ការវាយលុករបស់តួកគីប្រឆាំងកងជីវពលឃើតមួយនៅតំបន់ក្រុង AFRINE នាថ្ងៃទី២០ កុម្ភៈ បានកែប្រែរបត់ជាមួយការដាក់ពង្រាយកងកម្លាំងស្និទ្ធរបបស៊ីរីនៅតំបន់ឃើតនេះ ហើយតួកគីចាប់វាយប្រហារភ្លាមៗដែរ ។
ការលើកមកដល់តំបន់ AFRINE របស់កងកម្លាំងស្និទ្ធស៊ីរីនេះកំណត់ពីការផ្លាស់ប្តូរសំខាន់មួយ ហើយបន្ថែមភាពស្មុគស្មាញថែមទៀតដល់សង្គ្រាមស៊ីវិល ដែលហែកហួស៊ីរីចាប់តាំងពី៧ឆ្នាំមកហើយ ។ យោងតាមអង្គការ OSDH ថា យុទ្ធជនស្និទ្ធស៊ីរីជាច្រើនរយនាក់ដាក់ពង្រាយនារសៀលថ្ងៃទី២០ កុម្ភៈ ក្នុងតំបន់ AFRINE ៕
ចែករំលែកព័តមាននេះ