ប្រទេសអង់គ្លេស ៖ ក្រសួងការបរទេសអង់គ្លេសអះអាងនាយប់ថ្ងៃទី១១ កុម្ភៈ ថា ជនជាតិអង់គ្លេស៣នាក់ស្លាប់ ដោយសារការធ្លាក់ឧទ្ធម្ភាគចក្រទេសចរណ៍១គ្រឿងនៅ GRAND CANYON រដ្ឋអារីហ្សូណា ភាគនិរតីសហរដ្ឋអាមេរិក ។
ឧទ្ធម្ភាគចក្រនេះជារបស់ក្រុមហ៊ុន PAPILLON AIRWAYS បានធ្លាក់កាលពីថ្ងៃទី១០ កុម្ភៈ នាវេលាម៉ោង១៧និង២០នាទីម៉ោងក្នុងស្រុក ហើយគេពុំទាន់ដឹងពីមូលហេតុនៃគ្រោះថ្នាក់នេះនៅឡើយ ។
ក្រសួងការបរទេសអង់គ្លេសថ្លែងថា ខ្លួននឹងជួយដល់គ្រួសារជនរងគ្រោះ និងគ្រួសារជនជាតិអង់គ្លេស៣នាក់ទៀតដែលរងរបួស ។ អ្នកនាំពាក្យម្នាក់នៃក្រសួងនេះនិយាយថា យើងនឹងជួយជាជំនួយដល់គ្រួសាររបស់អ្នកទេសចរអង់គ្លេសទាំង៦នាក់ ដែលជួបគ្រោះថ្នាក់ឧទ្ធម្ភាគចក្រនៅឯ GRAND CANYON កាលពីថ្ងៃទី១០ កុម្ភៈ ហើយយើងទាក់ទងយ៉ាងជិតស្និទ្ធជាមួយបណ្តាភ្នាក់ងារសង្គ្រោះអាមេរិក ៕
ចែករំលែកព័តមាននេះ