ប្រទេសចិន ៖ ប្រទេសចិនមានបំណងបង្កើនវត្តមានយោធារបស់ខ្លួននៅមជ្ឈិមបូព៌ា ហើយបង្កើតនាទីនោះនូវមូលដ្ឋានយោធាទី២របស់ខ្លួននៅឯបរទេស ។ អ្នកជំនាញការមួយចំនួនយល់ថា ក្រុងប៉េកាំងមានបំណងធ្វើយោធូបនីយកម្មនៅប៉ាគីស្ថានរហូតដល់មហាសមុទ្រឥណ្ឌា ។ កាសែត THE…
ប្រទេសចិន ៖ ប្រទេសចិនមានបំណងបង្កើនវត្តមានយោធារបស់ខ្លួននៅមជ្ឈិមបូព៌ា ហើយបង្កើតនាទីនោះនូវមូលដ្ឋានយោធាទី២របស់ខ្លួននៅឯបរទេស ។ អ្នកជំនាញការមួយចំនួនយល់ថា ក្រុងប៉េកាំងមានបំណងធ្វើយោធូបនីយកម្មនៅប៉ាគីស្ថានរហូតដល់មហាសមុទ្រឥណ្ឌា ។
កាសែត THE SOUTH CHINA MORNING POST អះអាងនាពេលថ្មីៗនេះថា ចិនមានបំណងកសាងមូលដ្ឋាននាវាចរណ៍យោធាមួយនៅរង្វង់កំពង់ផែយុទ្ធសាស្ត្រប៉ាគីស្ថាន GWADAR ។ កំពង់ផែនេះជាចំណុចគន្លឹះមួយនៃច្រកសេដ្ឋកិច្ចចិន-ប៉ាគីស្ថាន ហើយក៏ជាដំណាក់កាលមួយក្នុងចំណោមដំណាក់កាលសំខាន់ៗនៃគម្រោងរបស់ប្រធានាធិបតីចិន លោកស៊ី ជីនពីង «ការផ្តួចផ្តើមគំនិតផ្លូវសូត និងខ្សែក្រវាត់សូត» ។
យោងតាមកាសែតនេះថា ចេតនារបស់ចិនបង្ហាញពីមហិច្ឆតាដែលសំដៅធ្វើ «យោធូបនីយកម្ម» ប៉ាគីស្ថាន ហើយជាពិសេសក្នុងមហាសមុទ្រឥណ្ឌា ។ ម្យ៉ាងវិញទៀតក្នុងករណីចាំបាច់ចិនអាចប្រើប្រាស់ប្រទេសនេះប្រឆាំងឥណ្ឌាហើយធ្វើមិនដឹងមិនឮចំពោះការព្រួយបារម្ភរបស់ឥណ្ឌាទាក់ទិនដល់អំពើភេរវកម្ម ។ ពេលធ្វើសម្ភាសន៍ជាមួយបណ្តាអ្នកជំនាញការកាសែតនេះគូសបញ្ជាក់ថា បទពិសោធន៍ និងបណ្តាសមត្ថភាពរបស់កងនាវាចរណ៍ឥណ្ឌាក្នុងតំបន់ គឺសម្បូរបែបជាងប៉ាគីស្ថាន ឬចិន ។
ការប៉ះទង្គិចគ្នានានា និងការរំលោភបំពានខ្សែក្រវាត់ត្រួតពិនិត្យកើតមានញឹកញាប់ ។ ឧប្បត្តិហេតុធ្ងន់ធ្ងរចុងក្រោយកើតមានកាលពីរដូវក្តៅមុននៅតំបន់ខ្ពង់រាប DOKLAM ស្ថិតនៅចំណុចប្រសព្វ៣រវាងប្រទេសប៊ូតាន ចិន និងឥណ្ឌា ។ ការប្រឈមមុខដាក់គ្នាដែលមានរយៈពេល២ខែមកពីកងយោធាឥណ្ឌាឆ្លងកាត់ព្រំដែនរារាំងការកសាងផ្លូវថ្នល់មួយរបស់ចិន ។ រួចនាដំណាច់ខែសីហា ឆ្នាំ២០១៧ ឥណ្ឌា និងចិនឈានដល់កិច្ចព្រមព្រៀងមួយដែលអាចចៀសវាងការប៉ះទង្គិចគ្នាដោយអាវុធ ។
កាលពីឆ្នាំ១៩៦២ ចិនបានច្បាំងគ្នាជាមួយឥណ្ឌាក្នុងជម្លោះព្រំដែនមួយនាតំបន់ភ្នំហ៊ីម៉ាល័យយ៉ា ដោយចិនទាមទារអធិបតេយ្យភាពលើតំបន់ AKSAI CHIN ៕
ចែករំលែកព័តមាននេះ