រាជធានីភ្នំពេញ ៖ បុរសម្នាក់ត្រូវបានសមត្ថកិច្ចប៉ុស្តិ៍នគរបាលទំនប់ទឹក ឃាត់ខ្លួនយកទៅសាកសួរបន្ទាប់ពីបុរសរូបនោះជិះម៉ូតូអត់មានស្លាកលេខ ហើយប្រឹងរត់គេចខ្លួន ដល់ពេលឃាត់ខ្លួនបានបុរសរូបនោះបានឆ្លើយសារភាពថា «ធ្លាប់ប្រើប្រាស់គ្រឿងញៀន» ហេតុការណ៍ឃាត់ខ្លួននេះ បានធ្វើឡើងនៅវេលាម៉ោង២រំលងអធ្រាត្រ ឈានចូលថ្ងៃទី២៦…
រាជធានីភ្នំពេញ ៖ បុរសម្នាក់ត្រូវបានសមត្ថកិច្ចប៉ុស្តិ៍នគរបាលទំនប់ទឹក ឃាត់ខ្លួនយកទៅសាកសួរបន្ទាប់ពីបុរសរូបនោះជិះម៉ូតូអត់មានស្លាកលេខ ហើយប្រឹងរត់គេចខ្លួន ដល់ពេលឃាត់ខ្លួនបានបុរសរូបនោះបានឆ្លើយសារភាពថា «ធ្លាប់ប្រើប្រាស់គ្រឿងញៀន» ហេតុការណ៍ឃាត់ខ្លួននេះ បានធ្វើឡើងនៅវេលាម៉ោង២រំលងអធ្រាត្រ ឈានចូលថ្ងៃទី២៦ ខែមករា ឆ្នាំ២០១៨ តាំងពីក្រោយមន្ទីរពេទ្យមិត្តភាពខ្មែរសូវៀត សង្កាត់ទំនប់ទឹក រហូតដល់រង្វង់មូលផ្លូវដើមថ្កូវ ផ្លូវ៤៣០ សង្កាត់ផ្សារដើមថ្កូវ ទើបឃាត់ខ្លួនបាន ។
បុរសដែលត្រូវសមត្ថកិច្ចឃាត់ខ្លួនមានឈ្មោះ ឡាំង រឹទ្ធ ភេទប្រុស អាយុ២៣ឆ្នាំ មុខរបរដឹកអីវ៉ានតាមផ្សារ ស្រុកកំណើតភូមិកំពែង ឃុំវត្តអង្គ ស្រុកឈូក ខេត្តកំពត ដកហូតម៉ូតូមួយគ្រឿងម៉ាក MSX ពណ៌ស អត់មានស្លាកលេខ ។
តាមសម្តីលោកមេប៉ុស្តិ៍ទំនប់ទឹក បានឲ្យដឹងថា មុននឹងឈានទៅដល់ការឃាត់ខ្លួនបុរសខាងលើ កម្លាំងសមត្ថកិច្ចបានធ្វើការល្បាតក្នុងមូលដ្ឋាន ដើម្បីទប់ស្កាត់បទល្មើសផ្សេងៗ ខណៈពេលមកដល់ក្រោយនឹងមន្ទីពេទ្យមិត្តភាពខ្មែរសូរវៀត ផ្លូវ៤៣០ សង្កាត់ទំនប់ទឹក ខណ្ឌចំការមន ក៏ប្រទះឃើញបុរសខាងលើ ជិះម៉ូតូអត់មានស្លាកលេខ ក្នុងទិសដៅពីជើងទៅត្បូង ហើយពេលនោះដែរ កម្លាំងរបស់លោកបានដេញតាមឃាត់ម៉ូតូដើម្បីសុំឆែកឆេរ និងត្រួតពិនិត្យ តែបុរសរូបនោះមិនបានឈប់ទេ គឺព្យាយាមបើកម៉ូតូរត់គេចខ្លួន រហូតដល់រង្វង់មូលផ្សារដើមថ្កូវ សង្កាត់ផ្សារដើមថ្កូវ ទើបសមត្ថកិច្ចដេញឃាត់ខ្លួនបាន រួចហើយបាននាំខ្លួនយកទៅធ្វើការសាកសួរនៅប៉ុស្តិ៍នគរបាលទំនប់ទឹក ។
នៅចំពោះមុខសមត្ថកិច្ច បុរសរូបនោះបានសារភាពថា មុនពេលសមត្ថកិច្ចឃាត់ខ្លួន គឺរូបគេបានជិះម៉ូតូចេញពីម្តុំច្រមុះជ្រូកស្ទឹងមានជ័យ គោលបំណងគឺជិះលេងបន្ត លុះចំណុចខាងលើដោយសារតែរូបគេបានជិះអត់មានស្លាកលេខ ទើបសមត្ថកិច្ចដេញឃាត់ខ្លួន ហើយនៅពេលនោះដែរ សមត្ថកិច្ចបានធ្វើតេសទឹកនោម មើលឃើញថា បុរសរូបនោះមានផ្ទុកសារធាតុញៀននៅក្នុងខ្លួន ហើយបុរសបានសារភាពថា រូបគេពិតជាធ្លាប់ប្រើប្រាស់គ្រឿងញៀនពិតប្រាកដមែន ។
ក្រោយពេលកើតហេតុ បន្ទាប់ពីសាកសួរបុរសរូបនោះត្រូវសមត្ថកិច្ចកសាងសំណុំរឿងបញ្ជូនទៅអធិការដ្ឋានខណ្ឌចំការមន ដើម្បីចាត់ការបន្តតាមនីតិវិធី ៕
ចែករំលែកព័តមាននេះ