សោភា ទេពី ផ្តាច់ស្នេហ៍ ខ្វល់តែរឿងប្រឡងចម្រៀង
- ភ្នំពេញ
រាជធានីភ្នំពេញ ៖ «ចប់គ្នាហើយ» ជាពាក្យដែលកញ្ញាសោភា ទេពី បញ្ជាក់រឿងស្នេហ៍រវាងនាង និងលោកឈួន ពន្លឺ ។ ទេពី…
រាជធានីភ្នំពេញ ៖ «ចប់គ្នាហើយ» ជាពាក្យដែលកញ្ញាសោភា ទេពី បញ្ជាក់រឿងស្នេហ៍រវាងនាង និងលោកឈួន ពន្លឺ ។ ទេពី…
រាជធានីភ្នំពេញ ៖ «ចប់គ្នាហើយ» ជាពាក្យដែលកញ្ញាសោភា ទេពី បញ្ជាក់រឿងស្នេហ៍រវាងនាង និងលោកឈួន ពន្លឺ ។ ទេពី មិនខ្វល់រឿងស្នេហ៍ទៀតទេ ដោយនាងយកពេលផ្តោតលើការប្រលងចម្រៀងប្រាថ្នាក្លាយជាម្ចាស់ជ័យលាភីនាពេលខាងមុខ ។
តារាសម្ដែងកញ្ញាសោភា ទេពី និងលោកឈួន ពន្ធឺ នាពេលកន្លងមកធ្លាប់បានសារភាពថាពួកគេស្រឡាញ់គ្នា ប៉ុន្តែសម្រាប់គម្រោងរៀបអាពាហ៍ពិពាហ៍វិញមិនទាន់មានទេ ។ ក្តីស្នេហ៍មិនទាន់ដល់គោលដៅ ពេលនេះវាបានកាត់ផ្តាច់ទៅវិញ ។
ពាក្យពេចន៍កន្លងរបស់កញ្ញាសោភា ទេពី គឺថា «នាងខ្ញុំ និងលោកកឈួន ពន្លឺ យល់ចិត្តគ្នាច្រើនមួយរយៈចុងក្រោយនេះ ប៉ុន្តែវាមិនទាន់ស៊ីជម្រៅដូចគូស្នេហ៍ដទៃទៀតទេ ។ គាត់ល្អនឹងខ្ញុំ ឯខ្ញុំល្អនឹងគាត់ទៅវិញទៅមក ។ យើងទាំងពីរមិនទាន់ស៊ីជម្រៅខ្លាំងទេរឿងរៀបការអីហ្នឹង ចាំមើលពេលទៅមុខទៀតសិន ។
ទោះជាយ៉ាងណាក្តី ពេលនេះរវាងនាងខ្ញុំ និងលោកពន្លឺគឺចប់គ្នាហើយ ដោយនាងខ្ញុំសុំមិននិយាយរឿងនេះទៀតទេ ដើម្បីកុំឱ្យមានបញ្ហាដាក់គ្នាទៀត ។ ពេលនេះនាងខ្ញុំចង់ចងក្រងសិល្បៈឱ្យល្អ ក្នុងពេលដែលនាងខ្ញុំកំពុងក្លាយជាបេក្ខនារីប្រឡងខេមបូឌា អាយឌល ខ្លាចមានព័ត៌មានមិនល្អនាំឱ្យខាងហង្សមាសមិនសប្បាយចិត្ត ។ ម្យ៉ាងនោះជារឿងអតីតកាលរវាងនាងខ្ញុំ និងលោកពន្លឺ »។
លោកឈួន ពន្លឺ បានបណ្តែតជីវិតចូលពិភពសិល្បៈនាគ្រាដំបូងតាមរយៈធ្វើជាតារាបង្ហាញម៉ូដឲ្យទូរទស្សន៍ប៉ុស្តិ៍លេខ៩ ក្នុងឆ្នាំ២០១៦ ។ បន្ទាប់មកនៅឆ្នាំ២០១៧ លោកពន្លឺ ទទួលបានពានរង្វាន់ចំណាត់ថ្នាក់លេខ១ ផ្នែកសម្ដែងក្នុងកម្មវិធីប្រលងនៅទូរទស្សន៍អប្សរា ។
ក្រោយមកលោកឈួន ពន្លឺ មានឱកាសចូលរួមសម្តែងក្នុងខ្សែភាពយន្តខ្នាតធរឿងំ «រាជ បូរីComeback» ។ ក្រៅពីនេះចូលរួមសម្តែងរឿងភាគមួយចំនួនរបស់ទូរទស្សន៍ប៉ុស្តិ៍លេខ៥ ។
ចំណែកកញ្ញាសោភា ទេពី វិញជាកូនអ្នកភ្នំពេញ បានចូលពិភពសិល្បៈដំបូងក្នុងឆ្នាំ២០១៤ តាមរយៈការប្រឡងចម្រៀងក្នុងកម្មវិធី «ចង់ក្លាយជាតារា» របស់ទូរទស្សន៍ប៉ុស្តិ៍លេខ៥ ទទួលបានជ័យលាភីចំណាត់ថ្នាក់លេខ២ ។
ក្រោយទទួលបានជ័យលាភីនោះមកកញ្ញាសោភា ទេពី មិនបានចូលផលិតកម្មចម្រៀងណាមួយទេ គឺនាងផលិតបទចម្រៀងច្រៀងដោយខ្លួនឯង ។
ថ្វីដ្បិតតែជាអ្នកចម្រៀង តែសោភា ទេពី ធ្លាប់បានចូលរួមសម្តែងក្នុងខ្សែភាពយន្តរឿង «កូនក្រមុំលោកមេឃុំ» ៕
ចែករំលែកព័តមាននេះ