មានការយល់ច្រឡំអំពីប្រធានបទ ដល់កំពូលនៃការរួមភេទព្រមគ្នា ។ នេះគឺនៅពេលដែលដៃគូទាំងពីរនាក់ឈានទៅដល់ចំណុចកំពូលក្នុងពេលតែមួយ ។ វាច្បាស់ណាស់ដែលថា មនុស្សភាគច្រើន ជាពិសេសស្ត្រី ក្មេងៗគិតថា បុរស…
មានការយល់ច្រឡំអំពីប្រធានបទ ដល់កំពូលនៃការរួមភេទព្រមគ្នា ។ នេះគឺនៅពេលដែលដៃគូទាំងពីរនាក់ឈានទៅដល់ចំណុចកំពូលក្នុងពេលតែមួយ ។
វាច្បាស់ណាស់ដែលថា មនុស្សភាគច្រើន ជាពិសេសស្ត្រី ក្មេងៗគិតថា បុរស និងស្ត្រីត្រូវឡើងដល់ចំណុចកំពូលក្នុងពេលតែមួយ ! នៅក្នុងពិភពលោកដ៏ពិតប្រាកដនេះ រឿងមួយនេះមិនមែនជាការណ៍ពិតនោះទេ ។
ស្ត្រីម្នាក់ឆ្លងកាត់ការរួមភេទច្រើនដងណាស់ ក្នុងមួយឆាកជីវិតរបស់នាង ប៉ុន្តែនាងនិយាយថា វាមិនអាចកើតមានទៀតទេ រហូតដល់នាងអាយុ៤០ឆ្នាំ និងរកឃើញបុរសម្នាក់ដែលនាងអាចឈានដល់ចំណុចកំពូលជាមួយគ្នាបាន ។
គំនិតយោបល់ដែលថា ការឡើងដល់ចំណុចកំពូលក្នុងពេលជាមួយគ្នា គឺជាបទដ្ឋានធម្មតានៃការយល់ខុសមួយប៉ុណ្ណោះដែលត្រូវបានបង្កើតឡើងអស់កាលជាងពីរទសវត្សន៍មកហើយ តាមរយៈរឿងប្រលោមលោក និងរឿងស្រើបស្រាលផ្នែករួមភេទរាប់រយរឿង ។
ទោះបីដល់ថ្ងៃនេះទៅហើយ ក៏មនុស្សភាគច្រើនជឿជាក់ថា ដៃគូរួមភេទទាំងពីរនាក់ជាទូទៅឈានដល់ចំណុចកំពូលទាំងអស់គ្នា ។
លទ្ធផលនៃការយល់ខុសទាំងអស់នេះ គឺថាសព្វថ្ងៃនេះស្ត្រី ក្មេងៗនិយាយថា «ខ្ញុំច្បាស់ជាមានអ្វីកើតឡើងមិនប្រក្រតីហើយលើរូបខ្ញុំដោយសារតែខ្ញុំមិនអាចឡើងដល់ចំណុចកំពូលដូចគ្នាជាមួយនឹងមិត្តប្រុសរបស់ខ្ញុំបាន ។ ហើយគាត់ពិតជាអស់សង្ឃឹមជាខ្លាំងអំពីរឿងនេះ…» ។
ការណ៍ពិតតាមផ្នែកវេជ្ជសាស្ត្រ
ការណ៍ពិតគឺថាខណៈពេលដែលការឡើងដល់ចំណុចកំពូលគឺវាល្អនោះ ពួកគេមានការពិបាកណាស់ដើម្បីអាចធ្វើទៅបាន ជាពិសេសនៅពេលដែលអ្នកមានវ័យក្មេង ។
វាទំនងជាច្រើនតែកើតឡើងនៅក្នុងចំណងស្នេហាជិតស្និទ្ធមួយដែលដៃគូទាំងពីរនាក់បានរស់នៅជាមួយគ្នាច្រើនឆ្នាំ និងដឹងនូវរបៀបធ្វើយ៉ាងណាឲ្យអ្នកទាំងពីរឆ្លើយតបទៅនឹងការរួមភេទបានយ៉ាងល្អ ។
ការសម្របសម្រួលដើម្បីទទួលបានចំណុចកំពូល គឺមិនទំនងកើតឡើងក្នុងពេលតែមួយយប់ ឬក្នុងពេលតែមួយភ្លែតនោះទេ លុះត្រាតែអ្នកទាំងពីរនាក់មានជំនាញច្រើនខាងផ្នែកភ្ញោចអារម្មណ៍ភេទ ។ វាក៏ជួយច្រើនដែរប្រសិនបើបុរសមានការគ្រប់គ្រងបានយ៉ាងល្អទៅលើការបាញ់ទឹកកាមរបស់ខ្លួន ដែលវាមិនច្រើនតែកើតទៅលើបុរសវ័យ ក្មេងៗនោះទេ ។
ដូច្នេះមូលហេតុនៃការឈានដល់ចំណុចកំពូលដំណាលគ្នា គឺជារឿងពិបាកណាស់? មែនហើយវាមានហេតុផល ធំៗចំនួនពីរ ៖
បញ្ហារបស់ស្ត្រីក្នុងការឈានទៅដល់ចំណុចកំពូលនៃការរួមភេទ នៅពេលដែលមនុស្សនិយាយអំពីការឡើងដល់ចំណុចកំពូលក្នុងពេលជាមួយគ្នា ជាទូទៅន័យមួយនេះសម្រាប់និយាយអំពីអំឡុងពេលនៃការរួមភេទ។ ប៉ុន្តែការឡើងដល់ចំណុចកំពូលក្នុងពេលរួមភេទដោយ ឯងៗ គឺមិនងាយស្រួលនោះទេ ។ រហូតដល់ទសវត្សរ៍ឆ្នាំ១៩៦០ អ្នកឯកទេសមួយចំនួនបានយល់ឃើញអំពីរឿងនេះ ។
នៅពេលនិយាយសំអាងលើចំណុចនេះប្រាប់ទៅអ្នកឯកទេសខាងចិត្តសាស្ត្រម្នាក់ក្នុងទីក្រុងឡុងដ៍ ដែលរូបគាត់ត្រូវបានចាត់ទុកថា ជាអ្នកឯកទេសម្នាក់ខាងព្យាបាលបញ្ហាផ្លូវភេទ គឺគាត់បដិសេធ និងមិនជឿលើចំណុចមួយនេះទេ ។
ប៉ុន្តែដល់ឆ្នាំ១៩៧៦ អ្នកស្រាវជ្រាវខាងផ្នែកការរួមភេទរបស់សហរដ្ឋអាមេរិក អ្នកស្រី ស្យៀ ហីត (Ms. Shere Hite) បានចុះផ្សាយនូវការសង្កេតមួយដែលបានបង្ហាញយ៉ាងច្បាស់ នូវរឿងហេតុដូចដែលបាននិយាយខាងលើនេះ។ អ្វីដែលគួរឲ្យអស្ចារ្យ គឺការស្រាវជ្រាវរបស់អ្នកស្រីធ្វើឲ្យមានការប្រេះឆាយ៉ាងខ្លាំងនៅក្នុងសហរដ្ឋអាមេរិក ដូច្នេះអ្នកស្រីក៏សម្រេចចិត្តចេញពីអាមេរិកទៅ ។
ដូច្នេះសរុបសេចក្តីមកវាមានការពិបាកណាស់ សម្រាប់ធ្វើឲ្យស្ត្រីឈានដល់ចំណុចកំពូលដំណាលគ្នានឹងដៃគូរប្រុស ជាពិសេសប្រសិនបើនាងមិនអាចឈានដល់ចំណុចកំពូលបានក្នុងពេលរួមភេទ ។ ស្ត្រីភាគច្រើនមានការលំបាកណាស់ក្នុងការធ្វើដូច្នេះ ។
បញ្ហានៃពេលវេលាឈានដល់ចំណុចកំពូលរបស់បុរស
ចំណុចទីពីរ ទោះបីជាស្ត្រីអាចឈានដល់ចំណុចកំពូលក្នុងពេលរួមភេទក៏ដោយ ក៏មានសំនួរមួយថា បុរសអាចកំណត់ពេលវេលានៃការបាញ់ទឹកកាមរបស់ខ្លួនដើម្បីសម្របគ្នាជាមួយនាងដែរ ។
ជាអកុសល្យ បុរស ក្មេងៗជាច្រើន មិនអាចកំណត់ពេលវេលានៃការឈានដល់ចំណុចកំពូលរបស់ពួកគេបានទាំងអស់នោះទេ ជាពិសេសប្រសិនបើពួកគេមានការរងទុក្ខពីបញ្ហាឆាប់បាញ់ទឹកកាមចេញពេក ។
លើសពីនេះទៅទៀត ជាធម្មតាមានបុរសភាគច្រើន មិនចង់កំណត់ពីពេលវេលានៃការឈានដល់ចំណុចកំពូលទេ ។ ដូច្នេះម្តងហើយម្តងទៀត អ្វីដែលកើតឡើងគឺថា ស្ត្រីត្រូវចាប់ផ្តើមគិតប្រហែលជានឹងត្រូវឈានឲ្យដល់ចំណុចកំពូលឲ្យបានលឿន ។ បន្ទាប់មក ភ្លាមៗនោះ ទើបដល់ពេលដៃគូររបស់នាងម្តង ។
របៀបធ្វើដូចម្តេចទើបទទួលបានចំណុចកំពូលដំណាលគ្នា
សម្រាប់ដៃគូរួមភេទជាច្រើនគូ ដែលចង់បានចំណុចកំពូលដំណាលគ្នា គឺមិនអាចទៅរួចទេ យ៉ាងហោចណាស់ក៏ត្រូវមានមូលដ្ឋានមួយដែលទៀងទាត់ដែរ ។ ភាគច្រើននៃពួកគេយល់ស្របនឹងយោបល់នេះ ហើយប្រហែលជាវាមិនមែនជារឿងអាក្រក់នោះទេ ប្រសិនបើពួកគេទាំងពីសប្បាយចិត្ត ។
ប៉ុន្តែប្រសិនបើអ្នកពិតជាចង់ឈានដល់ចំណុចកំពូលដំណាលគ្នាមែន វាអាចធ្វើទៅ
បាន ។
នេះគឺជាក្បួនខ្នាតសម្រាប់ជួយដល់អ្នក
១-ចូរសិក្សានូវរបៀបធ្វើយ៉ាងណាឲ្យច្បាស់ថា ដៃគូខាងស្រីអាចទៅដល់ចំណុចកំពូលច្រើនឬតិចក្នុងពេលរួមភេទ ។
ប្រសិនបើអ្នកធ្វើវាបានមួយរយៈពេលហើយនិងតែងតែមានសេចក្តីស្រលាញ់គ្នា បរិយាកាសរ៉ូមែនទិក មិនប្រញាប់ប្រញាល់នោះ វាមិនមែនជារឿងពិបាកក្នុងការឈានទៅដល់ចំណុចកំពូលជាមួយគ្នានោះទេ ។
ល្បិចគឺត្រូវតែប្រាកដថាអ្នកអាចលូកទៅដល់ Clitoris (សិរ) របស់ស្ត្រី ដោយប្រើចុងម្រាមដៃក្នុងពេលរួមភេទ ។ នៅពេលអ្នកទាំងពីររៀបនឹងឈានដល់ចំណុចកំពូលហើយ បន្ទាប់មកចូរត្រដុសវា ថ្នមៗ ប៉ុន្តែត្រូវដាស់អារម្មណ៍ភេទឲ្យបានខ្លាំង ។
២-ទាញរកផលប្រយោជន៍នៃការឈានទៅដល់ចំណុចកំពូលនៃការរួមភេទច្រើនដង
ប្រសិនបើដៃគូខាងស្រីបានសិក្សាពីរបៀបធ្វើយ៉ាងណា ទើបបានចំណុចកំពូលច្រើនដង ហើយការធ្វើមានចំណុចកំពូលដំណាលគ្នាគឺពិតជាងាយស្រួលច្រើនសម្រាប់គេ ។
តើហេតុអ្វី? ព្រោះឥឡូវនេះខាងប្រុសមានគោលដៅមួយចំនួន ខុសៗគ្នា ។
ម្យ៉ាងវិញទៀតប្រសិនបើគាត់មិនត្រៀមខ្លួនរួចជាមួយក្នុងការទទួលបានចំណុចកំពូលតាមដែលខាងស្រីមានទេ គាត់អាចធ្វើវាបានទៀតនៅពេលដែលខាងស្រីឈានដល់ចំណុចកំពូលជាលើកទីពីរ ទីបី ឬទីបួន ។ ប៉ុន្តែសមត្ថភាពក្នុងការឈានទៅដល់ចំណុចកំពូលច្រើនដង គឺមិនច្រើនកើតមានទៅលើស្ត្រីវ័យក្មេងទេ ។
ចំណុចបញ្ជាក់ការណ៍ពិតទាំងនេះចង់ប្រាប់ឱ្យដឹងថា ការដល់ចំណុចកំពូលដំណាលគ្នា គឺមានភាពងាយស្រួលសម្រាប់ដៃគូរួមភេទណាដែលប្រើពេលវេលានៅជាមួយគ្នាយូរមកហើយ និងយល់ដឹងច្រើនពីគ្នាទៅវិញទៅមក ។
៣-ចូរប្រាកដថា បុរសបានសិក្សាពីរបៀបកំណត់ពេលវេលានៃការឈានដល់ចំណុចកំពូលនិយាយដោយភាពស្មោះត្រង់ ការធ្វើបែបនេះប្រហែលជាអាចប្រើពេលច្រើនឆ្នាំ ! បុរសជាច្រើនដែលមានវ័យ៤០ទៅ៥០ឆ្នាំ ជាធម្មតាអាចរួមភេទរហូតដល់ច្រើនម៉ោង ហើយបន្ទាប់មកបាញ់ទឹកកាមនៅពេលខាងស្រីត្រៀមខ្លួនរួច ៕
ចែករំលែកព័តមាននេះ