អគ្គនាយក CMAC ចុះហត្ថលេខាកិច្ចសហប្រតិបតិ្តការ ដើម្បីទទួលជំនួយ៣២៣.៦៦៨ដុល្លារ
- ភ្នំពេញ
រាជធានីភ្នំពេញ ៖ យោងតាមលោក ហេង រតនា អគ្គនាយក CMAC បានឱ្យដឹងថា នៅថ្ងៃទី០៤ ខែមករា…
រាជធានីភ្នំពេញ ៖ យោងតាមលោក ហេង រតនា អគ្គនាយក CMAC បានឱ្យដឹងថា នៅថ្ងៃទី០៤ ខែមករា ឆ្នាំ២០១៨ ត្រូវនឹងថ្ងៃ០៣រោច ខែបុស្ប ឆ្នាំរកា ព.ស ២៥៦១ នៅទីបញ្ជាការដ្ឋានស៊ីម៉ាក់ភ្នំពេញ ខ្ញុំបានចុះហត្ថលេខាកិច្ចសហប្រតិបតិ្តការជាមួយលោកប្រធានអង្គការជំនួយប្រជាជនន័រវេស្សន៍ (NPA) ប្រចាំតំបន់ ដើម្បីទទួលជំនួយថវិកាចំនួន៣២៣.៦៦៨ដុល្លារអាមេរិក ដែលផ្តល់ដោយក្រសួងបរទេសនៃរដ្ឋាភិបាលសហរដ្ឋអាមេរិកគាំទ្រសកម្មភាពបោសសំអាតកាកសំណល់ជាតិផ្ទុះពីសង្គ្រាម នៃកងឯកភាពកំចាត់មីនទី៥ របស់ស៊ីម៉ាក់ ដែលនឹងត្រូវប្រតិបតិ្តការនៅខេត្តកំពង់ចាម ត្បូងឃ្មុំ ក្រចេះ ស្វាយរៀង និងព្រៃវែង។
លោកបន្តទៀតថា គំរោងនេះ មានរយៈពេល២ខែដើមឆ្នាំ២០១៨ ដើម្បីស៊ីម៉ាក់សហការដេញថ្លៃគំរោងជំនួយ៤លានដុល្លាររយៈពេល២ឆ្នាំ (២០១៨-១៩)។
សូមបញ្ជាក់ជូនថា រយៈពេល១២ខែ (មករា-កុម្ភៈ) ២០១៧ គំរោងជំនួយសហរដ្ឋអាមេរិកផ្តល់មកស៊ីម៉ាក់តាមរយៈអង្គការ NPA ហើយស៊ីម៉ាក់ទទួលផ្ទាល់មានចំនួនជាង២លាន១សែនដុល្លារអាមេរិក ហើយសំរេចបានលទ្ធផលរំដោះផ្ទៃដីបានចំនួន៦៥គីឡូម៉ត្រក្រឡា ស្រាវជ្រាវតំបន់ចំការគ្រាប់ និងរុករកឃើញ និងកំទេចចោលសំណល់ជាតិផ្ទុះពីសម័យសង្គ្រាមគ្រប់ប្រភេទមានចំនួនជាង២ម៉ឺនគ្រាប់៕
ចែករំលែកព័តមាននេះ