រាជធានីភ្នំពេញ ៖ ពិធីការិនី យុគ ចិន្តា បានចេញមុខបកស្រាយជុំវិញការកាន់កា.ប់ប្រាក់របស់សមាគមសិល្បករខ្មែរជាង១ម៉ឺបដុល្លារ បន្ទាប់ពីត្រូវក្រុមប្រឹក្សាសមាគមអះអាងថា នាងបានក្តោបក្តាប់ប្រាក់នេះមិនឱ្យសមាគមប្រើប្រាស់ក្នុងកម្មវិធីមនុស្សធម៌ ផ្សេងៗ។
រាជធានីភ្នំពេញ ៖ ពិធីការិនី យុគ ចិន្តា បានចេញមុខបកស្រាយជុំវិញការកាន់កាប់ប្រាក់របស់សមាគមសិល្បករខ្មែរជាង១ម៉ឺបដុល្លារ បន្ទាប់ពីត្រូវក្រុមប្រឹក្សាសមាគមអះអាងថា នាងបានក្តោបក្តាប់ប្រាក់នេះមិនឱ្យសមាគមប្រើប្រាស់ក្នុងកម្មវិធីមនុស្សធម៌ ផ្សេងៗ។
ក្នុងបទសម្ភាសមួយដែលធ្វើឡើងនៅក្នុងបរិវេណសមាគមសិល្បករខ្មែរនាពេលថ្មីៗនេះពិធីការិនីយុគ ចិន្តា អះអាងថា ប្រាក់ដែលសមាគមមាននាពេលសព្វថ្ងៃនេះ គឺស្ថិតនៅក្នុងការគ្រប់់គ្រងរបស់នាង និងលោកយុត្ថារ៉ា ឆានី ចាប់តាំងពីអាណត្តិរបស់លោកអៀង ស៊ីធុល រហូតមកដល់អាណត្តិនេះ ។ កាលពីអាណត្តិមុនដើម្បីប្រើប្រាស់ថវិការបស់សមាគមបានគឺត្រូវមានការចុះហត្ថលេខាពីលោកមិញ សុធីវណ្ណ លោកយុត្ថារ៉ា ឆានី នាងសឿ សុធារ៉ា និងរូបនាងផ្ទាល់។
នៅក្នុងអាណត្តិដែលគ្រប់គ្រងដោយលោកមិញ សុធីវណ្ណ សមាគមមានលុយតែ៥០ដុល្លារប៉ុណ្ណោះ នៅក្នុងធនាគារ ហើយក្រោយមកគ្មានលុយអ្វីទាំងអស់ ។ ដោយសារបែបនេះហើយ សមាគមបានមូលមតិគ្នារៀបចំកម្មវិធីរាត្រីសមោសរមួយ ដើម្បីស្វែងរកប្រាក់ដាក់នៅក្នុងសមាគមសម្រាប់ទុកប្រើប្រាស់ក្នុងសកម្មភាពផ្សេងៗ ។ ប្រាក់ដែលរកបាននាពេលនោះគឺមានចំនួនជាង៤ម៉ឺនដុល្លារ ។
ប្រភពដដែលនេះអះអាងថា ក្នុងកាលៈទេសៈនោះដោយសារត្រូវមានភារកិច្ចជួយដល់កងទ័ពនៅសមរភូមិមុខ ក៏ផ្ទេរប្រាក់ប្រមាណ៧០ភាគរយ យកទៅទិញសម្ភារជួយដល់កងទ័ព ។ ចំណែកលុយដែលនៅសល់ជាងមួយម៉ឺនដល្លារគឺទុកនៅក្នុងធនាគារក្រោមការគ្រប់គ្រងរបស់នាង និងលោកយុត្ថារ៉ា ឆានី ។
លុះមកដល់អាណត្តិដែលគ្រប់គ្រងដោយលោកសុះ ម៉ាច លុយទាំងនោះគឺត្រូវផ្ទេរទៅលោកឆានី តែដោយសារតែមានការពិគ្រោះគ្នាពីថ្នាក់លើឱ្យមានការរក្សាលុយដែលមាននោះនៅក្នុងសមាគមកុំឱ្យបាត់បង់ហេតុដូច្នេះហើយលុយទាំងនេះត្រូវយកមកប្រើប្រាស់សម្រាប់បង់ថ្លៃទឹក ភ្លើងនៅក្នុងសមាគម និងមួយចំណែកតូចទៀតគឺប្រើប្រាស់សម្រាប់ជួយដល់សិល្បករដែលមានជំងឺ និងបាត់បង់ជីវិត ។
អ្នកនាងយុគ ចិន្តា បញ្ជាក់ថា រាល់ការចំណាយទាំងអស់សម្រាប់ប្រាក់នៅក្នុងសមាគមគឺត្រូវមានការចុះហត្ថលេខាពីលោកឆានី និងរូបនាងផ្ទាល់ ប៉ុន្តែនាងមិនបានកាន់កាប់ក្បាលបញ្ជីរបស់សៀវភៅធនាគារឡើយ សូម្បីតែលេខកូដធនាគារក៏នាងមិនបានចាំដែរ គ្រាន់តែមានសិទ្ធិចុះហត្ថលេខាប៉ុណ្ណោះ ។ ក្រោយពីសង្កេតឃើញថា នៅក្នុងរយៈពេលមួយឆ្នាំចុងក្រោយនេះការចំណាយរបស់សមាគមគឺមានចំនួនច្រើន ទើបនាងនិងលោកឆានីបានពិគ្រោះយោបល់គ្នាដើម្បីធ្វើយ៉ាងណាកុំឱ្យប្រាក់នោះចេះតែខើចទៅៗ ។ ក្រោយមកនាងសម្រេចចិត្តមិនចុះហត្ថលេខាដើម្បីដកប្រាក់របស់សមាគមប្រើប្រាស់បន្តទៀតឡើយ ដោយត្រូវរង់ចាំពិគ្រោះយោបល់ពីលោកសុះ ម៉ាច ដែលជាប្រធានសមាគម ។
ពិធីការិនីរូបនេះអះអាងថា លុយដែលសល់មិនបាត់បង់ទៅណាទេ គឺនៅក្នុងធនាគារក្រោមការគ្រប់គ្រងរបស់លោកឆានី និងរូបនាងផ្ទាល់។ ទាក់ទិនបញ្ហានោះ ប្រធានសមាគមសិល្បករខ្មែរ លោកសុះ ម៉ាច ឱ្យដឹងថា កន្លងមកការប្រើប្រាស់លុយនៅក្នុងសមាគម ពិតជាមានការលំបាកដោយសារតែលោកមិនបានដឹងច្បាស់ថា លុយដែលនៅសល់នៅក្នុងសមាគមនោះមានចំនួនប៉ុន្មានឡើយ ហើយលោកក៏គ្មានសិទ្ធិក្នុងការដកលុយទាំងនោះដែរ ។
ឆ្លងតាមការបកស្រាយរបស់អ្នកនាងយុគ ចិន្តា ដែលជាហេរញ្ញិករបស់សមាគមទើបលោកយល់ច្បាស់អំពីបញ្ហានេះបន្ទាប់ពីមានមន្ទិលកន្លងមក ។ លោកសុះ ម៉ាច បដិសេធជុំវិញព័ត៌មានដែលបានចុះផ្សាយថា លោករៀបចំកិច្ចប្រជុំក្រុមប្រឹក្សាសមាគមដើម្បីបោះឆ្នោតទម្លាក់នាងយុគ ចិន្តា ដោយជំនួសវិញដោយនាងសូដា នីតា ។ តាមពិតនេះមិនមែនចេញមកពីគំនិត និងពាក្យពេចន៍របស់លោកឡើយ គឺការប្រជុំដែលធ្វើឡើងនោះមិនមែនជាការបោះឆ្នោតទម្លាក់ឡើយ ផ្ទុយទៅវិញប្រជុំពិភាក្សាគ្នារកដំណោះស្រាយស្វែងរកក្រុមប្រឹក្សាណាដែលមានពេលវេលាគ្រប់គ្រាន់អាចជួយដល់សកម្មភាពរបស់សមាគមបាន ៕
ចែករំលែកព័តមាននេះ