អាយុ១៣ឆ្នាំសោះ ហ៊ានសម្លា.ប់បងស្រីព្រោះតែប្រាក់
- បាត់ដំបង
ខេត្តបាត់ដំបង ៖ (ព័ត៌មានបឋម) នៅវេលាម៉ោង៨ និង១០នាទីយប់ ថ្ងៃទី២៩ ខែធ្នូ ឆ្នាំ២០១៧នេះ នៅភូមិសួនស្លា ឃុំក្តុលតាហែន…
ខេត្តបាត់ដំបង ៖ (ព័ត៌មានបឋម) នៅវេលាម៉ោង៨ និង១០នាទីយប់ ថ្ងៃទី២៩ ខែធ្នូ ឆ្នាំ២០១៧នេះ នៅភូមិសួនស្លា ឃុំក្តុលតាហែន ស្រុកបវេល កម្លាំងនគរបាលខេត្ត សហការណ៍ជាមួយកម្លាំងអធិការដ្ឋាននគរបាលស្រុកបវេល បានធ្វើការនាំខ្លួនឈ្មោះ ហួន រាហ៊ូ ភេទប្រុស អាយុ១៣ឆ្នាំ រស់នៅភូមិ-ឃុំខាងលើ ត្រូវជាប្អូនជនរងគ្រោះ (ឪពុកតែមួយ ម្តាយផ្សេងគ្នា) មកធ្វើការសាកសួរនៅអធិការដ្ឋាននគរបាលស្រុក ពីបទឃាតកម្ម។
ក្រោយពីសមត្ថកិច្ចបានធ្វើការសាកសួររួចជនសង្ស័យបានឆ្លើយសារភាពថា ខ្លួនពិតជាបានយកពូថៅកាប់ទៅលើបងស្រីឈ្មោះ ហួន រ៉ានី ភេទស្រី អាយុ៣០ឆ្នាំ រស់នៅភូមិ-ឃុំខាងលើពិតប្រាកដមែន កាលពីថ្ងៃទី២៨ ធ្នូ ២០១៧ វេលាម៉ោង២និងនាទីរសៀល នៅភូមិរូងអំពិល ឃុំខ្នាចរមាស ស្រុកបវេល (មូលហេតុចង់បានលុយពីបងស្រី និងទាស់សម្ដីគ្នា)។ សមត្ថកិច្ចដកហូតបានវត្ថុតាងពូថៅ១ និងប្រាក់រៀល២៤១.៦០០រៀល ប្រាក់ថៃ២៥.៤៦០បាត។ ក្នុងករណីនេះដែរ សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្ត៕
ចែករំលែកព័តមាននេះ