Taeyang ត្រៀមនឹងរៀបការជាមួយនឹងមិត្តស្រីឆាប់ៗនេះ
កូរ៉េខាងត្បូង ៖ តាមប្រភពព័ត៌មាន Metro បានឲ្យដឹងថា តារាកូរ៉េប្រុសល្បីរបស់ក្រុម Bigbang លោក Taeyang បានភ្ជាប់ពាក្យជាមួយនឹងមិត្តស្រីរបស់ខ្លួន…
កូរ៉េខាងត្បូង ៖ តាមប្រភពព័ត៌មាន Metro បានឲ្យដឹងថា តារាកូរ៉េប្រុសល្បីរបស់ក្រុម Bigbang លោក Taeyang បានភ្ជាប់ពាក្យជាមួយនឹងមិត្តស្រីរបស់ខ្លួន ដែលជាតារាសម្តែង Min Hyo Rin បន្ទាប់ពីបានស្គាល់គ្នាជាសង្សារអស់រយៈពេលជិត៤ឆ្នាំ។
ប្រភពព័ត៌មាន Soompi បានប្រាប់ថា ពួកគេទាំងពីរនាក់នឹងរៀបការជាមួយគ្នានៅខែកុម្ភៈ ឆ្នាំក្រោយនេះ មុនពេល Taeyang ត្រូវមានភារកិច្ចចូលធ្វើទាហានបំរើជាតិ។
នាពេលនេះ ម្ចាស់បទ Eyes, Nose Lips លោក Taeyang មានអាយុ២៩ឆ្នាំហើយ។ ជាមួយគ្នានេះដែរ លោកក៏ត្រៀមនឹងចូលបំរើទ័ពតាមភារកិច្ចរបស់ប្រជាជននៅកូរ៉េផងដែរ។ សម្រាប់ខាងស្រីវិញ មានអាយុបងពីរឆ្នាំ។ ពោលគឺនាងមានអាយុ៣១ឆ្នាំ។
គួរបញ្ជាក់ផងដែរថា ពួកគេទាំងពីរនាក់បានប្រកាសជាផ្លូវការថា ជាសង្សារតាំងពីខែឧសភាឆ្នាំ២០១៥ មកម្ល៉េះ។ តែស្នេហារបស់អ្នកទាំងពីរមិនសូវជាបើកចំហរប៉ុន្មានទេ ព្រោះតែពួកគេពេញចិត្តនឹងជីវិតមានឯកជន។ សម្រាប់ពេលនេះ ពួកគេបានភ្ជាប់ពាក្យជាផ្លូវការហើយ។ សូមចូលរួមអបអរ!
ចែករំលែកព័តមាននេះ