តារាសម្តែងស្រីថៃ កូនកាត់អាមេរិកាំង នាង ជេនី (Janie Thienphosuwan) កាលពីពាក់កណ្តាលឆ្នាំ២០១៧ បានប្រកាសផ្តាច់ចំណងមិត្តភាពដ៏ល្អពីមិត្តភក្តិរបស់នាងម្នាក់ គឺតារាសម្តែងស្រី Woonsen Virithipa ។
នាង ជេនី កាត់ចិត្តផ្តាច់ចំណងមិត្តភាពនេះ គឺដោយសារតែនាង Woonsen Virithipa បានណែនាំមនុស្សស្រីម្នាក់ទៅឲ្យអតីតមិត្តប្រុសនាងជេនី គឺលោក Keung Chalermchai ។ ក៏ប៉ុន្តែ នាងជេនី កាលពីរាត្រីថ្ងៃទី២៤ ខែធ្នូ ពេលទៅចូលរួមពិធីមង្គលការតារាសម្តែង Margie Rasri នាងក៏បានជួបនាង Woonsen Virithipa នៅឯពិធីនោះដែរ ។
ដំបូងអ្នកទាំងពីរមិនបាននិយាយរកគ្នា ឬរ៉ាក់ទាក់គ្នានោះទេ តែនៅវិនាទីចុងក្រោយនៃពិធីមង្គលការនោះ ពួកគេទាំងពីរនាក់បានឱបគ្នាយ៉ាងណែន លាយឡំជាមួយនឹងតំណក់ទឹកភ្នែក ដោយសារតែតារាស្រីម្នាក់ទៀត គឺនាង Nana Rybena គឺជាអ្នកសម្របសម្រួលឲ្យអ្នកទាំង ២ ត្រូវរ៉ូវគ្នាវិញ។
អញ្ចឹងមានតែយើងជួយអបអរសាទរសម្រាប់អ្នកទាំង ២ ដែលបានប្រែក្លាយពីសត្រូវទៅជាមិត្តសម្លាញ់ម្តងទៀត៕
ចែករំលែកព័តមាននេះ