ប្រទេសមីយ៉ាន់ម៉ា ៖ រដ្ឋាភិបាលមីយ៉ាន់ម៉ា ប្រកាសកាលពីថ្ងៃទី១៣ ធ្នូ ថា អ្នកកាសែត២នាក់របស់រ៉យទ័រជាជនជាតិមីយ៉ាន់ម៉ាដែលស៊ើបអង្កេតលើការបង្ក្រាបរបស់កងយោធាលើពួករ៉ូហ៊ីងយ៉ាត្រូវចាប់ខ្លួនកាលពីយប់ថ្ងៃទី១២ ធ្នូ នៅទីក្រុងរ៉ង់ហ្គូនជាទីក្រុងធំ បំផុតរបស់ប្រទេស…
ប្រទេសមីយ៉ាន់ម៉ា ៖ រដ្ឋាភិបាលមីយ៉ាន់ម៉ា ប្រកាសកាលពីថ្ងៃទី១៣ ធ្នូ ថា អ្នកកាសែត២នាក់របស់រ៉យទ័រជាជនជាតិមីយ៉ាន់ម៉ាដែលស៊ើបអង្កេតលើការបង្ក្រាបរបស់កងយោធាលើពួករ៉ូហ៊ីងយ៉ាត្រូវចាប់ខ្លួនកាលពីយប់ថ្ងៃទី១២ ធ្នូ នៅទីក្រុងរ៉ង់ហ្គូនជាទីក្រុងធំ បំផុតរបស់ប្រទេស ។
ក្រសួងព័ត៌មានមីយ៉ាន់ម៉ាក្នុងសេចក្តីប្រកាសមួយតាម FACE BOOK ថ្លែងថា អ្នកកាសែត២នាក់ លោក WA LONG និងលោក KYAW SOE OO ប្រមូលដោយខុសច្បាប់បណ្តាព័ត៌មានក្នុងគោលបំណងចែកចាយដល់សារព័ត៌មានបរទេសមួយ ។
យោងតាមច្បាប់ស្តីពីការសម្ងាត់ផ្លូវការដែលមានតាំងពីឆ្នាំ១៩២៣សម័យកាលក្រោមការត្រួតត្រារបស់អង់គ្លេសមក អ្នកកាសែតទាំង២នាក់នោះអាចមានទោសជាប់គុករហូតដល់១៤ឆ្នាំ ។
រូបថតមួយសន្លឹករបស់អ្នកកាសែតទាំង២នាក់នោះអមសេចក្តីប្រកាសរបស់ក្រសួងព័ត៌មានបញ្ជាក់ថា អ្នកទាំង២ត្រូវឃុំខ្លួននៅអធិការដ្ឋានប៉ូលិសមួយនាជាយក្រុងរ៉ង់ហ្គូន។
លោក WA LONE និងលោក KYAW SOE OO បាត់ខ្លួនចាប់តាំងពីយប់ថ្ងៃទី១២ ធ្នូ មកក្រោយត្រូវអញ្ជើញឱ្យចូលរួមអាហារពេលល្ងាចមួយដោយអ្នកទទួលខុសត្រូវប៉ូលិស២រូប ។ មុនពេលចេញផ្សាយសេចក្តីប្រកាស អ្នកនាំពាក្យរដ្ឋាភិបាលលោក ZAW HTAY និយាយថា ប្រាកដហើយដែលអ្នកទាំង២ត្រូវចាប់ខ្លួន ។ អ្នកនាំពាក្យរូបនេះបន្តថា ពុំត្រឹមអ្នកកាសែតទាំង២រូបទេ សូម្បីប៉ូលិសទាំងឡាយដែលជាប់ទាក់ទិននឹងរឿងនេះក៏ត្រូវចាប់ខ្លួនដែរ ។ យើងមានចេតនាធ្វើសកម្មភាពមួយប្រឆាំងប៉ូលិសទាំងនោះ និងប្រឆាំងបណ្តាអ្នកកាសែត ។
ជនជាតិរ៉ូហ៊ីងយ៉ាជិត១លាននាក់ដែលគ្មានប្រទេសបានរត់ភៀសខ្លួនចេញពីអំពើហិង្សារបស់កងយោធានៅមីយ៉ាន់ម៉ា ហើយភៀសខ្លួនទៅកាន់ប្រទេសបង់ក្លាដែស ។
អង្គការគ្រូពេទ្យគ្មានព្រំដែនវាយតម្លៃកាលពីថ្ងៃទី១៤ ធ្នូ ថា ពួករ៉ូហ៊ីងយ៉ាយ៉ាងតិច៦.៧០០នាក់ ក្នុងនោះមានកុមារយ៉ាងតិច៧៣០នាក់ ត្រូវសម្លាប់តែក្នុងរយៈពេល១ខែដំបូងនៃយុទ្ធនាការយោធានៅភាគខាងលិចមីយ៉ាន់ម៉ា រវាងថ្ងៃទី២៥ សីហា និងថ្ងៃទី២៥ កញ្ញា ៕
ចែករំលែកព័តមាននេះ