រាជធានីភ្នំពេញ ៖ ថ្ងៃទី១២ ខែធ្នូ ឆ្នាំ២០១៧ លោកឧត្តមសេនីយ៏ឯក ហ៊ុន ម៉ាណែត នាយរងសេនាធិការចំរុះនៃកងយោធពលខេមរភូមិន្ទ និងជាមេបញ្ជាការរងកងទ័ពជើងគោកបានអញ្ជើញចូលរួមផ្សព្វផ្សាយគោលការណ៍ណែនាំអំពីវិធីសាស្ត្រវាយតម្លៃលើផលប៉ះពាល់នៃលិខិតបទដ្ឋានគតិយុត្តដល់នាយទាហាននៃកងយោធពលខេមរភូមិន្ទក្រោមជំនួយបច្ចេកទេសរបស់ធនាគាអភិវឌ្ឍន៍អាស៊ី លេខ៨៨៣៤ ។
នាឱកាសនោះលោកឧត្តមសេនីយ៍ឯក ហ៊ុន ម៉ាណែត បានវាយតំលៃខ្ពស់ចំពោះការខិតខំរបស់ក្រុមការងារ (RIA) នៃក្រសួងការពារជាតិដែលមានឧត្តមសេនីយ៍ឯក ម៉ម សុផាត អគ្គលេខាធិការងនាយកដ្ឋាននីតិកម្ម ក្រសួងការពារជាតិ ជាប្រធាន និងកិច្ចសហប្រតិបត្តិការដ៏ល្អជាមួយក្រុមការងារ RIA នៃក្រុមប្រឹក្សាសេដ្ឋកិច្ចសង្គមកិច្ច និងវប្បធម៌ (ECOSO) ដែលបានសហការរៀបចំសិក្ខាសាលានាពេលនេះជ្រួតជ្រាបស្តីពីគោលការណ៍ ណែនាំអំពីវិធីសាស្ត្រ វាយតម្លៃលើផលប៉ះពាល់នៃលិខិតបទដ្ឋានគតិយុត្ត (RIA) ឱ្យបានយល់ដឹងអំពីកម្មវិធីកំណែទម្រង់របស់រាជរដ្ឋាភិបាលដល់នាយទាហាននៃកងយោធពលខេមរភូមិន្ទ ។
ជាមួយគ្នានោះដែរ លោកឧត្តមសេនីយ៍ឯក ក៏បានសូមថ្លែងអំណរគុណយ៉ាងជ្រាលជ្រៅ ចំពោះធនាគារអភិវឌ្ឍន៏អាស៊ី ដែលបានគាំទ្រជាជំនួយផ្នែកបច្ចេកទេសដល់កម្មវិធី RIA ។ ដំណើរការកម្មវិធី RIA ជិត៧ឆ្នាំមកហើយ ដោយទទួលបានភាពជោគជ័យតាមដំណាក់កាលនីមួយៗគួរឱ្យកត់សម្គាល់ដែលរហូតមកដល់ពេលនេះមានក្រសួងចំនួន១៧ និងស្ថាប័ននីតិបញ្ញត្តិចំនួន២ចូលរួមក្នុងកម្មវិធី RIA នេះដើម្បីឱ្យមានទម្លាប់ល្អក្នុងការរៀបចំលិខិតបទដ្ឋានគតិយុត្តតាមបែបវិទ្យាសាស្ត្រពិត ៕
ចែករំលែកព័តមាននេះ